وبعدين ويا الخدم ؟

[بساطه]

شلونكم خواتى
بدخل بالموضوع على طول لانى حدى مقهورة من الخدم وسوالفهم اهم والمكاتب يا ربى والله زهقنا من حركاتهم وتيبين خدامه وتودين ما صارت يا ربى ليش حقوق المواطن مهضومة ويا اما الخدامة تتدلع وتدوس على راسج ولا تقولج مابيج سفرينى والمكاتب طالع واكل نازل واكل ما يصير يا ناس احنا لازم نتحجى وهم غاليين وهم شينين واحنا محتاجينهم يعنى شنسوى لازم يصير قوانين تحمى حق المواطن مثل ما الخدامة حقها محفوظ والله جنه احنا للى نشتغل عندهم

 

[عقد وسوار]

رد : وبعدين ويا الخدم ؟

الله يعينك ويصبرك

الخدم شر لابد منه

 

[بدر روحي]

رد : وبعدين ويا الخدم ؟

ضرووووووري نشوف حل صراحه مكاتب الخدم تجاوزوا حدودهم ولازم بنات نشوف طريقه نحفظ حقوقنا وبنفس الوقت نشوف حل حق دلع الخدم وهذا يدل علي وجود خلل بنظام المكاتب وكله بسبه ان المكتب يقدر يحولها لمكان ثاني لكن لو تتأكد انها راح تتسفر اذا ما اشتغلت عدل بالبيت صدقوني راح تتحسن وحنا بعد مع حقوق الخدم ولا نرضي بمضرتهم ولوثبت ان ما اخذت رواتبها او تضررت من العايله بأي شكل من الاشكال لها حق لكن وحده اتدلع وفسقانه وتشرط وتدري وراها مكتب مشيخها ويستفيد من وراها فلوس والله حرام

 

[مشتاقه لك يبا]

رد : وبعدين ويا الخدم ؟

اي والله صاجه

 

[حجيه هيونه]

رد : وبعدين ويا الخدم ؟

والله هالخدم نجيبهم عون يقلبون فرعون

المشكله الحين محد يقدر يكلمهم كل من شايخ من صوب

 

[عــاشــقــه]

إهم قبل لآ إيون متفقين مع آلمكتب على آسآس إنهم يآين يشتغلون بس آهم بآلصج 3 آو 4 شهور تيمع جم بيزهـ

وبعدين تنحآش آو تقولج مآ آبي آشتغل وتآخذ رآحتهآ لآ شغل ولآهم يحزنون وتلآقينهآ من بيت لبيت

وخل تشكي عليج آخر شي رآح تطلعين إنتي آلغلطآنه وتسفرينهآ وتسسوين كل شي على حسآبج

 

[الصعيريه]

رد : وبعدين ويا الخدم ؟

إي والله صاااجه

صاروا حييل غالين قبل ب250
اختي جابت خدامه ب750 دينار

وفوق هذا نفسها شينه ومآلها خلق للعيال وردت المكتب

 

[بيبي بدر]

هذولي شر لابد منه الله يعينا عليهم شنو نسوي بعد
طلعت لهم حقوق بس هم انتي لج حق 6شهور تجربه على كفالة المكتب اذا مااعجبتج رجعيها واخذي افلوسج كامله

 

[bobo lover]

إهم قبل لآ إيون متفقين مع آلمكتب على آسآس إنهم يآين يشتغلون بس آهم بآلصج 3 آو 4 شهور تيمع جم بيزهـ

وبعدين تنحآش آو تقولج مآ آبي آشتغل وتآخذ رآحتهآ لآ شغل ولآهم يحزنون وتلآقينهآ من بيت لبيت

وخل تشكي عليج آخر شي رآح تطلعين إنتي آلغلطآنه وتسفرينهآ وتسسوين كل شي على حسآبج

صاجة والله

 

[Leann]

