وبعدييين معاها اللي ماتستحي

[miss mnora]

السلام عليكم ورحمة الله وبركااته :eh_s(7): شلوووووووووووووووووووونكم شخباركم حدي ولهانه عليكم بعد غياب دام اشهر

بنااات قبل حطيت موضوع عن مرت حماي هذا الرابط للي ماقروه http://www.q8yat.com/showthread.php?t=819646


بنااات على كثر ما احقرهاااا قامت تزيد وتتدخل بكل شي وتقط ويهااا :rgewrg: لدرجة لما قلنا انا وزوجي بنساافر هالعطله وزوجي بصرااحه يبينا انا معاه بروحنا كل سفره اهيا وياه قالو بنروح معاكم زوجي قالها على غشمره بس انا معااهاا بنروح حتى العيال مو اكيد ناخذهم .. قالت ماشاءالله عليكم والله عايشين حياتكم !! قتلها ليش حبيبتي مثلا اقعد وابجي عشان اسعدج ولا شسوي :krkrkr: قالت لا بس عيالج 3 وبتخلينهم عند امج شلون يرتاح بالج :eh_s(1): قتلها ياحبيبتي هذي امي اذا ماحطيتهم عندها وين احطهم قالت وييييييه والله الكلام معااج طويل ماشاءالله عليج يلا بطلع ((قالتها على ضحك يعني )) قتلها ماتشوفين شر انا ابيها من الله وبعد هالكلام لما حجزناا حجزوا معاناا :eh_s(1): لو انهم ونيسين ومايتدخلون فيناا بالعكس والله استاانس بس جنهم يايين يغثوناا وشنسوي بعد سافرو معاناا وطبعا بالسفر صارت مشااكل بس خليتهاا تعرف قيمتهاا بس سويت اللي فبالي ورحت دولة ثانيه من غيرهاا :eh_s(7): بناااات سوري قرقت حدي بس ابي تقولولي حل ابي اتخلص منها مابيها تكلمني بالمره والله :eh_s(14): ؟؟؟

 

[خالف تعرف]

بالعكس اذا ماتبينها تكلمج مو بصالحج تسوين عداوات
انتي بس حقري ومشي حالج ووصي زوجج مايعزم حتى لو علي غشمره
اهي قاثتج اكثر من ما انتي غاثتها
عشان جذي لاتعطينها اكبر من حجمها

 

[حورني 2010]

طوفي و يا كثر الناس اللي جذي يتدخلون بالصغيرة و الكبيرة و مو من حقهم
بس انتي اذا بغيتوا تسافرون انتي و زوجج حجزوا و ضبطوا امور السفر و كل شي و مولازم تعليمنها انكم بتسافرون علشان مايروحون وياكم مو هذا اللي تبينه
و بس هذا كل اللي عندي و الله يهنيج بزوجج و يخليكم لبعض

 

[عاشقة_الجمال]

ليش تقوولوون لهم انكم بتسافروووون

وشالناس الفاضيه هذه بغيتوو تسافروون خلاص بيسافروون معاكم

ما شاء الله عليهم لوووووووووووووول

 

[زوجة عزيز]

امبيه كل مره اتسافر معاكم الله يعينج !!

 

[كادى الحب]

صراحة هذى لزقة عيب صراحة

 

[نـعـومـه]

تضحك لزقه وحشريه

لاتعلمون عن سفره الا لما تحجزون وتخلصون وموعد سفركم قرب

 

[مارشميلو..]

مبين تغار منك
لاتحتكين فيها واجد يمكن تحس على نفسها وتتوب

 

[Tom ♥ Jerry]

.،


عآدي خل يسآفرون معآكم بس آنتوآ مآلكم شغل فيهم
يعني روحو و تعالو و طلعو بروحكم !


(= الله يتمم عليج يارب صج مرت حمآج مغثه !

 

[kuwaitya_zoGaa]

حبيبتي ليش معوره قلبج
هالاشكال مايفيد معاهم الا الحقران
يعني اذا دزت لج مسج حقريها سالتج سؤال لا تردين او لفي ودوري او بادليها بسؤال
يعني اذا قالت لج ليش الشغله الفلانيه سويتيها قولى لها ليش تسالين ؟؟ فشليها وشغلج خليه بسكات لا تعلمين احد
واذا سالتج عن اي شي سواءا سفر او بتشترين شغله قولى لها مادري لي الحين ماقررت

 

[fdeet_shosho]

غريبة اهيا مرت حماج شلون تاخذ وتعطى مع زوجج جذي ؟
وين زوجها عنها وشلون سافرت وياكم !الزوج ماله راي وماله كلمه عليها
لاتعطونها وجه خاصة زوجج لاتقولون جدامهم سوالفهم واى شي تقوله قوليلها ذكرى ربج
الله يكفيكم شرها

 

[A.E]

الله يعينك

على كذا ما تاخذي راحتك

 

[سنااااي]

الله يعينج على هالاشكال........ انتي ماتقدرين تقطعين علاقتج فيها بس تجاهليها وحقريها يمكن اهيا جذي طبعها ماتقصد شي .....
وعن سفر اتكم قبلها بيوم قولو لام زوجج وامج عادي.... عشان مايمديهم يحجزون....

 

[نشيج الروح]

أنتي قاعدة تردين عليها وتقولين حاقرتها .... مو جذي يحقروووون .... إذا مسج لا تردين وإذا بالكلام اكتفي بابتسامة أو قولي لها آسفة ما راح أرد أو ضيعي السالفة وسوي روحج كا سمعتيها .........إلخ من الوسائل

 

[pusy cat]

ههههههههههههههههههههههههههههههههههههههههههههههه

شهالنشبه هذي

شتسوين بعد هذا ابتلاء من الله وراح تبقى مرت حماج طول العمر

يعني اذا بتفتكين منها يا تطلقين زوجها منها يا انتي اتطلقين من زوجج

يعني ماكو فكه مقابلتها مقابلتها

انا اقول حسني علاقتج فيها لا تصير عداوه بينكم لأن انتو اهل خلاص

لأن مسلسل حماتي ومرت حماي وخالتي ماراح يخلص

لا يغير الله بقوم حتى يغيروا ما بأنفسهم

وانشالله الله يكفيج شرها ويكفيها شرج

 

[UNICORNA]

الحل عند زوجك اهو اللى مفروض يحط حدود ويقول الكلام بشكل واضح ابى اسافر

انا وزوجتى بس او انكم تحجزون وتسافرون فجأه بدون ماتعطون خبر لاحد وبس

 

[senioreta n7oola]

عطيها أحلى طــااااااف 

 

[بحر الرمال]

انا مستغربه من ريلها (اخو ريلج) نه الموضوع عادي عنده! والا الظاهر ريلج اكبر منه و متعود من وهو صغير يعتمد عليه

 

[فـدوه]

اذا كارهتها و ماتبينها و حيل قاثتج, دبي معاها خناقة لرب السما على قولة المصرييين ههههه و بجذي تفتكين من لزقتها

بس ترى شكلها تبي تطفشج من البيت و تستفرد فيه

 

[KOKO_284I]

حبوبه انتب ليش بالاساس اتقوليلها بسافر