وحـشـتونـي , وحـشـتونــي فدددديتكم...

[i'm so happy]

بسم الله الرحمن الرحيم ​

الســلام عـلـيـكـم ورحـمـة الله وبركـاتـة..:eh_s(17)::eh_s(17)::eh_s(17):

مـرحبـا باللـي أوحشـوووونـي مــوت مـوت أحـلى عـضوات منتدى *كويتيـات* الراقي..

صار لـي فتره طوووويلة مادخلت المنتدى والله ان المنتدى واعضاء المنتدى واحشيني
ويشهد علي الله :eh_s(2):

يمكن أنــشـغلت الفتره الأخيره مع انفصالـي وبعدها غيرنا بيتنا ورحنا على بيت جديد ومنطقة حلوة جديده وخبركم عاد ترتيبات البيت يبيلها وقت والواحد ينشغل فعلاً ..

بس الحمدالله البيت صار جاهز بس باااااقي شي واحد التقي معاكم من جديد يعني(اشغل الانترنت)
بالبيت وان شاءاالله جررريب

حاليـاً اكلمك من دوامي قلت دام اليوم فاضية ماعندي شغل اشوف منتداي الغالي ومره وحده
اخذ رايكم بشغله تخصني بحياتي وانا ادري فيكم ماراح تقصرون من ردود ونصايح ..

ياخواتي حبيباتي حبيت اخذ رايكم طبعاً بعد مانفصلت صار مالي بارض شي وكرهت اطلع وكرهت
اجتمع مع الناس يعني انطوائية بعض الشي ..

بس الحين غييييير وايد تغيرت نفسيتي صرت اطلع الوالد عسى الله يحفظة وخليه ياااارب ماقصر
اخذ لي سياره وتوسط لي حق شغل وسفر قمت اسافر والنفسية صارت احسن يعني بختصااااار
رد فيني الروووح من جديد من بعد اليأس والمشاكل اللي صارت لي بحياتي وافتككككيت

الحين الزززبده شنووو صار لي سنه في دوامي لله الحمد ومعاي شخص منعجب فيني
لالا خلوني اكون صريحة اكثر يحبني مو اعجاب يمكن فالبداية اعجاب .. بس حاليا يحبني
وانا كذلك مانكر حبيته (طيب , اخلاق, مصلي فروضة, بار بوالديه , قريب من الاهل بعض الشيء)

من نفس مطقتي معروف وقبيلي وسييييم حيل والاهم حابني بكل مافيه
بدت قصتي معاه من اول ماداومت يتقرب مني ويهتم لي الى درجة ادز لي هدايا مكتبي
وادز الريوق يعني مهتم بشكل ملللحوظ جدا فالنهاية عرض علي الزواج

طبعا انا فرحانة حيل خصوصا انه يحبني وانا كذلك احبة وبيني وبينه قليل من الاتصالات
خبركم اخاف من الاهل لو يدرون تصير لي مشكلة يعني من فتره لي فتره اكلمني وغير طبعا
(البي بي)

والحين فاتحني بموضوع (الزواج) وابي اخذ رايكم اكيد رايكم اهمممممنــــي

اول شي هو اكبر مني عمره 36 وانا عمري22
طبعا انا العمر مايهمني بالعكس انا افضل الكبير اكون رزين وعاقل وفاهم احسن من الصغير احسه
مو متفاهم وطايش ماادري شلون احس هذي العمر كون افضل متفاهم وعارف الصح والغلط ..
والاهل متفاهمين ونحب بعض هاي من ناحية العمر انتو شنو راااايكم ؟؟؟

ثاني شي هو معاي في نفس الشغل ونفس القسم ماادري احس مو حلو معاي بالبيت ومعاي بكون بالشغل وملاحظاته اكيد بتكون قوية .. الا ذي لا الا ذي غلط طبعا هالكلام بعد الزواج تشتغل الغيره!

ثالث شي انا ارفع منه من ناحية المادية والعملية هووو على قد حالة مو فقير بس حالته المادية بسيطة

رابع شي يوم يفاتحني قالي بسوي لج الحفلة اللي تبينها وسفر بسفرج المكان اللي تبينه بس مهرج بكون من بنفس المبلغ الشبكة منه وفيه يعني مادري احس قليل جدا اقل من 5000 دينار

وافق على شرطي طبعا سكن خاص بروحي هذي الاهـــم الحمدالله بس مادري من ناحية المادية شلوووون بكون الوضع صج انا اشتغل واهو يشتغل والفلوس مو اهم شي اهم شي راحة البال
بس انتو اخبر البنت تحتاج وانا مابي اجرحه او اضايقة من هالموضوع اللي شاغلني وللحين مافاتحت هلي ..:eh_s(22):

هو قالي انتي تستاهلين اكثر معني قلت له غريبه من قبل ماتزوجت المفروض تكون مجهز مبلغ اكبر من جذي قال لاني اصرف على البيت من بعد وفاة الوالد وماقصر على والدتي وغير ترتيب البيت علي انا قلت له انا ماتهمني الفلوووس بس خبرك البنت تحتاج والحين الذهب غالي والملابس وغيرها ..

