وحـيـده بـدنـيـتــي .......محتاجه نصايحكم

[تــوت و كــرز]

انا هاديه و بنفس الوقت اجتماعيه عمري 24 ما عندي رفيجات و لا بنات خالات وحيده ما عندي احد اخذ رايه لمن يصير لي شي ما عندي احد يوقف معاي ولا ينصفني هالشي ماثر علي انا طول عمري احس اني قويه ومو محتاجه احد وبروحي اساعد روحي بس الحين قمن احس بالوحده الي بعمري عندهم رفيجات و يطلعون و يستانسون ويعيشون حياتهم وانا ما احب التجمعات ولا الاماكن الترفيهيه حدي بس السوق اما الترفيهيه و المجمعات و المسيله وهلاماكن لا ....
استحي من وايد اشياء و ساعات استحي حتى من نفسي اني اعبر عن الي بداخلي ساعات احس ودي اصرخ و ارقص و اطير بس استحي او احس اني كبيره على هالشغلات ما احب اشكي همي او الي لقلبي حق احد بس اول مره اكتب بالمنتدى من بعد ما شفت وايد بنات كاتبين مشاكلهم

 

[Ashang anooon]

حبيبتي صح وايد تكرر هال موضوع وانا عبالي بس أنا لووووووول
اول شي قولي الحمد الله على الصحه والعافيه الجسديه باقي النفسيه وألراحه النفسيه مهمه جداً
اذا عندج عائله تدشين الظهر فيها ومتماسكة بوسي أيدج ويه وظهر راح تستغنين عن الرفيجات
الوحدة صعبه والروح تبي الأرواح وانا معاج ان هالشي اثر على شخصيتك وانتي من طريقة كلامج أبين انج حياويه
حاولي تصارع ين نفسج وأول شي تقولين أنا مافيني شي وابتسمي وسوي كل يوم شغله انتي تخافين تسوينها بس شي زين مؤ تتهورين
خخخخخخخخ اتغشمر وياج
المشكله أنا انصح وما اطبق والله لو تدرين بحالي راح تقولين الحمد الله لك يارب
فديييييتج استانسي لنعيش مره واحده

 

[لا تقارني !!]

السلام عليكم
انا نفسج والله
انا ودي اروح اماكن ترفيهيه بس ماعندي احد اروح معاه خبري بالترفيهيه وانا جاهل
الله يرزقني واياج بالخوات الصالحات يارب

 

[OH HA NI]

هـلا حبيبتي ,
ألعـن شي الوحده بس هذا ما يعني
أنـه دنيتج مو حلوه و ما تسوين شي !_!
إذا بخاطرج تلعبين لعبي مافيها شي
ترا الالعاب مو بس للجهال عـادي اليوم انا رايحه 360 زوج و زوجته يلعبون
لعبه سيارات و لقيت بنات كبار منقبات لاعبينها بعد و طلعوا مستانسين !
تعايشي مع حياتج , كسري مخاوفج جربي كل شي جديد و حلـو ! اطعلي دامج تسوقين
دللي نفسـج حطي حق نفسج خطط عيشي يومج صـح ! خجلج كسريـه تعايشي مع الناس # !
و دايماّ أحمدي ربج على كل شي , عيشتج أحسن من غيرج ب دبلات ! الحمدالله عايشه تاكلين تطلعين
دايما بسطي الامور عشان ما تحسين انه انتي عايشه ب مشكله ! و اطلعي المجمعات ترا مافيها شي
جربي مو خسرانه شي ترا , ودج ترقصين و تغنين عـادي ليش لا لول ! مافي أحد كبير غير ربج
أرقصي و غني و ألعبي هل اشياء مو بس للجهال لو للجهال جان احنى ـا شنو نسوي ؟!
نصيحه الدنيا يومين و بتروح جربي كل شي خاطرج فيهه لا تمنعين نفسج ب شي و الله يوفقج يارب

 

[لمى الهاجري]

انا نفسج بس مو اجتماعية يالله شرايكم نسوي قروب لنا لووول

 

