وجبة الروضة ..

[Ms. luxury]

السلام عليكم ورحمة الله وبركاته ..
اشلونكم بنات وأمهات .. الله يسلمكم في شي قاهرني بالروضات (روضة الأطياب بقرطبة ولما انتقلنا الفيحا روضة بورسلي بنتي أول وولدي ألحين)..قصدي ان هالحركة بأكثر من روضة ماأدري هالسالفة قانون من الوزارة والا فلسفة من الناظرة ؟؟؟؟!!!
السالفة ومافيها ان وجدبة الروضة تحتوي على (صحن بلاستيك فيه لبن وبسكوت وكرواسون سادة نااااشف أو بالجبنة +كيكة صغيرة وأحيانا بدل اللبن عصير ) والصراحة الوجبة باردة وناشفة أذكر أول كان يوكلونا توست وشوربة عدس لقمة دافية تشهي وتغذي وتشبع الصراحة ولدي ماياكل وجبته بس يشرب العصير إذا كان لبن مايشرب وأحيانا يرجع من الروضة بيده كيكة السنة اللي طافت وهالسنة كله طريقتهم جذي انزين قلت أحط له وجبة بجنطة فيها صمونة هوت دوق مالت المطاحن أحط داخلها بيضة مخبوطة ومسحة جبن مع علبة روب النكهات مع بطل ماي صغير + فاكهة يحبها مقطعة وأحطها بكيس نايلون لحفظ التوست وكلهم بجنطة أكل المدرسات قالوا بس أول يومين وممنوع ..خل ياكل مع اليهال حاله حالهم .. ونفس هالسالفة بروضة الأطياب قبل على أيام بنتي هي عصصصلة مثل اخوها وحاطين لها وجبة ريجيم ناشفة ماتشتهي تاكل منها شي ..زوجي يقول السالفة تجارة وتنفيع تيي شركة وتسوي مناقصة مع الوزارة على أكل الروضة ويقولون احنا نتكفل فيه ويشترون منهم الوجبات مغلفة وشي والله يابنات تاريخة قبل يومين وخصوصا هالكرواسون اللي باط جبدي ناشف وقديم ويزرطون فيه هاليهال والأبلات موحاسين وممنوع أييب مع ولدي جنطة أكل شنو الحل ؟؟
ولاتقولون لي ريوق قبل المدرسة مايحب مايشتهون ياكلون وهم توهم قاعدين من النوم:0bee2e8d89:

 

[Ms. luxury]

رد: وجبة الروضة ..حسبي الله على الظالم..

وعلى فكرة اليوم وأنا رايحة أييب ولدي من الروضة شفت واحدة من مدرساتهم مع ولدها شايلة جنطة الأكل مالته صغيرونة وهو ماشاء الله متربن الله يحفظة ..يعني مسكين مااشتهى ياكل أكل الروضة انزين اشمعنى عيال المدرسات ؟؟؟

 

[ام الكتكوته]

رد: وجبة الروضة ..حسبي الله على الظالم..

صح كلامج والله

انا اليوم اول مره اشوف وجبتهم تست مع جبن نااااااااشف

وكيكه ناااااااشفه كلعم امريكانا

ولاااااااا الي بط جبدي عصير سانكست

امي قبل كانت تشتغل مشرفة تغذيه وتقول ان عصير السانكست ممنوع يدش الروضات

لان فيه الوان صناعيه واايد ومواد حافظه وضاره بالاطفال

واليوم معطينهم عصير سانكست

بس تدرين ترا هالسنه وزارة التربيه قالت ما راح نعطي اليهال وجبات بس بالكورس الثاني

والكورس الاول ما كوا وجبات

بس كل جمعيه وفرت للروضات الي عندها وجبات تلوع الجبد الله يزيد النعمه

 

[طير الحب]

رد: وجبة الروضة ..حسبي الله على الظالم..

هذا اكل الروضات

وترى الجمعيه هى اللى تعطى الروضه الاكل احنا قالولنا اهداء من الجمعيه

 

[nero]

رد: وجبة الروضة ..حسبي الله على الظالم..

