ودي ارجع عروس تعبانه نفسيا

[أم -مريم]

سلام عليكم

بنات انا متزوجه صار بعد شهر اكمل سنتين

قبل الزواج كنت اهتم بنفسي من كل النواحى بعد الزواج :eh_s(11):

خذتنى الحياه الزوجيه ماعندي خدامه وقاعده بالبيت بعد ثلاث شهور حملت لهيت بالحمل و البيت والزوج بعد الولاده فلمممم ثانى بيبي اول واحد بنت مثل القمر الله يخليها فتره متعبه انهد حيلي سهر تربيه تسنين تطعيم امى ماقصرت بس انا اكيد علي المسوؤليه

الحين اطالع نفسي احس بالاحباط ،متنت شوى كرشت شوى شعرى جاف صار ويهي حبوب بشرتى

لبسي صار اقل من عادي بالبيت مالي خللللللللق شي احس اهملت البيت و الزوج و نفسي


مادرى شسوى شلون انظم وقتى وادلع نفسي التعبانه

زوجى غيور مايحب اكشخ وايد بره البيت بس مايمنع ارتب نفسي وشوى مكياج وجنطه حلوه وكذا

بس انا صرت اركن الجناط الماركه و الساعات واخذ العملي الرخيص و العبايه الرخيصه عشان ماتتوصخ او او او لما اشيل بنتى واتحرك




:eh_s(2):

 

[برونزية كويتيه]

ماعليج اهتمي بجسمك وركزي علي الفراش مع زوجج

 

[$كشوخه$]

حبيبتي نظمي وقتج ما يبيلها شي ..

اخذيلج اول شي سكراب ومرطب للجسم والعده كامله

وسويلج ماسكات للشعر او حطي زيوت بالوقت اللي يكون زوجج برآ البيت

واخذيلج شامبو وبلسم خاص بالترطيب واهتم بشعرج

سويلج نظام غذآئي معتدل ويا كثر تجمعات الريجيم بالمنتدى اذا تبين حد يشجعج

مافي شي اسمه ما تقدرين .. كل شي بتقدرين تسوينه ان شاء الله بس لين متى بتقعدين جذي منحبطه ؟

تعدلي بالبيت والبسي آحلى الثياب وميكب خفيف .. وامورج تمام :rerrerek::eh_s(17):

 

[مآيكبرني نك]

كآتبه الموضوع بالنيآبة عني

اللي عنده حل يفيدنآ ..

 

[كيميائيه]

نظمي وقتج
مو كله للبنت
نفسج لها حق عليج وزوجج
انا تقريبا نفسج وقاعده احاول شوي شوي اضعف
واذا تسبحت عندي خلطات ادلع فيها عمري
والبش لبس عملي وبنفس الوقت حلو
لان اذا هديت عمري خلاص بصير جني عيوز

 

[أم -مريم]

اي والله حاسه نفسي عيوز

شنو خلطاتج

 

[Aloe Vera]

نظمي وقتج و لاتهملين مهم و قطي لبس البيت البايخ و لمن تشترين ملابس بيت اخذي عملي و مريح بس حلوووو و مغري

 

[الجادل الخشف]

انتي مو موظفه مفروض عندج وقت حق روحج ادلعين نفسج لمن تنام بنتج العصاري حطي خلطات دهني شعرج ولبسي كيس ولفيه بملفع قطن خليه ساعه وتسبحي بترد حيويته واكشخي شحقه تخشين لبسج الغالي ترا حتا انا زوجي يغار ويلبسني عباه راس ودسوس بس هالشي مامنعني من الكشخه عباتي مرتبه وجنطتي كشخه وتكرميم الجوتي نظيف وساعه واحط ماسكره ههههه عشان مايلاحظمايصير تمشين مع زوجج وانتي مبهذله ترا يلاحظ وهم وده تترتبين واذا قدمت عبيج يشتريلج شوراه خل يصرف عليج
ومعاتقد بنتج بجابلينها طول اليوم قلتلج لمن تنام جابلي عمرج وريلج قبل لايطير منج

 

[أم -مريم]

الجادل الخشف والله انتى عجييييبه ضحكتينى ووعيتينى

 

[البارونـه]

حبيبتي لا تحاتين كلها فتره وتعدي كل الامهات جي ، وصدقيني من يصير عمر بنتج سنتين خلاص بتردين احسن من قبل
تكشخين وتكشخين بنتج وتصيرون ربع تروحون صوالين واسواق وااي ياحلات البنات الله يخليها لج
بس دامج انتبهتي هاي البدايه الحين انتي تعرفين عيوبج يلا ابدي سنعيهم
ولازم تحسسين زوجج انج بتتغيرين بعد يعني اثنين في واحد، روحي قصي اطراف شعرج وصبغيه وابدي كورسات تريتمنت
وقوليله عفيه فلان ايبلي جهاز المشي الفلاني او ايبي لج مدربه او روحي نادي

 