قال لو تبين قرض اخذ لج ليش لا وانا طبعا رفضت قرض لاني مااحب القروض
قلت اشوف اللي لي واللي علي وارد عليك واستفسر منكم ومن هلي اكيد



لكم جزيل الشكر واتمنى تردووون بقرب وقت:eh_s(8):​

 

[شادن33]

حرااام لاتكلفين ع الريال
الريال يصرف ع اهله وابوه ويبين حبوب ومحترم
وياعمري والله الفلوس ماتصنع الشهاده إحنا نصنعها
وبالنسبه للشغل انشالله ماتكون في حساسيات اذا كنت محترمه بينهم

 

[الريم اللعوب]

تزوجت زوجي وامورنا كانت اقل من عاديه
ومع الاياه والسنين ترقى والحين امورنا الحمدالله
اهم الشي الحب والتفاهم
وال فيه خير لاهله فيه خير لك
والله يتتمم لك على خير
وموكل يوم جايك معرس
وبالعكس عمره مررررره حلوو بالنسبه لك
يكون واعي وراكز

 

[عسل مرت قيمر]

امممم

احسه مناسب
بس الي مو حلو بلموضوع انكم تشتغلون بنفس المكان!!

ماتقدرين تنقلين مكان ثاني

لان بعد الزواج بيدقق اكثر وبتتأذين


يعني مادري احس احلى لو انتي بمكان واهوا بمكان
تشتاقون حق بعض
سوالف غير
تبتعدون عن بعض شوي لان ساعات الواحد بيطلع من جو البيت
ماتصير مشاكل بسبة الدوام لان بيكون معاج على طول


مادري هذا رايي


اما باقي الامور اتوقع مناسبين حق بعض

واذا على الفلوس ترا مو مهمه كثر اخلاقه ةتعامله معاج وحبه لج


وربي يسعدج ويوفقج ويهنيج

 

[Queenleo]

قوليله اذا تبيني حياك بيتنا
وواستخير ووطلعي من السالفه
هالسوالف الاهل يتفاهمون فيها وقوليلهم رايج
اهما ادرى بمصلحتج
ولذاك الوقت الي تصيرين حلاله قطعي اتصالاتج معاه وخلج رسميه
حرام الوالد شد حيله يبي يرد فيج الرووح لاتكسرينه بالشيء الي سعالج فيه

 

[حبيبي مالكني]

حبيبتي الفلوس مب كل شي المهم الراحة والاستقرار
والله يرزقه ويسويلج الي بخاطرج
احسه ريال زين لا تخسرينه
وعن العمر ترى عاديانا ريلي اكب مني ب15 سنة والحمدالله مرتاحه معاه الله يديم علينا
والمهر كل ما قل وادت بركته
توكلي على الله
والله يوفقج

 

[شادن33]

حرااام لاتكلفين ع الريال
الريال يصرف ع اهله وابوه ويبين حبوب ومحترم
وياعمري والله الفلوس ماتصنع الشهاده إحنا نصنعها
وبالنسبه للشغل انشالله ماتكون في حساسيات اذا كنت محترمه بينهم

الشهاده=السعاده

 

[sosowaty]

ااااااب

 

[shak!shoka]

راي اهلج و ابوووج اهم

الله يوفقج و يكتبلج الخير و السعاااده و يعوضج

 

[أنهار الكويت]

احس ان طيب لا تضيعينه من ايدج
واذا على سالفه الشغل حاولي تنقلين وان ماقدرتي عادي مو ازمه ولا شي بيخرب حياتج
واذا على سالفه المهر زين خمسه مو وااايد ومو قليل والله اعرف بنات مهورهم على٣ ومو ناقصهم شي بس الواحد مايوقف النصيب وبالذات اذا الريال على قولتهم لوووؤطه عشااان مهر خلال كم شهر وكل اللي شريتيه بصير ماله معنى وقديم وبدشين السوق مره ثانيه وتشترين ايدد وبتصرفين لبسج القديم وبتقولين وييييه هذا شخباري من جهازي ماراح البسه يعني كلشي يروح وايي اللي الناس الطيبه فلاتضيعينه ويصير من نصيب وحده ثانيه ويمكن ماراح اييلج واحد مثله
واذا على المعيشه عادي انتي موظفه اساسا م. بحاجته واهو مبين عليه كريم واللي بجيبه مو له لاهله وهذا معناه ان فيه الخير وتأكدددددي حبيبتي اللي يكون فيه خير لاهله بيكون في خير لج وتأمنييييين على نفسج عنده اما اذا كان مافيه خير لاهله هذااا انحااشي منه حتى لو يموت عالارض اللي تمشين عليها مامنه آمان
وهم لازم تسألوووون عنه عدل عشان تتأكدين عنه وعن اهله عدل انتي الحين بمرحله حب فأكيد ماتقدرين تشوفين كلشي صح وعدل خلي اهلج يسألون عدل وسمعي لرايهم عدل
عندي ملاااحظه: ترى محد يشتري الذهب الحين ولا يستهوونه الناس مثل قبل الحين فلاتضيعين مهرج عليه
اي صج والعمر بالعكس عادي انا افضل ان الريال يكون اكبرمن البنت اقل شي ٨ الى ١٠ سنين بيكون عاقل مو طايش وبعد عشان كل ما كبروا بتظل مرته صغييييره وماتكبر بالنسبه له