والله انا اشوف وجبة الروضة زينه وكل شي فيها واحسن من اول

والشوربه بالشتى بس يحطونها ومو من زمان الكورس الي طاااف بدو فيها

والصمون مو كل يوم كرواسان .. مره كلاب ساندويج .. مره توست وجبن سلايس

ومعاها ذره .. وفواكة كل يوم شكل .. مره خوخ مره عرموط مره تفاح ومره عنب .. يحطون لهم افندي بموسم الافندي

وكاكاو اشكال وانواع سنكرز وكتكات وتويكس ومرات بطاط .. ومعمول وبسكوت

والخيار والجزر والعصاير كل يوم نوع ويوم حليب كاكاو ويوم لبن

.. الوجبه وايد منوعه ومفيده واحنا اذا اكلنا منها نشبع وننغث بعد

وفي مشرفات يتاكدون من تريخها ماكو شي بايت

وبالنسبه حق الجنطه .. ممنوع ..

لان حرام ايب معاه اكل من البيت .. والروضه قاعده توفر وجبه لكل طفل .. جذي محد بياكل الوجبات

وانتي كلمي ابلته عن الجنطه مره ثانيه شوفي شتقولج

وحبيبتي لا تتحسبين موزين

 

[smily]

رد: وجبة الروضة ..حسبي الله على الظالم..

اختي

انا اقدر انج ام و خايفة على عيالج بس ترى هم احنا عيالكم امانة برقبتنا وجبة الروضة هذي الي تكلمين عنها ترى تغيرت و كل يوم تجدد
مرة كرواسان جبن او زعتر مرة صمون و مرة توست وجبن سلايس و مرة كلاب ساندوش مرتديلا و جبن و خس و معاهم يا موزة - تفاحة- افندى- عنب- كمثرى- خوخة و ذرة او خيار مع كيك انجليزي او كيك سويس رول فراولة او كاكاو او بسكويت زبدة و بطاط شبس و العصاير يا برتقال او كوكتيل او حليب كاكاو او لبن و بالشتا كل يوم شوربة عدس
اتصور هذي خيارات واسعة و أمانة صار لي 4 سنين و هذا الوجبة الجديدة بدأت السنة الي فاتت و اهي افيد و خيارات متنوعة جدام الاطفال
ولا مرة يه الاكل ناشف ولا فيه شي و ماشاء الله الاطفال يحبون الاكل اذا كنتي معودة طفلج على نظام معين مااعتقد انه فرق الحين تقدرين تحطين له السناك الي يحبها بالجنطة و ياكلها و تقدرين تكلمين الابلة بحيث ياخذ الساندوش معاه المطعم مع انه ما اعتقد له داعي بهل الخيارات الي عندنا

وعلى فكرة مشرفة التغذية تأكد من الوجبات قبل لا توزع على الاطفال و احنا بعد نتأكد منها لأنهم أمانة برقبتنا

عزيزتي لا نحط كل اللوم على ابلة الروضة ترى نخاف على عيالكم اكثر من عمرنا وسعي بالج و هدي ماله داعي التحسب احسنوا الظن و ترى الكلمة الطيبة تكسبين فيها الكل

 

[أعرف قدر نفسي]

رد: وجبة الروضة ..حسبي الله على الظالم..

مو على كيفهم ممنوع ؟؟؟

 

[Ms. luxury]

رد: وجبة الروضة ..حسبي الله على الظالم..

