وحيده ... زهقت خلاص

[روزالين]

مرحباا بنات يمكن تكون مشكلتي بسيطه بالنسبه لمشاكلكم بس جد انا احس هالمنتدى هو متنفسي الوحيد ...
انا حاسه بوحده غريبه ... مو عارفه من وين ابتدي
انا عندي بنات خاله اسميهم خواتي لان امي ربتهم ماعمري قلت لاحد انهم بنات خالتي مو خواتي اناا اعزهم وااايد بس مدري ليش هالفتره كارهتهم اسلوبهم خايس معاي ... انا كنت ساعات افضفض لهم عن مشاكلي معا زوجي هيك من باب الفضفضه مو اكثر ولا اقل مشاكل عاديه تحصل معا اي اثنين معا الوقت صارو يتمادون على زوجي .. مره زوجك همجي .. ومره زوجك ماعنده ذوق ومره مدري شنو .. انا افضفض مو قصدي ان هم يغلطون عليه قدامي كذا مره قلت مابي اتكلم عنه قدام احد بس ارجع اتكلم لاني حاطه ببالي انهم خواتي والخوات لبعض بس اكتشفت اني مو اختهم دايما ازواجهم العدلين وزوجي لا لدرجه مره وحده فيهم جت الا تقولي زوجج قبيح بدون مناسبه هيك ماشفتها االا قايله الكلمه طبعا هزئتها وتهاوشنا .. لا وشي ثاني يخشون عني اذا وحده فيهم حملت ولا اذا وحده بتنخطب وانا زي الغبيه كل شي اقول ودايم يحسسوني ان عيني على نعمتهم بس انا وربي اتمنالهم الخير بس هالفتره مدري شفيني حاقده عليهم واتمنى فعلا نعمتهم تزول ابي اشمت فيهم اشوي .. بجد احس مالي احد عمري ماحسيت اني وحيده بس هافتره جد حاسه بهالشي تمنيت لو عندي اخت من امي تكون فعلا اختي وامي الله يرحمها انا من بعدها ضعت .. بجد مو طايقتهم ابي ابتعد عنهم ابي ابتعد .. وادايم كلامهم وقح معي .. معا اني وربي يشهد على قد ما اقدر اختار الفاظ حلوه وارتب اسلوبي انا هيك ماحب اجرح احد ومتضايقه زود اني صرت اعاملهم بالمثل مو من طبعي اني اكون وقحه ولا من طبعي اعطي الكلام في الوجه واقول ذي صراحه انا مو هيك متضايقه من حالي ومنهم
بليييز شورو علي شسوي وكيف اتعامل معم ؟؟؟؟؟

 

[مني يغارون]

ياقلبي الله يكون بعونك
يمكن انتي من كثرة التفكير بتصرفاتهم صرتي
تتحسسين وتتضايقين بسرعه
بشكل عام خليك واقعيه ولا تتوقعين شيء من احد
بهالحياة لأن سبحان الله دوام الحال من المحال
الأم تتغير على بنتها والاخت تتغير على اختها
ومحد باقي لأحد ولا تقولين ضعتي من بعد امك الله يرحمها
الله موجود وهو أرحم من الأم بولدها سبحانه
المهم تقومين بواجبك اتجاههم وممكن تخلين
الأمور تهدأ فتره وبعدها تجيبين لهم هدايا وشغلات تفرحهم
خليك خفيفه بجياتك ولا تشتكين من زوجك الا لربك
وان شاءالله تتحسن علاقتك فيهم
وبالنسبه لسوالف الحمل والخطوبه خليهم يخبون براحتهم
اعتبريها خصوصيات ولا تضايقين عمرك
والأهم من هذا صفي نيتك ولا تتمنين الشر لأحد
وعشان ما تحسين بالوحده توظفي او سجلي بنادي او دورات
منها تشغلين وقتك ومنها تتعرفين على صديقات جديدات
افضل من انك تحدين نفسك على ناس معينين ولما يتغيرون
ولا ينشغلون تحسين بالوحده
موفقه حبيبتي

 

[روزالين]

مشكووووووره ياااعمري .... انا بس اخلص اختبارات بشترك بنااادي رياضي وبحاول اسوي نفس ما قلتي اتعرف على ناس جدد في الحيااااه ... مشكوره مره ثانيه يا قلبي

 

[بسكم لقافه]

لاتقولين امورج الحياتيه الزوجيه عن احد الا اذا احتجتي رأي بقرار صعب تتخذينه فأستشيري من لهم خبره فقط ولاتشيلين على احد وبنفس الوقت لاتصيرين وايد طيبه خلج طبيعيه ومرتاحه البال وحاولي تسلين نفسج بوقت الفراغ والله يوفقج

 

[brettey]

حبيبتي لاتعطينهم اهميه تلاقين كل وحدة فيهم زوجها منكد عيشتها بس ما يبينون بس احنا فقارة مانخش بقلوبنا حبيبتي لاتعطينهم اسرارج مالومج الواحد يبي يفضفض احيانا بس مو عند اي احد ورددي هالدعاء ربي لاتذرني فردا وانت خير الوارثين هالدعاء للذريه وللزواج بس انتي متزوجه بس ما يمنع انج تقرينه لان يقرب الناس منج باذن الله ودايما قولي يا وهاب هب لي من لدنك سلطانا نصيرا

 

[ظبية بوظبي]