[الصيد اللعوب]

مثلي بالضبط واقري مواضيعي بس فيني رغبه بالتغير بشكل ماتصورينه وببلش اخذلي موعد مع عياده لتطوير الذات علم النفس وعيادات النفسيه ابدا مافيها اي خجل انج تراجعينه حتى لو استشاره الخجل صج تتصكرين على روحج ودنياج تعدي بدون طعم ولا لون عايشه ب قوقعه الخوف مثلي بضبط ودايم يزن بذني حديث الرسول عليه الصلاه والسلام ؛المومن القوي خير واحب الى الله من المؤمن الضعيف ...لازم تكون فينا اراده وقوه وياما بنات تفيروا بعد الله وهالعيادات والاستشاره ..والللله يبشرنا بموضوع قريب منج بتغيرج للااقضل ورضا عن نفسج

 

[الاستاذة نونو]

انا نفسج وحيده

 

[مهندسة الابيات]

اذا الكل وحيد شنو فايدة المنتدى <<<<

الحلو انج عارفة شنو مشكلتج طيب حاولي تغيرين سوي لج صداقات
حاولي تطلعين و عيشي حياتج لا تقولين انا كبيرة خاطرج شي سووووووية لا تحرمين نفسج خايفة من كلام الناس الناس ما خلوووو احد


لا تحبسين نفسج ورى عمرج حرااام اذا في شي بخاطرج سووووووووووووووية تبين تصرخين صرخي ترقصين رقصي
بس لا ترقصين بروحج لا يطلعوون لج <<خخخخخخخخخخخخخ

موووفقة حياتتي

 

[Patcholli]

انا عندي بنات خالات وبنات عمات بس مو محتكه فيهم .. تدرين ليش ؟؟ لان ماوراهم غير المشاكل والقيل والقال والحش وتربط العصاعص والغيره ..!!

بهالزمن لاتقولين اهل او غرب كلهم نفس الشي ..!!

وحتى الرفيجات ماحب احتك فيهم بزياده يعني حاطه حدود وعلاقتي فيها بسيطه ماحب ادخلهم بتفاصيل حياتي وهمومي واسراري

واذا شي مظايقج حيل حيل حيل لجئي حق خواتج وامج بس احد ثاني بالدنيا غيرهم ماراح يشيل همج ..

وحتى لو شال همج يمكن بيوم من الايام يعايرج او يتمنن عليج او اذا صار بينكم تج يفضحج او ينشر غسيلج حق الناس ..!!

شوفي هذا حال اغلب البنات وحتى ارفيجات العمر تنصدمين منهم انا مابي اخرعج ولا ابي اقولج لا ترافجين بنات بالعكس رافجي وسويلج علاقات بس خليها محدوده وبسيطه لاتعطين احد اكبر من حجمه

يعني ارفيجتج لاتحطينها مكان امج او اختج الا اذا شفتي منها موقف فعلا يخليها تصير بهالمستوى مواقف الناس اهي الي تحدد مستواهم بقلبج وبحياتج

اعطيج مثال وحده من ارفيجات عمري اعرفها من سنين واعرف كل تفاصيل حياتها واهي تعرف تفاصيل حياتي معني كنت متحفظه فبعض الامور بس كانت 24 ساعه معاي .. بيوم من الايام صار بينا سوء فهم .. اهي فسرت كلامي على كيفها وزعلت ..
واصدمتني انها متكلمه بالسالفه عند ناس مايدانوني ولا يحبوني ..!!
وعقب ردت علاقتي فيها وتصالحنا ..بس اتصدقين ماقدرت اني ارد وياها نفس قبل ..!!
صرت اخاف منها ..! باجر اي شي بيصير لاسمح الله بتروح تنشره حق اعدائي .. وانا اشدراني انها ماتكلمت باسراري وامور الخاصه عند الناس ..!!

الله اعلم بس انا من عقب هالسالفه صرت حدي رسميه اسولف واظحك واتغشمر واطلع ويا البنات نروح نتسوق وجذي بس سوالف خاصه مستحيل .. اسمعهم بس ما اتكلم ..