لا حبيباتي موقاعدة أتحسب ولاني شايلة على الأبلات إلا على الوزارة الله يهديهم من بعد ماقالي زوجي ان الوجبات بالروضة تنفيع وتمشية سوق لبضاعة التجار اللي طايحة بجبدهم وأتوقع إذا على كلامكم ان كلام زوجي ماله أساس من الصحة يمكن هو يتوقع انهم يسوون جذيه بس انتوا ادرى وماكان قصدي أضايقكم أدري انتوا مالكم دخل بأي شي وماصرتي أبلة روضة إلا لأنج تحبين اليهال أنا أدري ان أكثر أبلة تعاني هي أبلة الروضة كل شي من جيبها والهدايا والفزعة مبجر وصياح اليهال من صباح الله خير وراعاة نفسيات والله يعينكم لكني كنت بشوف ليمتى الوجبة ناشفة جذيه وليش مرات أشوف تاريخ الكرواسون قبله بيوم ؟؟ يوم كان ولدي بأولى السنة اللي طافت بين كل فترة وفترة أروح أطل عليه وأطلب من المدرسة أشوف وجبته وشنو ياكل والله يعور قلبي من بد اخوانه ويهه أصفروقصير ونعووووم وعصل وحرصانه عليه يزاهم الله خير عادي يرحبون ويرضون أطل عليه من غير ماهو يدري ..ماياكل كلش بس إذا في موزة كلاها وبس وماأذكر اني شفتهم يشربون شوربة عدس !!! يمكن ذرة إي شفت ..يكون راد من الروضة وبيده كوب ذرة يعطي اخوه الصغير (عاد هذاك متبتب اسم الله عليه) بس ودي أنا أحط له الشغلات اللي يحبها بالجنطة ممكن أعرف ليش ممنوع؟؟ يعني بس لهذا السبب ان الوجبة ماتطيح بجبد الروضة؟؟ وولدي عادي يطيح بجبدي ؟؟ يصير فيه فقر دم أي شي ؟؟ بس يسدون حلجهم بالعصير والكاكاو ويرجع البيت مايشتهي غدا ..ليش ياحبيبي؟؟ يمة أكلهم موحلو..الصمونة مافيها طعم....والله سامحوني أعتذر حيييل حييييل إذا كنت ضايقت وحدة فيكم وان شاء الله ماراح أتحسب على أحد أبدا وأتمنى المشرفة تعدل عنواني وتمسح عبارة (حسبي الله على الظالم)

 

[رفرف]

رد: وجبة الروضة ..حسبي الله على الظالم..

حبيبتي انا اشوف الوجبة منوعة مع ان مالي شغل لاني ابلة روضة ولا بنتي بروضة حكومة بس اكلهم حرام منوع ..

يمكن انتي معودة ولدج على نظام اكل معين ما يشتهي غيره وترا مو زين خل يتعود لي طقه اليوع بياكل اللي ينفعه مافيها شي ..

انا بنتي ازيد من ولدج مع اني انا احطلها الاكل بيدي وكل يوم شكل وانا اسويه واخليها تختار وتقولي شنو تبي وشنو تحب والله شكثر ايام اتييبلي جنطتها على حطة ايدي شاربه ماي بس والا عصير العيب ابنتي مو بالاكل ..
ومرات اتطلع اعذار مادري من وين الاكل مو حلو انا مو يوعانة بطني يعورني ما مداني اكل .. ادري بنتي شهيتها مو زود ..
تعور قلبي بس اهيه جذيه شهيتها ..

وابوي يزفني يقول متى ما ياعت بتاكل واذا يوعانة بتاكل اي شي جدامها فانتي لا تشدين على وليدج وصدقيني حتى لو تودين معاه جنطة هم ماراح ياكل .. متى ما ياع بياكل اللي جدامه ..

 

[ضحـاوي]

انا اشوف اكلهم متنوع ومفيد

في اشياء عيالي ما يحبونها وبالروضه ينجبرون ياكلونها

 

[nice-girl]

انا ما ادري عن الاكل س لمه اسءل ولدي اقوله شنو كليتو يقولي عيش وربيان لوووول
انا عبالي صج قلت وين والله خوووش اكله ولد المفضله يوم قلت حق ابلته ضحكت تقوول ولدج عليه سوالف

 

[ام كتكوت]

يمه على ولدي

متعود على البيض كل يوم فديته بطتي

 

[ام كتكوت]

هههههههههههههههههه عيش ربيان يحلييييييله اينن

 

[Ms. luxury]

هههههه لاعاد لاعيش وربيان ولاكرواسون ناشفة حتى انتي الكبيرة ماتشتهينها ..والله يابنات ولدي حبوب وياكل أي شي جدامه لاصار يوعان بس الوجبة ناشفة ماتشتهين تاكلينها حبيبي هو أسأله أمس يعطونكم روضة بورسلي شوربة لاصار برد؟؟ جان تنط أخته اللي بالابتدائي لأن هي درست فيها ثاني سنة ..لأ يمه شنو شوربة ..بس كرواسون وخيارة ولبن نفس اللي تاكلينه لاسويتي ريجيم (تقصد عن الخيار واللبن ) والبسكوت يعطونا اياه لما نطلع من الروضة ..والله يمه أذكر عدل ..
بعد ماني قايلة عيالي يتخيلون !!!! أنا كنت أطل عليه العام مثل ماذكرت لكم بس ماشاء الله أنا أنوع لهم بالأكل يعني بنات لويحطون لهم معمول ومثل ماذكرتوا جان مافتحت حلجي الظليمة شينه .. بس ياللا أنا أعوضه بالبيت ان شاء الله وماقصرتوا كللللللكم وسامحوني إذا غلطت على أحد