رد : وبعدين ويا الخدم ؟

الباب اللي يجيك منه الريح .. سده و استريح

حمدلله عايشين بدون خدامه من 5 سنين و البيت كبير و كل اللي ساكنينه يرتبون غرفهم بنفسهم
الف الحمدلله .. مفتكين من عوار القلب​

 

[أم حمودي**MALL**]

هذولي شر لابد منه الله يعينا عليهم شنو نسوي بعد
طلعت لهم حقوق بس هم انتي لج حق 6شهور تجربه على كفالة المكتب اذا مااعجبتج رجعيها واخذي افلوسج كامله

منو يقول؟!
مره يبت اثيوبيه ماكملت عندي شهرين وطنقرت ماتبي تشتغل ماردها المكتب
قالي بالحرف الواحد مارادها الا اذا مريضه او حاااااااامل
تكفون دشوا الرابط وشوفوا سالفتي مع خدامتي بنت ابليس
http://www.q8yat.net/showthread.php?t=696395

 

[لؤلؤية]

رد : وبعدين ويا الخدم ؟

انا توهقت ورحت لمكاتب الخدم ادور لي مسترجعة
ولو اني اخاااااااف من المسترجعات
و اخذتها اجربها ....سالتها ليش طلعتي من كفيلج الاولي...؟؟؟
قالتلي شوفي مدام ((( المكتب قالولي اقول انه بابا يبي يسافر علاج ومدام بتروح معاه ...بس انا مشكلتي غير )))
طلعت مشكلتها متهاوشة مع الخدامة الثانية
وودوهم المخفر و............قصة طويلة
شوفوا اشلووون نصب المكاتب...!!!!!!
حسبي الله على كل غشاااااااااااااااش

 

[بساطه]

كل للى ردوا على مشكورين حياتى ما قصرتوا
بس والله صج ترى مو خوش سالفه يعنى المواطن ماله حق احنا ما نتكلم عن الناس للى يظلمون الخدم لا احنا نتكلم عن الخدم للى يظلمون معزبينهم يعنى شذنبج اذا حظج يطيحج بالخايسين حشاكم وبعدين فعلا المكاتب اهى السبب كذا خدامه تىى عند امى تقول المكتب يقول ما عجبوج ردى طيب انزين واحنا وين حقنا لا وابشركم الكفالة صارت 3 شهور بس مو 6 نفس قبل وبعد اذا ما عجبها الحال تنحاش للسفارة وغصب سفريها يالله طيب وانا فلوسى منو يعوضنى عنها ؟ما يصير ورب الكعبه قهر وظلم انا بموت من القهر يا ناس احنا لازم نتحجى اوكى معاشها زادوه ميخالف يتعبون ويستاهلون بس تزيدون سعر الطلب و3 شهور وبعدين تقعد تتعنفق علينا وبعضهم ما تنباع ولا تقولج مابى اشتغل ردونى ديرتى ولا تنحاش وولا فلس تشوفين وان تحجيتى كلمة ردت عليج عشر كلمات ولا بعد تبى كلامها اهو للى يمشى واذا حاجيتيها تحقرج والمكاتب محد رضى ياخذها يعنى تبى تسافر قبل انتهاء المدة وعلى حساب معزبينها بعد والله ما شفت بحياتى جذيه احنا حدنا مدلعين الخدم يعنى هذا عقد عمل نبى الكفالة تصير سنتين كاملين عشان المكتب يتعلم الادب ولا يقعد يحرشهم علينا لا وبعد الحين اصحاب المكاتب الكويتين ماشالله عليهم صاروا يضمنون المكتب حق هنادوة اهم يامرون وينهون فيه وشايفين شعبنا ماكو شغل جنه عندنا مناجم ذهب وننجب من هالفلوس ما جنها تطلع من جبودنا والله اهم ماخذينها تجارة ولا فوق هذا كل وحدة نفسها براس خشمها ولا تبى ترد عليج لى متى هالمسخرة ليش ما يحترمون انفسهم لا وبعد كل من هب ودب ياى يشتغل عندنا خريجة سجون ولا طب نفسى ولا مادرى شنو اصلا مفروض ما تدخل الديرة خدامة الا يتاكدون من خلوها من العاهات والعلل النفسية والسوابق والجرايم احنا اوادم مو صخول يدخلون عندنا كل ما حبا ودبا على الارض يعنى ستوب قف هوب نبى قانون لحماية المواطن من التلاعب فى تجارة اموالنا بالباطل

