وحشيه انسان دمرت مستقبلي

[الحيره ذابحتني]

السلام عليكم والرحمه
بنات حبيت افضفض لكم عن همي واتمنى تساعدوني
انا عمري 23 اكبر خواتي وعندي 5 خوات اصغرهم 16
والله مستحيه من اللي بقوله بس لا صرت انام ولا اني قادره اركز بدراستي وعايفه الحياه انا والحمدالله جمال ووسمعه اهلي حلوه وشهاده جامعيه بس كل ماانخطبت اتحجج قبل بالدراسه والا هالولد مو زين والامو جامعي وانا قصدي انحاش عن الزواج مو لاني ماابي الا ابي مثلي مثل اي بنت تبي الزوج الصالح والذريه
بس اخاف لاني تعرضت لتحرش وانا صغيره ام 9 سنوات من واحد يعتبر ن العايله الله لا يرحمه ولا يغفر له جانه دمر حياتي وخلاني اوسوس طبعا انا سكت من الخوف بس عقبها كنت امارس العاده السريه ماكنت ادري شنو بالضبط ولاادري انها حرام بس لما عرفت قطعت والله يهدينا ويثبتنا
مابي اتزوج واطلع مو بنت واجني على اهلي مرات اقول لنفسي مو لازم اتحجج لين يطوفني القطار ويصير الدور على خواتي لاني مابي اظلمهم مثلا اذا تطلقت بتقولون لي روحوا لطبيبه تكشف عليج اخاف امي تسالني ليش والا يصير بملفي بعدين استحي
والله لو تحسون فيني صلات اوسوس وخواتي كانوا من باب الغشمره يقوون يلا متى تتزوجين ونفتك منج ويصير دورنا الحين تخرجتي شناطره >> ياهو عورني هالحجي
ربي يشهد علي اني بنت سيدا لاسوالف ولا خرابيط ومحافظه على صلاتي وادعي ربي يسترني ويستر خواتي بس ماادري شسوي ؟

 

[cute lulu]

@@

والله ما ادري شقولج

الله يعينج ويستر عليج

 

[Q8-93]

لييييش ماتروحين تفحصيين وترتااحين

 

[كايبه]

يااااااااااااااااااااا الله يستر عليج ويفتحهااااااااااااااااااااااا عليج مثل مجعل بردة وسلامة ع البراهيم يجعل برد وسلامة ع همج الله يفرج همج يااااااااااااااااااااااااارب ماعندى غير الدعوة والله

 

[الاحمدية]

ان شاء الله ما فيكى شئ روحى لدكتورة نساء وخليها تفحصك وقليلها كنت امارس العادة السرية والحين بنخطب وابى اطمن على نفسى هذى طبيبة لا تعرفيها والا تعرفك وان شاء الله خير

 

[فيونكه..~!]

.
.
أن شاءء الله مآفيـك الآ آلععآفيه ي قلبـي ،

طيب روحـي لدكتوره تكششف عليـك بسس بدون لآأحد يدري

.
.

 

[حسبنآ الله]

ربي يستر عليج يااارب
حبيبتي روحي فحصي ان شاءالله مافيج الا كل خييير يارب ..

 

[الحيره ذابحتني]

مشكورين ع الدعوه
مرات اقول اوافق ع الزواج واللي فيها فيها والله يستر علي بعدين اوسوس اجني على خواتي
اذا رحت لدكتوره ماراح تسالني متزوجه والا لا وشلون وليش وماادري شنو ؟
ما تقول لامي ؟
واذا طلعت مو بنت شلون اعيش ؟

 

[قسوة الزمن]

مو شرط تعرضتي للتحرش تكونين مو بنت الغشاء ينفتح بصعوبة استهدي بالله وتزوجي

 

[لياليـ]

روحي فحصي و انشالله ماكو الا الخير
اتقبلي مروري

 

[لياليـ]

اب
اب
لعيونج

 

[- BambeNo -]

مافيج شي حبيبتي
ينفض بأشيا حآآآده ..
والله يوفقج..

 

[مجنونه هواهـ]

حبوبه روحي عند رفجيه لج وقولي لامج انج عندها وروحي المستشفى وفحصي وانشالله ربج يريحج وييسر امرج

 

[لياليـ]

او مو تنسين اتبلغينه بعد ما تفحصين حبيبتي
الله يوفقج

 

[كويتية222]

الله يستر عليج بستره وربي يسر امورج لكل ما هو خير

 

[om MaRyooM]

الله يعينج

انصحج وبقوووة حبيبتي باسرع وقت تروحين لدكتورة خاصة تكشف عليج
وانا انصحج بدكتورة ليلى اشكناني لأنها متفهمة وامينة وحبابة وايد



عالاقل تطمنين ولا هالكابوس اللي عايشة فيه

وموشرط امج تدري

 

[أوراد 2012]

حبيبتي ثقي تماما مالجأ عبد الا ربه إلى أجابه وستره ومنّ عليه بكمال نعمته وأنتي طفله صغيره لاتعرفين مافُعل بك وآثرتي الخوف والسكوت والآن كبيرة وبحمدلله ملتزمه بصلاتك وصيامك وذكرك وتركتي حراماً لله تعالى فهل تظنيني من عدل الله وستره وعفوه وكرمه ان يفضح او يكشف ستره عمن رجع اليه واناب!!
واذكر فتاة بعمرك وتعرضت لما تعرضتي له وايضا مارست هذه العاده السيئة وتابت قبل زواجها وكادت ان تخبر زوجها قبل الدخول خوفا من الفضيحه ولكن شاء الله ان لا تفعل لانه اراد سترها وارادت بخوفها فضح نفسها .. حبيبتي كثفي الدعاء واستخيري قبل الموافقه وان ضاق بك الامر استشيري طبيبة واجلسي معها وستطمئنك بإذن الله...!
سهل الله امرك واعانك وكتب لك الخير ورزقك زوجا صالحا وذرية طيبة...

 

[تمرة]

حبيبتي إنت مستورة وعسى ربي يسترك بالدنيا والآخرة ,, روحي وانا اختك عند دكتورة وخليها تفحصك وقولي لها انك كنت تمارسين العاده السرية علشان ترتاحين وماتقعدين تندبين حظك
وترى موشرط ان يكون غشاء البكارة انفض
قطي حملك على رب العالمين وسبحانه رحمن كريم يستر عباده
الله يحفظك ويريح بالك حبيبتي :yaaaaaarb:

 

[سكوتي بذوقي]

روحي للدكتوره وخليها تطمن قلبك اختي

إن شاء الله مافيكِ الا الخير يارب

 

[سفيره الكويت]

فحصي وماكو الا كل خير ان شاء الله