وجهة نظر خاصة جدا

[روح كويتيه]

السلام عليكم ورحمة الله وبركاته

بداية أوجه شكري وتقديري للاختين

rawona

milkey way

لأنهم بالفعل اهتموا فينا واصبروا على حنتنا واكتبوا قصص اندمجنا معاهم بشكل مو طبيعي وكلنا وان صح التعبير اغلبنا كنا ننطر الاجزاء نطره مثل مايقولون

نرجع لموضوعنا اللي اهو وجهة نطر خاصه فيني

رد الاخت حبنا الله عليه


البدايه خواتنا كتبوا رواايات
والاخت يات ومسحتهم بدون طبعا توجيه تبليغ لهم

معلومه : ارسال رساله بسبب المسح مو جريمة ترى ^_^

:ggdw:


عالاقل البنات يحسون انه في احد مهتم او يعرفون يبررون موقفهم للي يسألهم وين الروايه


سبب الاخت مثل ماقالت انه البنات كتبوا قصص شخصيه :0bee2e8d89:


اللي اعرفه انه اي روايه بالعالم تكتب يكون فيها جزء من الحقيقه :denya:

والبنات لمن كتبوا القصص اكتبوا قصص سامعينها عاشوا لحظاتها بس غيروا الاسماءء وجزء من الاحداث تماشيا مع السياسه الادبيه


ميلكي وي
كانت تكتب وتنزل الاجزاء على طول دون حفظهم بالجهاز
وبما انه الاخت مسحتهم دون انذار او حتى مناقشه الطرف الثاني فهو فيه اجخاف بحقها والحين البنت ماتملك اي نسخه من الكتابه

وهم لمن يو البنات واسالوا عن السبب اكتفيتي انج تمسحين مواضيع الاساله دون توضيح السبب

انا قلت يمكن الكيبورد تعبان كان وقتها

ولمن زادت المواضيع قررتي تقولين السبب مع اغلاق للموضوع

قمع للديمقراطيه
لانج مانطري رايهم ولا شي :ada:



انا ماراح اعلمج شغلج كمشرفه لانه هالشي مو من حقي

ويمكن كلامي بيزعلج

بس تراج ظلمتي البنتين وظلمتي القراء من دون سبب مقنع
:eh_s(1):




ارجع واقول وجهة نظر والهدف ليس الدفاع عن الكاتبتين فانا والله ما اعرفهم الا من هالروايتين خصوصا اني عضوه يديده

بس كلمة حق وحبيت اقولها


الشكر لكل من يدخل الموضوع والشكر لج موصول لو سكرتي الموضوع او مسحتيه

 

[روح كويتيه]

ماشاء الله المشاهدات 10 ومحد راد لا بأي ولا لا :d

 

[rawona]

روح كويتيه .. اول شي حابه اشكرج على اهتمامج بموضوعنا انا وميلكي واي .. مع انه مثل ماقلتي ما بينا معرفه سابقه في بعض ..


والنقاط اللي ذكرتيها فعلا نبي رد عليها من قبل المشرفات ومديرة المنتدى ..


انا راسلت المشرفه بخصوص ردها بانه من شروط كتابه القصه بالقسم انها ماتكون قصص شخصيه .. وانا ابي اسألها "شنو يعني شخصيه؟؟" شالمقصود بهالكلمه من وجهة نظر المشرفات؟؟

انا وضحت بنهاية قصتي ان شخصيات القصه من "وحي خيال الكاتبه الواسع" << اللي اهوا خيالي الشخصي ..

وان اي تشابه بينها وبين شخصيات واقعيه اهو مجرد صدفه !!

يمكن كلمه "قصة حقيقيه" اهي اللي سوت ازمه بالموضوع .. وخلت الموضوع ينمسح دون سابق اتذاااااار!!

واذا على انه ما يحتاج ينذرونا على اساس ان الشروط واضحه بالقسم .. بس هم ولو.. المفروض يعطونا فكره علشان يمدينا على الاقل نبلغ البنات اللي قاعدين يقرونها .. اقل مافيها يسوون كوبي بيست ويقرونها على راحتهم ..

عموما انا على كثر ما تضايقت لانها انحذفت .. على كثر مافرحت لان عدد المشاهدات تعدى ال35000 مشاهده والردود بعد اكثر من 1000 رد منهم .. وهالشي وايد فرحني ..

