وجهي عقب ما اغسل الماكياج يخررررررررع

[بحر الذكريات]

السلام بنات

ادري اخترعتوا من العنوان لوووووووووووووووووول

بنات احس بالعطله بشرتي حيل احسن من الحين

انا مدرسه واضطر احط مكياج ولازم مكياج ثابت لان كذا مره اجرب كريمات وبنص الدوام تتبخر من الحر

وانا حنطاويه مايله للسمار اكثر

وحيييل فتحت قبل الدوام

المهم من داومت احط مكياج ومرات بس احط حمايه ابروحه ولما ارد البيت امسح المكياج بمناديل مزيله للماكياج عقب اغسله بالصابونه

ووجهي يطلع اسسسسسسود يخرع حيييل فرق عن جسمي حتى خواتي لاحظوا

في احد نفسي بنات

مو اول مره يصير معاي جذي

حتى قبل عرسي حيل فتح وجهي ومن عقب الماكياج احس رد سمممممر سمار مو طبيعي

شالحل بنات؟؟؟؟

هل في ماسكات كريمات اي شي يساعدني

جد بنات احس ودي انحاش من المنظره لوووووووووووووووول

للعلم انا احط كريم مرطب عقب كريم حمايه عقب كريم الاساس

 

[khawla&tito]

اشربي عصير برتقال واااايد خصوصا الصباح واتركي القهوة والشاي وحطي ماسك العدس وحليب بودرة تبييضه حلو وبسرعه تشوفين النتيجة ان شاء الله سبحانه وتعالى ,, وصابونة اغادير اوبابايا اغسلي فيها الصباح واذا طلعتي الرغوة مالت الصابونه فركي بالملح يعني سوي تقشير بالملح فهمتي..؟
بعدين في خلطه وااايد زينه حطيها بعد ماتخلصين غسيل بالصابونه جيبي نشا وماي ورد وماي عادي خليها ع النار ليما تصبر عجينه متماسكه بعدين اخلطيها بالخلاط مع جليسوليد ودهني فيها ويهج بعد الصابونه وو...شوفي النتيجه

 

[بحر الذكريات]

اشربي عصير برتقال واااايد خصوصا الصباح واتركي القهوة والشاي وحطي ماسك العدس وحليب بودرة تبييضه حلو وبسرعه تشوفين النتيجة ان شاء الله سبحانه وتعالى ,, وصابونة اغادير اوبابايا اغسلي فيها الصباح واذا طلعتي الرغوة مالت الصابونه فركي بالملح يعني سوي تقشير بالملح فهمتي..؟
بعدين في خلطه وااايد زينه حطيها بعد ماتخلصين غسيل بالصابونه جيبي نشا وماي ورد وماي عادي خليها ع النار ليما تصبر عجينه متماسكه بعدين اخلطيها بالخلاط مع جليسوليد ودهني فيها ويهج بعد الصابونه وو...شوفي النتيجه

حبيبتي انتي والله ماقصرتي في ميزاااان حسنااااتج يااااارب:nbvppw:

 

[شيختهم$$]

رد : وجهي عقب ما اغسل الماكياج يخررررررررع

انا نفسج اذا حطيت مكياج يسمر ويهي

 

[درر الحب]

صابونة البابايا تهبل فعلن ..ورطبي بشرتك كثير بعد الميك اب ..بكريمات انا استخدم بيبي اويل ..
والله يوفقك ان شاء الله ..

 

[zain-alq8]

اي اعتقد انه الفونديشن مالج مافييه حمايه واذا انتي تحطين كريم عادي قبل المكياج اكييد بسمرج لانه يمص الشمس ويسببلج سمار

 

[حلاا الدنيا]

حطي ماسكات وروب مع البطاط حلو هم العسل يعطي نظاره

 

[q8y-moon]

يمكن من كريم الحمايه نفسه
انا جربت رووك سمرني

 

[مكاييل]

شربي اربع كاسات حليب باليوم وبطلي كريم الترطيب بالنهار

وصدقيني من شهر لمداومتك شرب الحليب بتبطلين الميك اب كله

 

[بحر الذكريات]

الله يعطيكم العافيه بنات ماقصرتوا

ونبي بعد افكار حلوه

طمعت

 