وانتي خلج جذي صيري مستمعه بس لاتتكلمين .. وعندج هالمنتدى اي شي بقلبج فضفضيه والله البنات اهني مايقصرون معاج وبنفس الوقت بتفضفضين وبترتاحين ومحد يعرفج او يتمنن عليج او يعايرج بمساعده او غيره

 

[وتمر الايام]

عزيزتي كونج بهالعمر اعتقد انج موظفة او تدرسين
المهم تقدرين تتعرفين على زميلاتج في المكان اللي تدرسين فيه او الي متوظفه فيه
المهم رحنا والا ردينا الام افضل واجمل صديقة صاحبي امج ..

 

[*toot]

نفس مشكلتي بضبط .. حبيبتي حاولي تغيرين من روحج شوي يعني طلعي روحي عزايم زوارات حاولي ادشين معاهم بالسوالف

تعطين رايج تحاولين تسولفين مع البنات الي من عمرج حتى لو كنتي حياوية حاولي انج تتحدين روحج ليش تستحين انتي

موقاعده تسوين شي غلط عشان تستحين منه واذا ترتبكين وتحسين الكلام يضيع منج حاولي تدربين على السوالف قبل لاتروحين

وحاولي تكونين صداقات من برا يعني اشتركي بنادي بمعهد المهم مكان تقدرين تكونين صداقات وتختلطين مع الناس .. غير جذي

لاتحكرين روحج اذا ماعندج احد يطلع معاج انا اغلب طلعاتي بروحي والله اروح المكان الي ابيه واتمشى واستانس واسوي الي

بخاطري لاتخلين شي بخاطرج حبيبتي عيشي حياتج وحاولي تكونين صداقات وتغيرين من شخصيتج شوي خلج شوي جريئه

 

[ماكواسم2]

انا نفسج بس مو اجتماعية يالله شرايكم نسوي قروب لنا لووول

من ملاحظتي لمشاركات لمى الهاجري على وزن شجون الهاجري اقول : اقلب ويهك

 

[ماكواسم2]

بالنسبة لصاحبة المشكلة اقولج : الاكيد انج زينه تدرين ليش لأن الطيور على اشكالها تقع لان احنا في زمن ما فيه ربع فيه مصالح واكيد الله بعد عنج الصديقات علشان لا تنصدمين وله تطيحين بمشاكل تروحين فيها

 

[VET-Nour]

رفيجات بيجي يوم و يروحون
بنآت خالات او عمآت مآورآهم الآ آلمششآكل < اذا كانت اخلاقهم مو مضبوطه ..

اذا عندج خوآت روحي واطلعي معآهم حتآ لو كآنؤ صغآر ..

العبي و استانسي و اطلعي سوي الي بخآطرج بدآمه مو غلط ,

لو مآعندج آحد كلشش عآآدي استآنسي بروحج! شآلمشكله ؟؟
مو لآزم تقآسمين ونآستج مع احد عشآن تمشي حيآتج ..

 

[لآلئ وردية]

حبيبتي



وايد بنات يعانون من هالمشكلة



و بنات عنـدهم أهـل و صديقات بس ما شافوا من وراهم الا الخيانات و الصدمات



طبعا لو خليت خربت



تقربي من ربج



و رددي دايماً ربي لا تذرني فرداً و انت خير الوارثيـن



و ادعي



و عندج احنـا خواتـج بالمنتـدى و ربعج



و ربي يرزقنـي و يرزقج بخـوات صالحـات و كل خير يا رب



:eh_s:

 

[لين***]

عيشي حياتج
شنو كبيره انا اكبر منج وارقص واضحك ليش مستحيه
امسويه فضيحه مثلا <<<<< اضحك معاج
اضحك تطلع الصوره حلوه

 

[تــوت و كــرز]

شكراااااا لكم كلكم وحده وحده بنات
التغيير مو سهل والله
و الوحده صعبه
والاصعب لمن الواحد يحس انه ما عنده احد يوقف معاه ولا يدعمه