 

[زلابيا]

عادي انتي ام واكيد تحاتين ما تنلامين ..

بس احنا بعد نخاف على عيالكم اكثر منكم وحريصين على هالشي

ووجبة اليوم كانت كرواسون وتفاحه وخيار ومعمول ولبن

والعام بالشتا كانوا ايبون شوربة عدس لليهال وانا شاربه منها بعد لووول

واحنا بعد ما نرضى ايبون معاهم جنطه لأن انتي مثلا تحطين بجنطة ولدج اشياء مفيده .. بس في امهات يخلون عيالهم يترسون الجنطه حلاو

وكاكو وبفك وخرابيط وتلقينه يخرب على باجي اليهال ولا ياكل الوجبه ويترس بطنه بهالخرابيط ويشوفونه باجي اليهال ويقلدونه ..

 

[بنت جنيف]

يحلات شوربه العدس ايام ماكنا بالروضه ويودونه المطعم ناكل على طاولات

 

[خبيرة اعشاب]

اي و الله انا بعد عيالي ما ياكلون الصبح ... ووجبة الروضة لبن و كرواصون زعتر ( بالله منو يتريق لبن ) يا الله من فضلك ... انا احط لهم بطاط و عصير كي دي دي و مرات صمونة على حسب الظروف ؟؟

و ما حد قال لي ممنوع بس هم بعد ما ياكلون فاحسن خليهم على اكل الروضة على الاقل اذا رد البيت و لا جوعان ؟

 

[خبيرة اعشاب]

وجبة الروضة تتكون من :

لبن او عصير
خيارة
تفاحة او موزة
معمول تمر
كرواصون زعتر


هاذي الي شفتها عند عيالي ...

 

[*أم*خالد*]

امممم

يمكن انا معلمه الروضة الوحيده اللي بقول كلامج صح

والله حتى انا مايرضيني بس شسوي لو بيدي جان والله كرواسون الفيصل واقطع بس مو بيدنا يا اختي

واذا عن الأكل الممنوع اعتقد انه هالشي من الاداره مو من المعلمة بس وبعد مرات الطفل يضيع جنطة الأكل مالته فـ هالاشياء تسبب مشاكل الاداره تشوف انها في غنى عنها دام الأكل متوفر

توكلي على الله ويوم الاحد
كلمي الأبله وأصري انج اتييبين الوجبه من البيت وقوليلها انا مستعده اكلم الاداره اذا هالشي من الاداره وصراحه اشجعج على هالخطوة وايد
بس حطي بالج اذا بيوم ضاعت الجنطه او فقدها سواء في الفرصة او اي مكان بالروضة طوفي عادي .. انا معلمة روضة وترى صعب وايد نحط بالنا على أكثر من 10 أطفال + التأكد من اغراضهم
شوفي انا اقولج

حطي ساندويتج مع شي يشربه عصير او حليب او ماي كيفج
وحطي فاكهة حق وقت الوجبة الخفيفه سواء موزة او تفاحة او جيس التوست الصغير حطي فيه حبات عنب

وبس

 

[nice-girl]

اول امس حفله ولدي مالت القرقيعان وقدعت معاه بالصف وانصدمت
وكانت الوجبه كرواسان بالزعتر وتفاحه وخياره ولبن ومعمول
لبن من الصبح ؟؟؟؟احس يسوي حارج بس لووول حاطيلهم خياره عشان يرووحونه
لوو حليب افضله وحتى انا وابلته قمنا نتحلطم نقووول وين ايامنا بيض وشوريه وحليب
والاخصائيه النفسيه تقووول اذا الولد في حساسيه من شي ندز حق الوزراه يوفروله وجبه اولااااااااا