[متفائله بلا حظ]

صابونة البابايا الي فيها لقطع ااشوف بنت خالي يمه جاها بياااض موطبيعي لدرجة انها تحط كحل وقلوس بس
رحت شريتها وحسس وجهي منها وطلعت لي حبوب
جربيها يمكن تضبط معاج بس اول شي جربي بطرف خدج مو على وجهج كله علشان وشوفي تحسسين منها ولا لا

ومناديل المزيله للمكياج تسمرني وتدهن وجهي ماااحببهااااا انصحج ماتستخدمينها
غسلي وجهج بغسول على طول وخلاص

 

[ORKDI]

اقول من الشمس

لانه الكريم اساس ما فيه حمايه

اهو اساس يتعب البشره

امممممم عندج ايفان بس ما يعطي التغطيه اللي انتي تبينها

عن نفسي استعماله وعجبني بس ما ادري اذا فيه درجات الالوان وله لا

موجود بالصيدليه ايفان بنسبه اساس

او عندج بوبي بروان كريم عجيب اساس وفيه حمايه قويه من الشمس
في درجات الالوان وهذي الصوره

انا استعماله يومي يهبل لانه بشرتي تتعب من الاساس سعره تقريبا جان 11 او اقل ما اذكر بس حلووووووو يرطب

وهذا الموقع وحطته لج على صفحة الاساس

http://www.bobbibrowncosmetics.com/templates/products/mpp/index.tmpl?CATEGORY_ID=CATEGORY22761

نسيت اقول لج كريمات تعطيج تصفيه للوجه

 

[ORKDI]

امبيه توني اشوف الكلام اللي تحت ثلث كريمات فوق بعض تبين بشرتج ما تتعب من صجج

كريم مرطب وكريم اساس فيه حمايه من الشمس

اذا تبين شي اسالي خاص حياج والله اقعده افكر فيج امبيه صج صج الله يعينج

 

[كيـف أسيـبكـ]

رد : وجهي عقب ما اغسل الماكياج يخررررررررع

وجهي لو مافيه كريم
وامسحه بمناديل يسمر

>>> حبي هذا تأثير الزيوت اللي بالمزيل

بعد ماتمسحينه غسليه بصابونه او اي غسول
وشوفي يرد طبيعي

وعقب حطي المرطب اللي ترتاحيله

 

[ORKDI]

رجعت لج

هذا اللي من الصيدليه حلو يرطب

وعندهم كريم اساس مضغوط حيل حلو وفي درجات الوان

وعندهم هم كونسيلر

وعندهم اساس ثاني بعد هم فيه درجات الوان

وانتي اختاري اللي ترتحين لها

راح انزل لج الغسول الميك اب

 

[viva la glam]

يمكن الفاونديشن مالج مافيه حمايه

 

[ORKDI]

حفظي على انج تشيل كل الكريم الاساس من وجهج اول ما ترجعين البيت

عندج رغوه جونسون ابلل وجهي بالماي مره مرتين بعدين احط الرغوه ورد مره ثانيه اغسل وجهي مره ثانيه بالماي جم مره

وهذي الرغوه

بعد ما خلص احط مرطب جونسون

للاسف ما حصلت صوره واضح

مكتوب عليه مرطب للوجه للبشره العاديه مزود بالمعادن تلقينه بالجمعيه بكرتون صغير علبه الكريم زجاج

____

في شي مرات اسويه بدل ما احط المرطب

انشف وجهي اريح شوي بعدين احط

اوزعه على وجهي بعدين امسحه بالقطن

بعد ما خلص

اسوي شي ثاني بس مره او مرتين بالاسبوع بالاغلب مره

لانه التونك يتعب بشرتي مرات

التونك بس ما حصلت صوره مكتوب عليه منقي خالي من الكحول

والصبح بس بدون فرك بس امسح على وجهي

ما حصلت الصابون مكتوب عليه رغوه منظفه لبشره الوجه الحساسه طبعا من جونسون

بليل

استعمال هالكريم طبعا اخذت من الصيدليه ونصحيه فيه الدكتور مازن .. عيادة مال الله كلينك

واذا بشرتج حييييييييييل تعبانه نصيحه روحي للطبيب جلديه

 

[آبـلـہ نـونـو]

رد : رد: وجهي عقب ما اغسل الماكياج يخررررررررع

ابتعدي عن كريمات الحمايه تري اتسمر وغيري كريمج الاساس واهتمي ابشرتج اكثر ولاتكثرين مكياج كل يوم

معلومة غلط 100%

شلون حمآية و تسمر .. ؟؟

أي دكتور جلدية أروح لہ أول شي يكتبہ لي كريم آلحمآية .!

