ودج بصديقات وايد؟؟ او صديقة نفس ميولج و افكارج؟؟

[KittyCat]

قوه بنات...اشلونكم؟؟
منو فينا ما ودها بصديقات سنعين و يهبلون؟؟ منو فينا ما تتمنى يكون عندها مجموعة صديقات نفس ميولها و افكارها و يمكن اسلوب حياتها؟؟ صديقة تفهمها..و تنصحها..تضحك وياها..تفيدها و تستفيد منها...تشجعها و تتقدم معها لامام؟؟

يمكن فى منا اوصلو لمرحلة من العمر ما يقدرون يكونون او يتعرفون على صديقات يدد مو الكل بحكم انتهاء المرحله الدراسية الى فيها من السهولة التعرف على عدة صديقات..او بحكم نوعية الدوام الى ما يكون فيه عدد كبير من الموظفين...او...او..

ففكرت بفكرة حلوه اذا استخدمت عدل​

فى بنات وايد يدخلون المنتدى صح ؟؟؟ و واااااااااااااااااااايد منهم يهبلون و سنعين اقصد الكل هاهاها

فشرايكم نتعرف على بعض؟؟


انا ما قالت كل وحده تقول اسمها الصجى و رقم تلفونها لالالالالالالالالالالالالالالالالالالالالالالالالا لا

انا اقول يمكن كل وحده تحط ميولها..عمرها...ليش تحتاج صديقه...شنو ودها شخصية صديقتها تكون..اشلون شخصيتها اهيه؟؟

شنو تتمنه بالصديقه و جذى يتم التعارف اشوى اشوى عالنت و ما يندرى يمكن تلقين صديقة او صديقات عمرج الى تعزج و اتساعدج على تطوير نفسج و التقدم بالحياة

اشرايكم بالفكرة؟؟؟

 

[@سيدة نفسي@]

فكرة حلوة

انا حابة يكون عندي صديقات نصوحات لله في لله

يفهموني وأفهمهم ونكون على قلب واحد

وأهم صفة لازم تكون فيهم ان قلوبهم تكون بيضا

مو غيورين ... صفات صعبة شوي بس الحمدلله

ربي عوضني بخواتي اللي اهما أعز صديقاتي الله

لايغير علينا ان شاءالله

 

[سعودية!!!]

ياحبي لكـ

ان شاء الله ربي يرزقكـ بالصديقة اللي تحطينهاا ع الجرح يبرى...اللهم آآآمين

 

[KittyCat]

فكرة حلوة

انا حابة يكون عندي صديقات نصوحات لله في لله

يفهموني وأفهمهم ونكون على قلب واحد

وأهم صفة لازم تكون فيهم ان قلوبهم تكون بيضا

مو غيورين ... صفات صعبة شوي بس الحمدلله

ربي عوضني بخواتي اللي اهما أعز صديقاتي الله

لايغير علينا ان شاءالله

الله يخليكم لبعض انشاءالله بس لازم وجود الصديقة

 

[KittyCat]

بنات الموضوع الاصلى اهنيه
http://www.q8yat.net/showthread.php?t=597794

حياكم

 

[*بسبوسه*]

تدرين شنو اكثر شي اتضايق فيه من البنات اللي اتعرف عليهم
ضعف ايمانهم
اغلبهم ما يصلون وكله يقرون ابراج واذا نصحتهم ينفرون مني فبطلت انصحهم
وماعندهم سوالف الا سمعتي هالاغنيه شفتي هالشاعر
يعني تافهين

ودج بوحده عاقله تتكلم بالدين..للعلم انا مو متشدده حيل جدا عاديه وامارس حيايت عادي ويمكن عندي اغلاط واجد بحياتي
بس على الاقل مااكون حيل منتهيه لا صلاة وشرك
ودج بوحده تحب العلم والمعرفه تقرى كتب وسوالفها متنوعه مو بس كله هذا غازلني وهذا عطاني رقمه

والله هالنوعيه شكثر اصادفهم واخلي علاقتي معاهم سطحيه معن بعضهم يكونون طيبات وحبوبات بس ما تهتم لسمعتها ولا تسمع النصيحه

