وبعدين ويه خطيبي اللي كل يوم مضايق وزعلان مني

[cat-girlq8]

السلام عليكم ورحمة الله وبركاته

شخباركم ياحلوين شمسوين ان شاء الله اموركم طيبه

بنات اللي يذكرون سالفتي مالت جذبة ابريل أوووله شخباري لووووووووووووووول
طافت عليها سنه

بنات انا مخطوبه صار ل اكثر من سنه وجم شهر واللي خاطبني واحد اعرفه ويعرفني والنعم فيه وبا اهله
بس صج اللي قال ماتعرفين الشخص الي جدامج الي بوقت الخطبه

بنات بقولكم عن شخصيتي وانتو حكموو علي
انا وحده
1_ مرحه وبشوشه
2_ اجتماعيه
2_ وايد طيبه
4_ اذا تكلمت اتكلم بعفويه ماحب امثل واتصنع

خطيبي يحاسبني علي كل شي يبدر مني كل حرف اقوله ويركز علي كل شي وهم بعد يركز علي الاشياء الصغيره

يعني ساعات والله ومن غير قصد يتكلم وانا من غير قصد اقطع سالفته وادش بسالفتي وهني يعصب
وعلي فكره في شغله يتضايق منها بعد بس لاتضحكون علي اذا كررت له السالفه اكثر من مره يتضايق ويعصب !!
يعني ساعات اكون ناسيه اذا كنت قايللته السالفه واقولها هني يطفر ويتضايق
امس تناجر معاي
لاني قاطعته قالي انتي وحده ماتحترميني شلون تبيني استمر وياج ؟ ونتزوج ! انا هني انصدمت قلت له شنو قصدك قالي قصدي واضح انا كل يوم احط راسي علي المخده واتضايق من تصرفاتج اللي عطيتج وقت كافي عشان تغيرينها وماغيرتيها
وكل يوم اخذ منج وعد وموقاعد اشوف منج شي بس كلام من غير فعل من جذي انا فقدت الثقه بكلامج ووعودج
قلت له بس انا احبك واعزك واللي تبيه يصير يرد علي ويقولي طل بعيني اذا كلامج صح

بنات بليززز ساعدوني شسوي وتخيلو شنو قالي بعد مابيج ادقين علي ولا ادزين لي وتساب ولا مسج

بفكر هالمره جد هل اعطيج فرصه ثانيه وصدقج او ينتهي الي بينا !!

 

[Tom ♥ Jerry]

.



وعليكم السلام ورحمه الله و بركآته :eh_s(22)::eh_s(17):

-ينقل موضوعج لقسم الحياه الزوجيه-
اعتقد تحتاجين راي المتزوجات اكثر من البنات الغير متزوجات

Good Luck :rerrerek:

 

[مستحيل اخونك]

وووووووويقلبي الله يهدي سركم بس بصراحه فعلن حركات المقاطعه مو كويسه وتحسس الشخص بعدم الاحترام

بس نصيحه اعطي نفسك فرصه لتغغيير مثلا اسبوع لاتكلميه وحاولي تغيري من تصرفاتك

وحاسبي عل كل تصرفاتك

وفاجئيه بانسانه جديده

والله يحننكم على بعض​

 

[aloooya]

حاولي تتغيرين عشانه و ماتقاطعينه الريال مايحب جذي

 

[غـرامـي أنـت]

حبيبتي لانه زعلان قال هالكلام

 

[Mrs. AL Ajmi]

وأي فديتك ، شوفي في مثل بصراحه وصخ بس بقوله. يقوله الريال ............ ولا تقطعين سالفته . عاد انتي فهميه ، سوري بنات بس حبيت أقولها عشان تفهم القصد. البنت والريال غير بعض ، اللي يضايقج ممكن يكون عنده عادي وعكس صحيح. ان شاء الله ما فيكم الا كل خير . بس اهم شي انتي حاولي تغييرين ها لشي . وفهميه انه تدرين يكثر هنا لحركه مؤ حلوه وانتي صح تبين تغيرين من نفسح بس يلج شوي وقت . الله يخلي كم حق بعض ان شاء الله . الحمد لله مشكلتك هينه وان شاء الله تنحل

 

[ام فواازي]

شنو افكر نستمر او مانستمر عشتو
هذه لانج تقاطعينه جذي قال اوكي صح المقاطعه مو حلوه بس ماتوصل ان يقولج جذي باجر لا تزوجتو وصارت بينكم مشاكل اكبر من جذي شلون بيتحمل بالله
الله يعينج و نضيحه عطيه طاف و لاتدقين عليه كلش خل يحاسب نفسه
وانتي قللي سوالف معاه وكلامج هم قلليه و اتصالج بعد طقي الثقل وخليه يحتار فيج شنو غيرج و شوراج شعندج خلج غامضه بالنسبه له لان الظاهر زوجج يبيله تعامل جذي

 

[من يشابه ديرتي]

شدعوه كل هذا عشان تقاطعينه بالكلام @@
اشكره قاعد يلعب ومو ماخذها بجديه

 

[زوجة عزيز]

شكله متسبب سكتي عنه ولا اتردين عليه ولا اتدزين مسج او واتساب ولاشي خليه يحس

 

[طلة شيوخ]

ممممم
استخيري قبل لا تسوين اي شي
هذا من اولها زعووول
خو كلهااا ساااالفة ما انقلبت الدنيا
عن نفسي ما احب هالنوعية اللي لازم تحاسبين على كل كلمة تقولينها ... ما تاخذين راحتج معاه و ما تكونين على طبيعتج
كل كلمة عندهم على معنى و ليييييش قلتي جذييييي ما قلتي جذيييييييي
استخييييريييييييي و استخييييريييييي و الخيرة فيما اختاره الله ... لا تطاوعين قلبج على عقلج
و الزواج عشرة عمر