[رشا الهواء]

مشكلتج تحتاجين تنظيم وقت بين ريلج
والبنت والبيت وعلاقاتج الاجتماعية والاهتمام بنفسج وبالستايل حقج

 

[Mrs_Orchidia]

حبي .. سوي رجيم و دشي صالون اشتركي ببرنامج عروس
اهو ناس تهتم فيج و تدلعج .. و بنفس الوقت ريلاكس حق بعيد عن البيت و العيال و اللوية و طبعا بتطلعين بنتيجة حلوة نعومة و جمال

اذا انتي نوعج تلبسين عباية خيطيلج عبايتين راقيين .. و قطي الرخاص بالزبالة لا تشترين شي رخيص ياحياتي انتي
عشان حتى باللبس العملي شكلج يصير زاهي

عندي احساس ان عيالج اعمارهم قريبة من بعض ،، اشتريلهم عربانة توأم عشان اذا طلعتوا تقعدينهم مع بعض و ما يأذونج و ترى اليهال يموتون بهالعربانات و خلي زوجج يدزهم

اذا زوجج ما يحب المكياج بالطلعة مو مشكلة .. اهتمي ببشترتج .. حطي مرطب ملون
بلاشر بينيفت السائل ،، بتطلعين بجمال طبيعي

للبيت .. مثل ما قلت .. لازم تدخلين برنامج صالون عشان تلتزمين و صدقيييني ،، راح تدمنين جلسات الشعر و الحمام المغربي
عياالج وديهم عند امج او حمولتج لا تتحججين فيهم

بالنسبة للبيت .. لا تلبسين بجامة عادية
اشتريلج لقنزات بالوانه بنوتية و ركبي عليها بلوزات مناسبه
و لبسيهم .. و خلصنا

شغل الفراش ماني قايلة ،، بعد ماله داعي اعلمج

 

[sharshora80]

الله يتمم عليج ويسخرلج زوجج

بنيتج حلو عمرها اعتقد عدت مرحلة الترجيع والعفسه لما تطلعين حطيها بالعربانه وحطي العاب لها وبفك وعصير وانتي عاد لبسي عباتج النظيفه الراقيه وقطي الارخاص فديتج توج صغيرة استانسي بعمرج واذا شافج زوجج مبهذله وذابحه روحج بالرخيص صدقيني هو بعد راح يرخصج وحتى هداياه راح تكون نفس مستوى اللي تلبسينه

وبالنسبه حق المتن خفيفي اكلج واشربي قشر قهوة وكمون مع زنجبيل ترى يضعف وينحت الجسم ووايد زين حق المرا من تحت

عندج باليوتيوب رياضه الزومبيا تكون مثل رقصه بس رياضه تحرك جميع الجسم شغلي على ﻻب توبج او تلفونج وقعدي سوي التمارين

وكل هذا سوي حق نفسج ﻻتقعدين تنطرين مدح من احد اذا انتي حبيتي نفسج كل امورج تصير اوكي

حطي بنتج بالدرايه وسويلج ماسك اﻻوفوكادو حق شعرج خلطي مع روب وقعدي لعبي معها لمدة ساعه وغسلي شعرج هذا ماسك كراتين طبيعي
ويهج بخي عليه ماي ورد كل مامريتي على التسريحه ومرة باليوم مسحي بمنقوع المرة علشان الحبوب وﻻتنسين صلاتج ودعائج لربج واﻻستغفار ��

 

[نـعـومـه]

حاولي تغصبين عمرج تتمكيجين جنج بتطلعين ولبسي حتى لو جنز وبدي

او متى مافضيتي حطي مكياج صالون وسوي شعرج

 

[عبوه]

كلهآ بنوته وحده عندك .. بيبي واحد بس !

ماتاخذ كل وقتتك مهما كاان .. حتى وان كانت صاحيه مو نايمه مااعتقد انها تسبب لك كل هالتعب و الارهاق ..

اتوقــع الاهمال منك انتي و حسيتي بنتك السبب .. انا مثلك كملت سنتين وعندي بنوته وبالعكس اكشخ واهتم بنفسي و بعد عندي وقت

للــ التي في و اللاب توب ... الخ ..

انتي لا تكبرين الموضوع خليك عادي و لا تخلبن المسؤؤليه عليك خلي زوجك يساعدك مثلا انا لو عندي عزيمه في بيت صديقاتي او مناسبة

خطوبه او زواج اخلي بنوتي عند ابوها يمسكها عني اذا امي معزومه معي .. لازم يشارك معك ..

هي مساله تنظيم وقت فقط ..

الله ييسسر لك امووورك ..

 

[بقلبي انت]

هذا وبيبي واحد جذي صار فيج اشلون لصاروا 4ودشوا المدرسه وتدريس وهم
بتقرعين وبتصيرين درام وجيكره بعد ههههههه

كل شي حطيله وقت وسوي جدول لبيتج وبنتج ونفسج وزوجج لاتهملين حياتج