 

[*بسبوسه*]

عمري 28 واللي تحب تتعرف علي حيالله
احب القراءه وطلعات الريوق الصبح..الموضه والملابس
احب اتكلم عن الدين واتابع افلام عربيه وهنديه
واجمع الطوابع<----------ههههههههلا اضحك وياكم بس مادري ليش كتبتها احس جني حاطه اعلان بمجلة سيدتي ههههههه
احب احل المشاكل العالقه
اقدر الحب الطاهر يعني سوالف خرابيط نو
ابحث عن رفيجه تخاف على نفسها وسمعتها
تحب المرح والضحك والغشمره..يعني ما تكون جديه حيل
عادي تحب الكشخه قلت لكم مو حيل متشدده دينيا لكن ملتزمه ولله الحمد عسى ربي يكون راضي عن التزامي

مادري اكيد في شغلات بعد بس عاد ماراح اقعد اتشرط

 

[جبنة بيضة]

انا عمري 24 عندي رفيجات بس ما احس ذاك الزود يعني يحبون الاغاني و يحبون الابراج نفس بسبوسه لووووووووووووووووول

هوايتي القراءة و احب الانمي و احب الافلام و المسلسلات الاجنبية و احيانا التركي لوووووووووووووول

ودي برفيجة مادبه و طيبه و ما تحش بالناس بعدين تسولف معاهم هذا اكثر شي اكره ودي برفيجه قلبها ابيض

 

[H.A.K.W]

انا عمري 20
متزوجه من سنه وجم شهر ماعندي عيال
توني متخرجه ماتوظفت للحين
و نفسي بصديقه اتكون لي اخت وتخاف علي مثلي اختي
ماتغار مني وتحسدني وتحاول اتخرب علي بالعكس تنصحني وتوجهني
ابيها تكون طيبه وصريحه ومو سطحيه وتافهه.
لاني انا للحين عايشه عالفطره مالي بسوالف وخباثة الحريم اللي انجوفها الحين فاحبها تكون طيبه وناصحه
وللامانه انا ماعندي صديقات مجرد زميلات دراسه تنتهي معرفتهم بنتهاء الدراسه

 

[lovemyself]

السلام عليكم
صباح الورد والعسل حبوبات
انا معجبه وايد بهالموضوع بصراحه فكرة مميزة شكرا يا صاحبة الموضوع
انا بعد اعرفكم بنفسى اسمى لوف ماى سيف يعنى محبوبة نفسها :dddds:انا اكبر شوى من بسبوسه بس مابى اقول استحى انا متزوجه انا وايد متقلبه مزاجيا طبعا هالشى مو حلو بس شسوى انا جذيه بس انا مخلصه فى الصداقة والحب احب الوناسه ما ازكى نفسى بس انا انشالله فينى دين يعنى مو وايد متدينة للاسف بس حمدلله انشالله انى محافظة على بعض الاداب واساسيات الدين واستغفر الله اذا كلامى خظا
عموما انا احب القراية والكتب واحب اطالع افلام دزنى للاطفال:dddds:واحب اطالع افلام اجنبية وافلام ثقافية يعنى معجبه بقناة الجزيرة الوثائقية .. اعشق واموت بالسفر احب اثقف نفسى واحب انى اكبر عقلى واحب البنات للى عقلهم كبير ويخافون الله
ودى بصديقة تحبنى حب لله يعنى وحده قلبها نظيف على ولا تحسد ولا تغار :krkrkr:احب رفيجتى تكون نفس الاخت ما تخاف على اختها .. تحب تتحجى بكل شى مو بس هدوم وكشخه وبس يعنى وحدة حكيمة ونتناقش بكل شى بالدنيا

 

[محتاجه حنان]

