ودي أخذ إجازة رعاية اسره بس أخاف اتوهق

[غيم المطر]

عندي عيالي توأم واعمارهم سنه ونص دوامي بعد أسبوع وخدامتي سافرت وعندي وحده موقته وأمس جبت من المكتب هندية اول مره تشتغل توها جايه من ديرتها الي خلاني اتردد انه علي أقساط قرض وجمعيات الجمعية شهر عشرة تخلص. بس القرض قسطه ميتين دينار مره اقترحت عليه أني أخذ رعاية الأسرة وقال راح يعطيني بس أربعمائة دينار ويكون منها المصرف علي البيت وماجلتنا ولبسنا وأنا هدفي أن أجابل عيالي لمااروح دوامي احاتيهم بس لما افكر بالمعاش اتردد اشرايكم أخذ رعاية أسرة

 

[ReD&FoSHia]

اخذي امومة شهرين على ما اتعلم الخدامة علي شغلج

 

[غيم المطر]

اخذي امومة شهرين على ما اتعلم الخدامة علي شغلج

مشكورة علي الرد اقول عيالي اعمارهم سنه ونص أخذت الأمومه وهم صغار الحين مسموح لي اجازة رعاية اسره بدون مرتب ناقشت الموضوع مع زوجي امس وقال بيشيل عني قسط القرض بس ومصروف مايقدر والله المستعان

 

[mrs.inona]

الله يعيينج حبيبتي :*******

 

[ReD&FoSHia]

مادري شفيني قريته عمرهم نص سنة حتى استغربت العادة انقولها ست اشهر ,, من حوسة التجهيز و الترتيب ههههه ماقمت اشوف ... عالعموووم انتي قدري وقتج اخذي اجازة خاصة اسبوعين او اخذي من رصيدج من الاجازات او اخذي مرضيات 3 ايام و علمي اليديدة على اليهال او اذا كنتي المادة رادتج .. ودي عيالج بيت اهلج اسبوع اسبوعين لين اتعرف او اتعلمها امج ولا خالتج ام ريلج علي عيالج

الله يعينج .. اذا كانت حلولي مو متوفرة لج .. اذا اخذي اجازة رعاية اسرة لمدة شهر او شهرين بس وردي وراها خلال شهرين اتكون متعلمة عليهم

 

[++صدفة++]

اذا تقدرين ودي عيالج حضانة ثقة معروفة جذي تروحين الدوام وانتي متطمنة عليهم
بس اذا ما تقدرين انا اشوف انتي تجابلينهم احسن من انج تخلينهم بيد الخدامة بروحهم
لأن مهما كان اسم الله عليهم توأم خوفچ الخدامة تنشغل عنهم شوي وما تدرين شيصير

 

[om-3abodey]

يا تدخلين اعيالج حضانة أو تاخذين الإجازة حاولي تدخلين هم حضانه جربي شهر أو أسبوعين إذا ما ارتحتيي أخذي الإجازة أنا بصراحه أخذتها بس كان عمر اعيالي أصغر من اعيالج

 

[cheese cake 84]

مالج حل الا الحضانه تطمنين ان مو عند الخدامه ومنها ماتطلعين من دوامج وفلوس الحضانه بالنص بينكم وبعدين عندج خدامتين خل كل وحده تمسك ياهل وعالطباخ من بليل جهزي اكلج بس تسخين لي رديتي مادري نصيحه انا اشوف سالفه ماكو معاش موسهله

 

[Om_RaYomaH]

حبيبتي اجازة رعاية اسرية تاثر على الترقيات

وتاخرهم واذا انتي بالتربية يعاملونج كانه تو متوظفة
مايطالعون تقاديرج قبل الاجازة
دخليهم حضانه والخدامات وحدة تطبخ ىالثانية تغسل وتنظف وزعي الشغل عليهم
واذا ماتبين حضانه وديهم مع وحدة من الخدامات لبيت الوالدة والا ام زوجج

 

[باقة ورد]

أنا كنت مثلج عندي توائم بس من كلموا سنه داومت بس ما خليتهم عند خدامة لا مستحيل أأمن عندها وديتهم الحضانة وارتحت نفسيا كانت أيام صعبه لان كانوا صغار كل يوم اشغل فيهم الصبح بس راتبج يرد لج موجود والترقيه ماشيه وصدقتني إذا الحضانة زينه أحسن لهم من البيت يتعلمون و يختلطون بالعالم أنا الخدامه كانت بالبيت الصبح تطبخ وتنظف والعصاري تساعدني بالتوائم أنصحك بالدوام والتوائم بالحضانة

 

[أم حسوون]

السلام عليكم، استخيري حبيبتي للإجازة وشوفي ، ولو تاخذينها ست شهور أو أقل وعقب إذا صار عمرهم سنتين وديهم الحضانة وداومي والله يسهل عليج .

 

[om.aboodi]

جابليهم والله يعوضج وهم عيالج وبتحاسبين عليهم والا حضانه اذا تقدرين