ودي اتزوج:(

[كسرة البخوره]

السلام عليكم ورحمة الله ..

شلونكم خواتي ..

ودي اتناقش معاكم بمشكلتي انا تطلقت قبل 8سنوات والى الان ماتزوجت والحمدلله نسبة جمالي80٪ ..طبعاً عندي يقين بالله انها حكمة رب العالمين،،المهم اكثر اللي يخطبوني معددينوانا والله ودي بشاب مو متزوج ومن طقتي ..شسوي بدخل ال30 وانا قاعده خواتي واخواني تزوجوا وانا اربي عيالهم وانفس خواتي وانا والله محتسبه الاجر ..وكل عملي لله..لكن ودي اتزوج واصير ام ووصلت لمرحله ماعندي مانع اني اتزوج معدد بس صغير شوي تحت الاربعين ..بس خايفه من كلام عايلتنا وشدعوه وخل تصبر ..مليت من الوحده ابي اصير زوجه و أم .. وهذا شرع الله مو حرام ولا خطفت الريال اهو جا وطق بابنا..!!

سؤالي فيها شي لو اتزوج معدد ويكون ملتزم ويعدل؟
هل الخطوه عيب او جريمه؟
​

 

[نور المدينة.]

الصبر حلو وكل شي بيد الله ما تدرين وين نصيبج

 

[معصبه وايد]

الله يوفقج ويرزقج الزوج اللي تبينه

ماعندي تعليق غير جذي وان شاءالله البنات يفيدونج

بس الافضل لو يكون ارمل او مطلق نفس حالتج احسن !! من وجهة نظري

 

[انا لها شمس]

والله يالغاليه اذا انتي شاريه عوار الراس والمشاكل
اخذي ع شريجه وشريجتين

حتي لو نيتج صافيه انتي لاتنسين انج راح تاخذين زوج من زوجته
يعني ع كثر ماراح تحرقين قلبها راح تتحاقر او تتليعن معاج

وهذا بعد اذا عندها بنات وبيحسون انج اخذتي ابوهم

ههههههه استلمي ع خطط وبلاووووي

انا من رايي تنطرين الافضل والاحسن مو غلط لو اييج مطلق
او ارمل

او مومتزوج وفوق ال٤٠ ترا مو وايد كبير بالنسبه لعمرج


تزوجي اللي تشوفين سعادتج وراحة بالج معاه لكن بعد دراسه عدله


وربي يرزقج ع قد نيتج

 

[ناتشوو]

اكيد مو عيب و لا حرام
وواضح انج تسألين من باب الفضفضة
مو من صجج

 

[نـعـومـه]

حبيبتي موتزعلين

مطلقه وماتبين الا عزوبي ؟!!!! مافيها شي اذا اخذتي مطلق او ارمل شعليج من كلام ناس !! شكو مستعيله بعد منفصله طبيعي تاخذ منفصل

معدد قصدج متزوج ومرته على ذمته ؟ هنيه لاااا ماأيد

 

[سيلينا]

الله يكتب لج الي فيه خير والله يرزقج يارب عاجل غير اجل

عااد تدرين اعرف اكثر من وحده مطلقات واخذوا رجال اول مره يتزوج لانه نصيبهم

التعدد او مطلق او ارمل انتي الي تحددين لانه يعتمد على نصيبج ورغبتج

مااا اقوول الا الله يكتب لج الي فيه خير

 

[مطلقه جريحه]

مايحس بنار الا واطيها

 

[احلام تائهة]

الله يرزقك يااااارب الاحسن و الافضل

 

[غرور 9]

لو كل وحدة مسكت ريلها وصكت عليه صك
جان تلاقين الامة كل عوانس
اكيد مافيها شي اذا يخاف الـلـْ♡ـْْه فيج وفيها والله لاتترددين

 

[سعادة قلبي وياه]

حاسة فيج يا حياتي المطلقة تحس بالوحده وودها بشريك وودها بعيال تلهى معاهم
بس اختيارج غلط انتي ذكرتي انج جميلة بمعدل 80% يعني جميلة مو قبيحة وطايحة حظ
نصيبج بيج حتى لو كان اعزب بعد مافيها شي المطلقة الحين غير عن اول حياتها ماشية ونصيبها
بيها لين عندها لا تتسرعين وتخطين خطوه وانتي مو مرتاحة منها انا صديقتي مطلقة جميلة ومحترمة مثلج ماعندها عيال
جاها واحد اعزب ماقط تزوج والحمدلله توفقت معاه والكل يطالعها مسكينه شلون وشلون اجيها واحد مو مطلق ولا ارمل ولاولا
الدعاااااااااااااااء والاستغفاااااااااااار اهو سر توفيقها ادعي الله وصلي وبتشوفين بنفسج وربي يوفقج ويرزقج الزوج الصالح
ونصيحة شيلي من بالج واحد متزوج ترى التعدد بمرضج وبيب لج مشاكل انتي غنية عنهااااااا

 

[شطانه طفله]

الله يرزقج يارب بالنصيب والجل الصالح كثري استغفار والله يفرجها عليج يارب

 

[دلوعه ززوجي]

الله يرزقج بزوج الصالح

 

[شادن33]

حبيبتي مافيها شي مؤ حرام

وترا فيه الريال اللي يعدل ويخاف الله بس نادر ماتحصلينه !!!
انتي استخيري ربج والله يوفقج ويستر عليج حبيبتي

 

[Mawiya]

أنا أقولج اللي ايلج شنو ما كان استخيري لو معدد او لا
وربج يسهل أمورج تر مو إحنا نختار نصيبنا ...
ربي يوفقج ويكتبلج الخير ونصيحة مني أكثري الصدقة
تفتحلج ابواب ما كنتي تفكرين فيها هي والإستخاره .

 

[hbenc]

نفس الموضوع ونفس الشعور عسى ربي يجبر خواطرنا يالغاليه بزينة الشباب

 

[رنيم الروح]

حبيبتي النصيب يصيب سوا كان معدد ولا مطلق ولا غيره سبحان الله كل شي له وقته
ومثال على هالشي اختي عمرها 31 اتزوجت الاول وصار مشاكل وطلقت وخذت الثاني وكبير فوق 50 وهم مارتاحت فرق اكبير جدا
وبعدها اخطبوها ناس كثير ومستويات وناس معروفه وكانت ترفضهم
وقعدت كم سنه واخر شي جاها النصيب واحد من الاهل ومطلق واصغر منها والله يتمم عليها مرتاحه ومبسوطه
كلامي هذا ابين لك انه اذا الله كاتب لك شي راح يصير

 

[queen92]

الله يرزقج بالزوج اللي تتمنيينه ياربي

 

[ام اريج 22]

الله يرزقج بزوج صالح

 

[متفائلة خيرا]

الله يرزقك بالزوج الصالح اللي يسعدك ويهنيك
حبيتي انت ونصيبك ادعي الله ان يرزقك الزوج اللي يحبك وعينك علي امور دينك ودنياك اهم شيئ الخلق والدين
والخير يعلمه ربي سبحانه في المطلق او الارمل او الاعزب او المتزوج
بس نصيحه التعدد يبيله رجل خلق ودين ومتدين ويخاف ربي
اسال الله ان يفرج عن كل بنت ويرزقها بزوج الصالح عاجلا غير اجل
علي فكرة انا بعد مطلقه والحمد لله متفائلة خير