خووووش موضووع انا عمري 20 وادرس بالجامعه احب السوالف والضحك والغشمره واهم شي بالرفيجه انها ما تكون مناافقه ما تقعد اتمثل انها اتحبني واتعزني ومن وراي اتحش فيني تعبت من هالناااس والله احب الطلعات واحب السينما والافلام احب اقرا مجلاات لووووول بس هذا الي اقدر اقوله عن نفسي صج خاطري يكون لي رفيجه اتصير توأمي يعني اتحبلي الخير وما بينا رسمياات وكل شي انسوييه مع بعض ويكون فيها الخير والله يرزق كل وحده بالرفيجه الصالحه

 

[كرزة لندن]

موضوع جدا رائع
انا كرزة لندن من الرياض عمري امم 22 ادرس بالجامعه اتمنى اكون صداقه مع بنات طيبين وحبابين نفس طينتي
ميولي كتابة خواطر والرسم احيانا ...

اللي يبيني صديقه يجيني عالخاص


كرزة لندن

 

[DaLa3 BeBe]

انا بعد وياكم

ادرس بالكليه

ودي برفيجه طيوبه قلبها ابيض نسأل عن بعض

ونخاف على بعض

مو سوالف مجاملات

ويهمها دينها واخلاقها

وانا مو مكونه صداقات وايد اكثر شي زمالات

امممم انا شوي مزاجيه

اهتم بديني ولله الحمد والله يعينا على حسن طاعته ان شاءالله

احب الافلام الاجنبيه ومرات الهنديه والانمي وشوي ببايات لوول

احب اقرا واحب اساعد غيري بحل مشاكله ويليت لو اقدر اطبق مع نفسي

اعجبتني شخصياتكم واقرب شي لي يعني جبنه بيضه و h.a.k.w

واللي تبي نكون صديقات تراسلني عالخاص

 

[Miss Demi]

رد : ودج بصديقات وايد؟؟ او صديقة نفس ميولج و افكارج؟؟

امبيي كلكم كباار انا اصغر وحده ... يعني مافيه احد كبري
انا عمري 14

 

[pinks]

انا داشه بال20

وودي برفيجه واعيه ومثقفه وحبوبه ماتجامل ولاتنافق ولا احب البنات الي تركض ورا الهبه وكل سوالفها مغازل

واحب تكون مؤدبة وماتسبج ولاتغلط عليج على بو ميانه ولاغشمره بالعكس احب الي تحترم الناس


وودي اتعرف على بنات يدد

بالجامعه مااحس فيه صداقات صج :/

 

[مــلائكيه]

اي انا ابي نفس ميوولي ونفس افكااري وينهاا يااكييتي d: ؟


انا 27 بس هلأ مالي خلق اكتب عن نفسي شي بطلع الحيين

سلام

 

[Amanda_93]

رد: رد : ودج بصديقات وايد؟؟ او صديقة نفس ميولج و افكارج؟؟

انا عمري 17 سنه وشهر و12 يوم :wqedqw:

..ادور في الصديقه ..اولا الالتزام في الدين وودي بوحده تكون نفسي تشجعني لاني مو ذاك الزود بعد اسمع اغاني مرات من بعض البنات الله ايهداهم ..
واحبها تكون funny ومتفوقه دراسيا ..ومن عمري يعني ..ومااحب سوالف الفنانين والسخافات هذي ..
مثقفه تحب تقرا .. وبسس

 

[marsooma]

خوووووووش موضوع .. انا ابي وحده تحب الحياة و تحب تجرب كل شي ماتحكم على الناس من شكلهم .. و تحب المطبخ .. و تحب تقرى كتب اجنبيه عشان أبادلها باللي عندي لوول.. أبيها كول و كشيخه بس مو منفلته!! لووووول حسيت نفسي قاعده أخطب مو ابي رفيجه .. عندها سياره و ماعندها بلاك بيري نفس حالتي يعني ههههه

ماعتقد راح الاقي بس على الاقل ابي افضفض

والموضوع رووعه لايوووووووووووقف

 

[DaLa3 BeBe]

up

up
up

 

[aṕriliå]

رد : ودج بصديقات وايد؟؟ او صديقة نفس ميولج و افكارج؟؟

يعطيج العافية


فكرة حلووووووة