وبعد معاناة وحوار ساخن ابوي وافق بس بشرط:(

[بنت الدسمه بسمه]

وبعد حوارات عديده

وبعد زعلات عديده مني طبعا

ابوي وافق اسوي عمليه تنحيف

بس بشرط بالونه المعده انا ابي تكميم بس قالي تبين بالونه بدون جراحه ارضى اذا لا انا لا ابوج ولا راضي عليج

قلت له يبا

راحت فلوسي بين محمد ربيع وميري العوضي وبين المساجات وبين المعاهد وقالي كيفج

انا كتله الجسم عندي 32 يعني يبيلي 16 الي 20 وواصير سمبتيك

بس لما فتحت النت محد مدح البلونه

وانا اصلاا ماخذه موعد يووم الاحد عند الدكتور خالد الشرف

ويسويها ب850 بالسلام


عفيه بنات ساعدوني شسوي

اسمع كلام ابوي ولا ادخل العمليه ومحد يدري عني

وشرايكم بالبالون

 

[اميره بكلمتي]

امممممممممم

الصرااحه مادري ماشفت احد تكلم عن البالونه

وعسى الله يكتبلج اللي فيه الخير

 

[دانة من البحرين]

نصيحة مني


لا تسوينها من غير رضى ابوج ترى تنقلب عليج بلاء هالعملية كلشي ولا رضا الوالدين وصدقيني في مصلحتج

 

[أم حوور]

حبيبتي


البالون ترا يطلع ريحه من رائحه النفس ...

 

[حصووونه]

اول شي رضا ابوج اهم ثاني شي الاستخاره وردي حني حني حني فجي مخه لين يوافق

 

[G!RLooNa]

مو سامعه عن البالونه بس هذي عمليه مولعب لا تسوين شي ورا ابوج

 

[om_dodo]

مادرى

 

[donat]

انا ما انصحج بالبالون لان اللي شالوا البالون رد وزنهم دبلات لان بالبالون المعدة تتوسع اكثر مع الاكل و البالون فتكبر المعده ولما تشيلينه المعده تصير كبيرة فتحسين بجوع اكثر من قبل و تردين الوزن اللي خسرتيه و فوقه بوووسة ...

انا سامعه هالمعلومة و احسها مقنعه بس انتي اذا رحتي للدكتور استفسري عن هالشغله و شوفي شيقول لج

تبين نصيحتي انتي وزنج لازم ما تسوين عمليات ولا شي ما يسوى اخذي موضوع الرجيم بجدية مو دلع يعني حسي ان هذا طريجج الوحيد للضعف بدونه راح تمتنين وتصيرين ويع و تكبرين اكبر من عمرج لا تعطين نفسج اعذار ان ما قدر و تعبت و اكو شي سهل يضعف اهوا العمليات لالالالالا ترا العمليات هذي مو لج هذي حق ناس اوزانهم اوووووووفر و المتن راح يقضي عليهم مو حق وحدة تبي 16 كيلو صدقيني فكري عدل و سمعي كلام الكبار ترا اكبر منج بيوم افهم منج بسنة

و بالتوفيق و الرشاقة والصحة والعافية ... يا رب

 

[هوى بحري]

رد : وبعد معاناة وحوار ساخن ابوي وافق بس بشرط

بالون المعده والتحزيم عمليات فااااااشله بشهادة أغلب الجراحين

وحتى وقفوا اجراءها في المستشفيات الحكومية

نصيحه من مجرب تكميم المعده وبس اهيا امن عملية على المدى البعيد

لان فيها امتصاص كامل للفيتامينات والعناصر الاساسية اللي يحتاجها الجسم

 

[بنت الدسمه بسمه]

والله احترت حييييييييييييل

 

[*المها*]

نصيحة لا تسوينها
وديري بالج تسوين شي وابوج أو أمج مو راضيين ترى مو زين

 

[مناير الديرة]

انا رفيجتي مسويتها بمستشفى السلام وزادت 6 كيلوات بعد العملية وصار معاها حرقه بمعدتها فترة 3 شهور يعني ما استفادت شي نصيحه هوني عنها

 

[afesa]

البالون موشي ما يمدحونه كلش وتردين تزيدين الوزن اللي نزلتيه .. مادري انا نفس كتله جسمك ورحت عند خالد العنزي وما رضى يسويل لا تحزيم ولا تكميم ..وقال لي خليج عالريجيم ..
مادري بس شكلك صغيره وتقدرين تنزلين عالريجيم ولا تفكرين بهالعمليات شيليها من بالك والله يعينك

 

[بنت الدسمه بسمه]

وي امبيه بنات ابوي رضى اسوي المليه التكميم

وشرط اهو يروح معاي يسمع كلام الدكتور بس لايكون الدكتور بيقوله ماتصلح بنتك للعمليه

 

[donat]

انا اتوقع ان الدكتور ماراح يوافق يسويلج ... انتي روحي و اللي الله كاتبه بيصير ان شاء الله

 

[[[ عيون جابر ]]]

محد يمدح اللبالون والله
ديريبالج

 

[بنت الدسمه بسمه]

دونات ليش الاحباط

 

[donat]

لا يا عمري انا ما احبطج انتي كبر بنتي و خايفة عليج
تو الناس العمر جدامج ليش تبدين حياتج بعملية وما تدرين العمر طويل ولا قدر الله لو تصير لج مضاعفات والا شي يعني انتي لو وزنج 100 وفوق انا معاج سوي عملية عشان تتزوجين و تحملين بدون مشاكل

بس يا عمري انتي تبين 15 كيلو اشتركي بشركة دايت مالوت الوجبات لمدة 3 شهور 600 دينار وراح تنزلينهم ليش تسدحين نفسج بغرفة العمليات و يقصون معدتج و تعرضين نفسج حق مخاطر عشان 15 كيلو...

انا بقولج شي يمكن تحسبيني ضعيفة و موحاسة فيج ترا انا وزني 102 وطولي 160 يعني احتاج 40 كيلو و عمري 40 سنه موصغيرة و بنتي الكبيرة عمرها 20 سنه بس افكر بمخاطر العملية و البنج ترا موشويه تخرع ... وانا يمكن اسويها و مفكرة فيها مع ان زوجي موراضي بس انا كبرت و اخاف من الضغط و السكر . بس انتي صغيرونه امشي كل يوم او اشتركي بنادي وراح تنزلين 15 كيلو ب3 او 4 شهور و بصحتج و عافيتج

 

[رحيل المرافيء]

رد : وبعد معاناة وحوار ساخن ابوي وافق بس بشرط

جم طوولج ووزنج
اشووف كل من هب ودب سوى العملية
باجر تضعفين بزود وتصيرين هيكل عظمي
هذي العملية للي عندهم شراهة بالاكل واوزانهم صعب تنزل واوزانهم كبيرة مو 80 و70 كيلو تبون عملية

 

[بنت الدسمه بسمه]

دونات انا مو صغيره :tek:

عمري 32 وعندي 4 يهال

:gathering:

وزني 94 وطولي 169