 

[ميرة الكويت]

اه والله هالخدم مالهم فايده قسم يضرون اكثر ما ينفعون

وتعذبنا احنا مع الخدم ابسط شي اذا ما عجبها البيت انحاشت وين قاعدين راحت المكتب ولا والمكتب يقوي راسها علينا
بدال ما ينصحها يقويها علينا

ماهي حاله ونص شغل البيت علينا وتكون نفسيتها بخشمها

وغير طلباتها للي ما تخلص
اذا عندج خدامه حافظي عليها وسنعيها ان شاءالله تسنع
خدم منول مافي هالحين وكل خدامه تبي خدامه معاها

صراحه نبي نحفظ حقنا والله هم عايشين بعز

 

[روحي ابوي]

كلامج صحيح ،، الله يعينااا على هاللمكااتب

 

[الكتكوته]

ياريت اكو حل يخلينا نستغنى عنهم او على الاقل شركه توصل الخدامه العصر وتاخذها بالليل ا

 

[اسيره السحر]

هذي مشكله كل دول الخليج مو بس احنا الظاهر هذا اتفاق في دول الخدم والسالفه اكبر من تحريض مكتب لانها انتشرت بكثره

 

[سحر ستايل]

انا مشكلتي مع الخامة غير انا اخدت اندونيسية من مكتب وطبعا مسترجعه وعملت لها الاقامة اخدتها ب 700 وتكلفت اقامتها بعد 240 يعني صارت 940 وبعدين صار تغيير بحياتنا بعد شهرين واضطرينا اننا ننتقل للعيش بالامارات وطبعا اخدتها معي زيارة وقبل ما ادق اقامتها سالتها تبي تقعد ولا ترجع الكويت سالتني عن الراتب طلع 800 درهم يعني حوالي 70 دينار وطبعا هي في الكويت بتاخد 50 وغصب عني وافقت والا بخسر اكتر من نصف فلوسي وقبل ما تخلص الشهرين الزيارةكنا دقينا اقامتها هنا تخيلوا السنه الواحدة بما يعادل 500 دينار
وتاني قالت رديني الكويت واكتشف ان الاخت عامله لوبي مع راعي المكتب ودقت علية قالها تعالي وانا اشغلك بالمكتب عندي وصارت الاخت تعمل مشاكل وتحرق بالملابس وبالاكل وقلبت البيت جحيم طبعا بعد ما حولت كل فلس ليها والله ان زوجي قطع تذكرة مخصوص وراح ورد بنفس اليوم وقام لغى اقامة الكويت ورد رمى الجواز وقال لها ما في اقامة بالكويت تبي تسافري يالله على ديرتك بكت وقعدت يومين بس وبعدين قالت انا بسافر علشان ارجع لجوزي اصلي كنت مطلقة ويبي يرد انا تاني
بزمتكم مش كارثة وقرف

 

[أهداب]

رد : وبعدين ويا الخدم ؟

والله انا قعدت خمس شهور ماعندي خدامه
وكرهت مكاتب الخدم من كثر مااجابلهم
بس الله يعيني مضطره ارجع ثاني مره للزعبله
وادور خدامه زينه بما ان الاجازه انتهت

 

[بساطه]

والله صج يا بنات الحين سمعت انهم بيزيدون اسعارهم بعد
خوش شغل