 

[حلآ حلآ]

حبيبتي ، احنا معاج بأن التغيير صعب مو سهل

لكن التغيير مراح يصير الا لما انتي من داخلج تبين تتغيرين

فكري بإيجابيه ، طوري من نفسج وشخصيتج ، شوفي شنو اللي تحسينه فيج يبيله تعديل او تطوير او تغيير وغيريه

خلي ثقتج بنفسج اكبر ، صدقينني كل ماكانت ثقتج بنفسج كبيره كل مازاد احترام الاخرين لج وحبهم وتقديرهم

ومن هالشي لما انتي من نفسج تتغيرين ، بتبدين تحسين انج تبين تحتكين مع ناس اكثر ، تجوفين الناس ، تتعلمين منهم

وانا مع البنات ان بتجوفين انواع واشكال مختلفه من الناس ، في منهم الزين والشين ، وكلنا جربنا وانصدمنا وتعلمنا ، لكن هذي مو اخر الدنيا
ماعندج ربع ؟ اوكي مو مشكله ، مردج بتحسين انج تبين تكونين صداقات ، وهالصداقات بذكائج وحذرج طبعاً بتقوى وبتصير من احسن الصداقات
لكن كووني حذره ، عشان ماتنصدمين من البداية وتكرهين فكرة تكوين الصداقات
عندج خوات اصغر منج ؟ اذا اي ، طلعي معاهم وغيري جو واستانسي ، ومايمنع ان حتى فالبيت تقعدون تشوفون لكم فلم او مسلسل وتلعبون وتضحكون وتستانسون ، اهم شي حبيبتي الراحه النفسيه ،

ومع الوقت ، بتعرفين ان مهما زادت صداقاتج ومعارفج ، محد راح يشيل هممج كثر الأم ، حتى لو كانوا مهتمين لكن الأم غير ، صادقيها

وعيشي حياتج ، ( الحياة حلوه لكن يبيلها من يفهمها صح )

وبعدين انتي مو كبيره وايد ، تووج فاحلى ايامج

عيشي حياتج وغيري وطوري من نفسج واستانسي ، ومرده هالخجل بيخف بالتدريج وبتزيد ثقتج بنفسج

بسس مثل ماقلت لج فالبدايه هاي كله يعتمد عليج انتي

 

[o s h i]

نفسي بالضببط

 

[^^ماريا^^]

حبيبتي انا بقولج عن تجربه
انا عمري 29 سنه
وقبل سنتين تقريبا كنت احس بنفس شعورج بالضبط
لكن بعد ماتعرضت لعده مشاكل و صدمات من ناس كنت احسبهم رفيجاتي و خواتي حطيتلي قواعد وقل لازم امشي عليها عشان ارتاح واغير من وضعي والحمدلله انا تغيرت حيل من انسانه منعزله الي انسانه اجتماعيه ولله الحمد والمنه
القاعده الاولي :_ اسرارج خليها دااااخل قلبج لحد يعرف عنها شي , عندج مشكله لجأي لربج وعقبها امج او انسان عنده خبره يفيدج مايضرج لان الناس اول ماتقولين لهم الموضوع بيستانسون وبيسمعونج تالي بيملون من موضوعج و تالي ناس تتهرب منج وناس تفضحج الا من رحم ربي عاد ليش اتبيعي هالقاعده

القاعده الثانيه:_ سطحي علاقاتج مع الناس لا تحبينهم وتتعلقين فيهم حييييل ولاتكرهينهم عادي و طوفي وطنشي وسكري اذونج عن الناس الي تحش وتوصلج فلانه قالت و علانه سوت وراح ترتاحين
القاعده الثالثه:_ حاولي انه تتحدين نفسج بحيث كل سنه تزيدين عدد صديقاتج
القاعده الرابعه:_ عاملي الناس بطيب أصلج ولاتنطرين منهم مقابل
القاعده الخامسه :_ كسبي اهلج سويلج برنامج معاهم يوم تتغدين او تتعشين بره وهكذا

وعسي ربي يسعدج يارب