اتمنى اكون افدتج

 

[dubai girl]

اقلهن مهرا اكثرهن بركه
ودام يحبج ووافق على شرطج ان يكون لكم بيت بروحكم
شو تبين اكثر

^^

لاتفوتينه

 

[بقلبي انت]

ياحبيبتي دام اهو زين واخلاقه طيبه والاهم انه شايل بيتهم بعد ابوه يعني شايل مسؤليه واكيد تفكيره رزين وموراعي
خرابيط فمااتوقع بيكون مكان عملج محرج لج لانج وياه بالعكس اهو شايف اشلون تتعاملين
مع الموظفين والمراجعين ماراح يتصيد عليج ولا راح يدقق علي حركاتج وشي حلو انكم مع بعض

ومن ناحية المهر زيدي من عندج جم الف وكملي اغراضج بدون لايدري وكملي اغراضج
اقلهن مهورهن اكثرهن بركه خلي ربي
يباركلج بزواجج وتتوفقين فيه دام الرجال شاريج الفلوس مو كل شي اهم شي التفاهم
والله اني اذكر ابوي كان يحط فوق مهرنا فلوس من عنده هذاك قبل جم سنه ايام الرخص

والعيشه معاااه دام متفقين مع بعض بامور الدنيا فماراح يصير بينكم مشاكل لانج انتي اوردي عارفه وضعه المعيشي
وانه يصرف علي بيت وعلي امه فأنتي بتكونين متعاونه معاه من ناحية الصرف وبعدين بالحياة الزوجيه مافي فرق
بين بعض فلوسي اهي فلوس زوجي لازم يكون فيه تعاون هذي عشرة عمر مو سنه وإلا سنتين

والله يوفقج يا حياتي ويكتب إلي فيه الخير لكم بس لاتكثرين معاه سوالف بالبي بي نصيحه اتفقوا علي الشغلات
المهمه بينكم وخليه يتقدملج هذي فرصه جتلج لا طوفينها

حسيتج اختي الصغيره والله عشان جذي كتبت مقاله مو رد ابي لج السعاده والخير والله يوفقج

 

[ام الدرر]

البنات ماقصرو عسى الله يكتب لج اللي فيه الخير والصالح​

 

[دلوعة صلوح]

الله يكتب لى فى الخير ان شاءالله

 

[ام كوثر2007]

اهم شي التوافق بينكم . وعمره وايد مناسب اشوفه ..

وما قصروا البنات عسى الله يتمم لج بخير .

 

[بحرينيه كوول21]

حبيبتي انه مع انهار الكويت
وبقولج انه أخذت زوجي عن حب وكنا صغار انه كنت ١٩ وهو ٢٣ تقريبا
ما كان مكون نفسه وانه مستواي المادي اكثر منه لكن سوا لي حفله وكل شي طبعا ما أخذت منه مهر وايد وماشريت ذهب وكان معاشه على قده
لكن مع الايام تحسن وضعه المادي وصرنا نسافر ونروح ونرد وطبعا في كل مناسبه صار يشتري لي ذهب الحمدلله رب العالمين
لاتخلين الماده تكون حاجز وان جان على العمر انتي اهم شي مقتنعه
والله يوفقج ان شاءالله

 

[ماني من الناس]

مسكين 36 سنه وتوه بيتزوج


وانتي ذكرتي انج منفصله واهو قال انه كان يصرف ع اهله

يعني ماله داعي سوالف المهر والشبكه تكون غاليه


وتاخذين لج واحد ع قد حاله احسن من عنده فلوس ومو عارف وين يصرفها او يصرفها في الغلط

وقبل لا تاخذينه مفروض نظرتج ما تكون ماديه خصوصا انج تشتغلين

ومو كل يوم بتحصل لج الفرصه

 

[Judy . abbot]

حبيبتي بلعكس مهرج سواء كان 5 ولا 4 حتي لو مع شبكه زيين
حبيبتي لا تنسين انتي مطلقه يعني مهرها يكون اقل من البنت الا اذا اهوه مو متزوج من قبل
وبلعكس احس المهر مناسب
انا مهري كان 5 مع شبكه وانا طالبه مو موظفه صج امي ماقصرت ساعدتني بس الحمدالله الامور مشت
اهم شي الريال يكون زين وفي توافق بينكم.
وانتي الحمدالله موظفه شايله نفسج وسكنج بروحج
فاذا الريال زين ومرتاحين حق بعض خل يتقدم رسمي والله يوفقكم

 

[حبيبه هيثم]

توكلى على الله ما دام تحبينا ويحبج ومتفاهمين لا ضيعينا من ايدج

 

[د. فاطمة]

أنا أقول توكلي على الله وخليه يخطبج
مبين عليه ولد ناس وطيب وبار بأهله وهذا اهم شي
لأن اللي خير بأهله خير بزوجته وعياله ان شاء الله

الله يكتب لج الصالح يارب