الله يهدي سركم

 

[انثى الكويت]

حقريييييه والله اسمحيلي شايف نفسه

وخليه يعرف قيمتج

واذا صراحه دق عليج بيصلح الامور طبعا وافقي بس قولي له شي

اذا تعبت من مقاطعتي لكلامك فهذا بسبب عفويتي وطبيتي ووايد رياييل يبون حريمهم على نياتهم

وقولي لو انفعلت ولا تحمست هذا شي طبيعي والطبع يغلب التطبع

انا اغير فيني الي اقدر عليه عشانك عشان احبك وابي اتزوج واحد تارس عيني

بس هذا مو معناته يمسح شخصيتي ويقولي افكر اذا اعطيج فرصه ثانيه

شايفني عادي باي وقت ابيج ولا مابيج اذا ماتبي كيفك بس هم انا مابي بعد واحد يلعب فيني

وقوليله انت قاعد تلعب وعصبيتك ومشاكلك على اشياء تافهه بتخليني انا الي افكر مليون مره انك تصلح لي ولا لاء

ولا تضحكين معاه وكله قوليله امممم امممم لا تعلقين وايد عشان يعرف انج زعلتي


لان هالشي باجر بيزيد وبتصير عيشه لا تطاق

 

[ماني من الناس]

مو لهالدرجه قطعتيه بالحجي سوا سالفه وقاطعج وبيدرس الموضوع


باجر لي تزوجتي سويتي شي ماعجبه بيسويلج فلم

شكله مو واعي ان الحياه الزوجيه شراكه وان طباعكم غير عن بعض وانتي بنت واهو رجل وكلمن يغلط بتصرفاته عادي محنا كاملين

مفروض احد يمون عليه يفهمه الزواج شنو والتغيير مايكون بين يوم وليله يبي يغيرج

 

[amami al-kuwai]

في حركة مادري بتنفع معاج

اذا تهاوشت مع زوجي ومابي ارد عليه اعض لساني او شفايفي على الخفيف واذا حسيت زادت الرغبة بالكلام اعض اقوى شوي

او ضغطي علي ايدج لما هو يسولف وانتي بتسولفين

جربيها مع اي احد وشوفي اذا نفعت معاج

وهم جربي اتركزين على كلامه وتفكرين بشنو الكلام اللي بتقولينه ( طبعا بنفس الموضوع اللي هو يسولف فيه مو تشقحين لموضوع ثاني )

 

[black rose BH]

الله يسخر لج يااارب

 

[ga6wa90]

معاه حق سالفة المقاطع تضايق وايد

حاولي تنتبهين أكثر لهالنقطه و حسسيه انج تغيرتي للاحسن

والله يسخره لج

 

[نـعـومـه]

صح الريال يكره المرا تقاطعه بس مهما يصير بالغ وايد مايصير يقول اللي بينا ينتهي شنو لعب يهال

اولا انتي وخري عنج هالصفه وثاني شي لما يهدا عاتبيه وقوليله مايصير على سبب سخيف تنهي علاقتنا شلون اذا صارت مواقف كبيره !

وين الصبر الحب التضحيه ؟؟

 

[سمر شمر]

شخصيتج مثل شخصيتي مع ريلي


ودايما اقطع سالفته ويطنقر علي ويسمعني كلام


خلاص يعني انتي الحين على كثر ما يهاوشج على هالشغله ماتعلمتي

انا الحين بديت اسمع كلامه لاني انا نقدت على نفسي والله يعينج عليه يارب

 

[سفييره الكويت]

انا عشان جذي اقول الزواج لازم يكون فيه توافق فكري بين الاثنين ريلج حساس وانتي عفويه ..!


الحين عندج حل من الاثنين

الاستمرار وتعدلين الصفات اللي مايحبها ريلج فيج او الانفصال قبل الملجه وكلن يروح فيه طريجه..

وبصراحه اذا تبينه وحابته او معجبه فيه غيري الصفات اللي فيج وقولي له اذا مضايق من اي شي قولي وبعدها بتتعودين

 

[روان المطيري]

مالت !!@
ليش بالله متضايق من تصرفاتج والله من اسلوبج حبيتج
اسمله عليج بسرعه تنحبين وشنو سنه وجم شهر ما مليتي
كل شوي يدقر فيج !! ويعع لو انا جان من اول يوم مسكبتله
حبيبتي مو مجبوره تغيرين صفه حلوه فيج واعتقد كل يحبونج
حبوا فيج هالصفه عشانه !! يعني لو مثلاً نمامه حنانه مغروره
جذابه بواقه يمكن اقولج غيري من نفسج اما انج فرفوشه ومرحه وتقولين السالفه
اكثر من مره وعفويه وتتغيرين لا يبا من صجج انتي !!
وبعدين اخونا بالله اللي اهو خطييج شكله مو جاد معاج ويدور اتفه الامور
عشان يخلق مشاكل بينكم انا اقول حاولي تفكرين عدل وتوزنين الامور
بعقلج مو بقلبج والزواج عمر ومسوؤليه والله يوفقج ♥♥

 

[Beautiful soul]

احس انه سخيف ونفسيه انا اشوف ان انتي اللي تعطينه فرصه وتدرسينه عدل على هالاسلوب السخيف اللي عنده قبل لاتتوهقين
اللي يحب مايقول هالكلام ويهدد قال شنو قال لادزين شي ولا تتصلين
اففف الله يعينج وان شاء الله اذا فيه خير لج تستمرين معاه