واقول للبنات اللي راسلوني على الخاص مطالبيني ابجي القصه .. اعذذروني لاني ماراح ادزها لكم مو عن شي بس لان حذف القصه "خيره" لي وانشاءالله اقدر انشرها بكتاب قريبا جدا بعد ما اعدل فيها واضيف من جرعة الاثاره والتشويق


الف شكر لكم ولج روح كويتيه .. وانشاءالله ما ينحذف هالموضوع لين نبرد جبدنا لووول

​

 

[روح كويتيه]

بردي بردي بعد عمري

تعيش الديمقراطيه


فيت اللي بينزلون روايات

يالله ناطرينج على الأقل قصتج بقد حلاتها بس فيها ادب مو الحين كتابنا اللهم لك الحمد نو كمنت عليهم




انا والله كاسره خااطري ميلكي

حرام البنوته ماعنها نسخه من اللي كانت تكتبه

على طول تكتب حق المنتى

مفروض يردون الموضوع

او عالاقل ينقلون لها الاجزاء برساله خاصه او بالايميل

 

[منيرة خالد]

السلام عليكم ............... انا اول مره ادري ان قصة راوونه انحذفت من المنتدى مع انها قصه راقيه وما فيها اللي يخدش الحيا او ما يتطاول على العوايل بالمره كانت من واقع الحياه وفيه ناس وايد مر عليهم مثل هالحب ....... واغلب الادباء اول ما يكتبون عن تجاربهم الشخصيه وما فيها شي ( الظاهر المشرفه مو من اللي يقرون ) عموما مثل ما قالت راونه يمكن خيره لها علشان تتشجع وتطبع القصه وانا متأكده انها راح اتكسر الدنيا على قولت اخوانه المصرين ........... وتحذير لاي وحده تبي تكتب قصه تحرص انها تقول من وحي الخيال علشان تثبت بالمنتدى وننتصر على مكممين الافواه ............. وشكرا على الموضوع

 

[rawona]

مشكوره حبيبتي منيره .. وانا للحين مستغربه ان محد رد علي ولا على هالموضوع بعد؟؟​

 

[ghalya]

أنا توني أدري انه قصة روونة انحذفت ....ليش ؟!ماكان فيها شي شخصي بالمرة ! البنية ماقالت اسامي حقيقية أو اسامي عوايل وماكان فبها شي يخدش الحياء ...


عموما قصتج ياروونة كانت وايد حلوة مشكووووورة ابدعتي فيها (اشوني قريتها قبل لا تنحذف :eh_s(6): )

 

[روح كويتيه]

سياسه قمع الحريات وتكميم الافواه

ابله مشرفه

ممكن بعد اذنك تفسرين لنا معنى عدم كتابه قصص شخصيه

لاني فعلا حاولت ادور لها تفسير مالقيت


اي غلويه ماتدرين قسم القصص صار الداخل فيه مفقود والخارج منه مولود

 

[عاشقه رويشد]

القصه ماكان فيها شي ليش انحذفت ؟؟؟

 

[rawona]

جـــــــــــاري انــــــــتـــــــظـــــــــــــــــار الاجابة :eh_s(6):​

 

[]دنيا الوله]

أنا توني أدري انه قصة روونة انحذفت ....ليش ؟!ماكان فيها شي شخصي بالمرة ! البنية ماقالت اسامي حقيقية أو اسامي عوايل وماكان فبها شي يخدش الحياء ...


عموما قصتج ياروونة كانت وايد حلوة مشكووووورة ابدعتي فيها (اشوني قريتها قبل لا تنحذف :eh_s(6): )

نفس الي كنت بقوله حتى انا مادري انها انحذفت والقصه وايد كانت حلوه وعجيبه ولافيها شي
عيل من يوم ورايح لازم مانقرى اي قصه علشان لما نندمج ماتنحذف ونتوهق:0bee2e8d89:

 

[rawona]

سؤال بريء





للمشرفات العزيزات .. لماذا .. وليش... واشحقه... للحين نقرا بعض عناوين القصص اللي فيها " قصه حقيقيه" للحين موجوده وما انحذفت؟؟!!


على اي اساس يتم الحذف؟؟ وانا قصتي ما امدحها بس يكفي انها ما احتوت على الفاظ سوقيه او كلمات خارجه عن الادب .. وكانت بريئه ولا فيها الفاظ اباحيه ولا جارحه وتم حذفها!!!

وفي قصص معروضه بالقسم تحتوي على بلاوي وماتم حذفها؟؟

why??​

​

 

[روح كويتيه]

يمكن ماعندج واسطه روونه

<<<ج راح تنطق


انا اقول روونه استجوبي رئيس الوزراء


ومازال الانتظار جاريا

 

[rawona]

يمكن ماعندج واسطه روونه

<<<ج راح تنطق


انا اقول روونه استجوبي رئيس الوزراء


ومازال الانتظار جاريا

لووووووووووووووول



والله شكلي حتى ماراح انطر الرد .. ولاتعليق على اللي قاعد يصير :q8:​