خلاص تجي فترة والصلاحية تنتهي حتى فالصداقات
هم شكلهم ملوا منش
وقاعدين يطفشونش ولكن شكلش لزقة
وطول منتي رايحه جايه طريقهم بيتمون على هالحال
مرات علاج الشي يكون بالقطع
اقطعيهم قطع تام ولفتره طويله لو تمتد سنين
وبعدها بترد العلاقه بشكل سلس
بس لا تتوقعين اكثر من المطلوب ممكن يكونون بس اوكي معاش ولكن اخوه مثل قبل لا
خلاص ارضي بالقدر

 

[روزالين]

مشكورين فعلا الوحده لازم ماتتكلم عن حياتها لاحد ولا تكثر لزقه ... بس انا مو لزقه انا اشوفهم يوم بالاسبووع بس .... انا حاليا مقاطعتهم اليوم ماتحمعت معهم

 

[مني يغارون]

ما يجوز قطع الرحم لأنها معلقه بالعرش
واصليهم بالمعقول لا افراط ولا تفريط

 

[الأميرة جوري]

خلاص غيري نفسج حدي حد لهم اذا عندج مشكله المنتديات والاستقرام فضفضي فيه انتي عطيتيهم ويه وخليتيهم يتمادون خلاص تغيري بيني آنج خلاص صرتوا حبايب وحاولي ما تسولفين فيه وايد ابعدي شوي عنهم علشان ما تكون ميانه وايد

 

[منيره آل ثاني]

وايد معطتهم ويه

خليج رسميه معاهم

ولا تقطعين لان الله قال في الحديث القدسي من قطعني قطعته ومن وصلني وصلته

وانشغلي بيومج سوي رياضه اطبخي شي يديد

او مارسي هواياتج اقري روايه او كتاب

في حفظ الرحمن ورعايته

 

[قهوه الليل]

حبيبتي خلج رسميه معاهم
صح الله ما عطاج خوات بس عطاج رجال وبيت وعيال مشالله يمكن حاسداتج غيرانيين

عيشي حياتج اهتمي ثقفي نفسج وعيالج سافرو روحو تعالو

وحفضي هالجمله زييييين مازيين


لا راااااااااحه بالدنياا ?

 

[روزالين]

مشكوريييييين حبايب قلبي انا الحين لاهيه بالاختبارات وما اشوفهم وبسوي نفس ماقلتو ليي بلتهي بحالي

 

[keka89]

الخوات ماقصرو كلامهم عدل انتي لاتقولين خصوصياتج حقهم لانه مبين عليهم من وصفج معقدات وشايلين عليج او يحبون يخربون البيوت وبسس حتى انا ربعي قبل كنت احبهم ودايما معاهم فجاه قامو يكرهوني وحاربوني من غير سبب على اني ما اذيتهم بولا شي والله وكنت احبهم بس الضاهر يغارون حيل لانه اشكالهم غلط وفيهم حقد مو طبيعي بس حسبي الله ونعم الوكيل فيهم علي سووه فيني الله لا يسامحهم لادنيا ولا اخره قلبي شايل عليهم بس الحمدلله تعرفت على ربع احسن منهم واهم قطعتهم كللش صارلي سنه كامله ماشفتهم

 

[خجوله احب الناس]

حنا خواتج ��

 

[روائع الصمت]

حبيبتي واضح إنك حساسة جدا وطيبة كمان بس البيوت أسرار ياقلبي مينفعش تحكية بالشكل دا ن دا هينقص من قيمتك وقيمة جوزك وهيحسو إنك أقل منهم وهم أرفع منك ف الدرجات أنتبهي لدا وكمان حبي خواتك كما تحبي لنفسك ولاتعامليهم بالمثل بس خلي أسرارك ف بيتك وعامليهم كما تحبي أن تعاملي أنتي أنتي بتحترمي نفسك مش بتجترميهم وقللي من اختلاطك بهم عشان يحسو إنك مش محتاجاهم ولو سألو عن حال جوزك أشكري الله أمامهم على إنه أعطكي زوج مثله ولا تمدحي ولاتزمي زوجك أمامهم بحيث لايحسدوكي أو ينزلو من قيمتك وبعدين اعيوني أنتي أختنا هنا وبنتشرف بيكي رغم إني عضوة جديدة جدا بس بتمنى نكون أخوات كلنا وتحياتي لكي وللجميع ربي يسعدكم جميعا يارب موفقة اعيوني

 

[روائع الصمت]

حبيبتي واضح إنك حساسة جدا وطيبة كمان بس البيوت أسرار ياقلبي مينفعش تحكية بالشكل دا ﻷن دا هينقص من قيمتك وقيمة جوزك وهيحسو إنك أقل منهم وهم أرفع منك ف الدرجات أنتبهي لدا وكمان حبي ﻷخواتك كما تحبي لنفسك ولاتعامليهم بالمثل بس خلي أسرارك ف بيتك وعامليهم كما تحبي أن تعاملي أنتي أنتي بتحترمي نفسك مش بتجترميهم وقللي من اختلاطك بهم عشان يحسو إنك مش محتاجاهم ولو سألو عن حال جوزك أشكري الله أمامهم على إنه أعطكي زوج مثله ولا تمدحي ولاتزمي زوجك أمامهم بحيث لايحسدوكي أو ينزلو من قيمتك وبعدين اعيوني أنتي أختنا هنا وبنتشرف بيكي رغم إني عضوة جديدة جدا بس بتمنى نكون أخوات كلنا وتحياتي لكي وللجميع ربي يسعدكم جميعا يارب موفقة اعيوني