هذآ ردْ آلملآك يفيدج ، بـِ آلموضوع


http://q8yat.net/showthread.php?t=547691&page=2

:

اول شي شكرا عالدعوه ..

ثاني شي ..

انا تقريبا جربت كل شي

و اغلبهم يدهون اصلا

بس اللي وصلتله و صارلي الحين عليه فترة طويله و مرتاحه

و برايي انه افضل شي

( كلينيك )

قبل كان فيه واحد خاص لمنطقة العين و واحد للويه

حاليا نزلوا واحد يديد و مطور

ينفع للمكانين و فيه حمايه من كل انواع الاشعه

افضل شي انج تحمين الويه كله حتى تحت العين

لانه اشعه الشمس عندنا موووووووو صججججججج

لو اسبوع طلعتي من غير كريم حمايه تنقلبين سوده فجأة لووول

و انا بشرتي مختلطة



وبعدين

في تعليق

عالبنات اللي يقولون بشرتي زينه و ما تحتاج حمايه

ماله شغل الحمايه بالبشرة الزينه !!!

هذا له شغل بالشمس و الاشعاعات

اذا كل يوم طلعتي بالشمس و طقت ويهج ينقلب لونج

و في بقع او اثار تصير بالويه الكل عباله اثار حبوب او شي ثاني

و اهي تكون بقع من اثار الشمس

لانه شمسنا مو هينه



قبل فترة رحت صيدلية بوتس كانو حاطين جهاز كشف عالبشره و مشاكلها بالكمبيوتر
و اكثر من بنت جدامي دشت الجهاز يقولون لها في ويهج بقع و اثار نتيجه الاشعاعات من الشمس
واهم يقولون لا هذا قديم واللي تقول كانت حبه واللي تقول فجأة طلعت و اللي تقول كانت تعورني
و هذا كله نتيجه عدم استخدام كريم حمايه ضد الشمس ..
وبنفس الوقت اكثر من بنت جدامي وانا منهم بعد قالولنا مشاكل البشرة من اكثر من ناحيه بس يوم وصلوا لي اختبار اشعه الشمس بالويه يقول الكمبيوتر انه البشرة مو متضررة ولا واحد بالاميه من هالاشعه و يوم سألنا الدكتور قلنا انه نستعمل كريم حمايه من الشمس من زماااان

وانا عن نفسي مستحيل اطلع الصبح او الظهر او العصر من غير حمايه ..

و خوش موضوع و جاري التصويت ..

و شكرا

بنآت حتى آلسمرة آلمفروض تستخدم حمآية .!!

و آلملآك الله يجزآهآ خير مآ قصرت بـِ آلتوضيح

و يمكن نوعية آلغسول و آلكريمآت مآ تنآسبج .. ؟؟

يعني جربي غسول + كريم مرطب + تونك ينآسبون بشرج

يمدحون مجموعة من جيرلآن بس عآد أيهي مآ أدري

و نصيحة إفتكي من آلكريم أسآس

ترى كل يُوم كل يُوم يتعبْ آلبشرة

حطي كريم حمآية بـِ لُونّ و فوقہ بودرة لوريآل أو أي بودرة تعجبج يطلع يجنن نعُوم

و إن شاء الله آلبنآت مآ يقصرون

..

 

[النـجـلآ]

يمكن بشرتج تعبانه من سوء التغذذيه مب من المكياج ! اكلي تفاح كل يوم عشان يخفف السواد

و استخدمي غسول كلين اند كلير اسمه مقشر يومي عجيب غسلي الصبح وبعد المكياج ورطبي بشرتج دايما

 

[احنا عشقناها]

اب لعيونج