وبعدين وياج ؟

[ms mooka]

بنات رفيجتي زعوله
كل سالفه تقولها إذا ما وقفت معاها يعني حتى لو اهي غلطانه تزعل
اليوم دقت قالت لي شصار معاها كيت كيت وقالت شنو رايج؟
يعني رائ مهم بالنسبه لها جان اقولها انتي غلطانه جان تزعل !
هاو بعد هذا الصج بنات اجذب عليها مليت وانا كله اقول اي اي
واذا قلت رائ زعلت لول توهقت.
والحين اهيه زعلانه مابي اراضيها ادق عليها خو اماسويت شيء غلط
ولا انتو شرايكم؟

 

[شباصـه فرنسيــه]

ذكرتيني بصديقه لي الله يذكرها بالخير تزعل ع آي شئ يمكن لو آقول لها شعرك حلو تزعل
وبس تبي احد يرآضيهآ صرت اطنشهآ ولا اراضيهآ وصارت ترضى من حالها
فنصيحتي لك طنشي زعلهآ بس مو يعني م تسولفين معهآ لآ حآولي تسولفين معهآ وتنسين انهآ زعلانهه

 

[el.mlkaa]

هههههههههههههههه تدلع ولا شنو ؟؟؟

خليها برآحتها انشاالله موكل ششوي تراضينهـآ اهي حاطه ابالها انج كل شوي بتراضينها من جذي تسوي جذي

 

[pink Barbie]

قعدي معاها وفهميها
قوليلها مايصير تزعلين من كلمة الحق .. يعني تبيني اجاملج واجذب عليج؟
وين تلقين وحده بهالزمن تقولج الصراحه
قوليلها انا انتقدج المفروض بيننا تكون ميانه مو تزعلين ما بيننا زعل احنا خوات
وقوليلها انا قاعده اقولج الصراحه عشان ما تطلعين بصوره مو حلوه و من هالحجي ..

او يممكن انتي اسلوبج كان غلط معاها ؟؟
يعني مثلا اهيه من النوع اللي ما تحب انا ينتقدها وانتي عطيتيها كاش
اذا بتنتقدينها قوليلها يعني احس لو مسويه جذي او قايله جذي جان احسن ...>> امبييييه مو عارفه اشرح لووول

 

[Patcholli]

لوول هالنمونه ماره علي وايد
عاد اذا بكلشي تزعل وطلبت راي اقولها تبين الراي الصجي ولاتبين المجامله عشان لاتزعلين لانج زعوليه

 

[المرتاحة]

ترا محد يحب ينقال له انت غلطان و يمكن أهي بعد من النوع الحساس وايد ما تحب احد يقطها بالويه يعني لو تفهمينها غلطها بس بأسلوب ثاني يمكن تتقبل منجيعني مثلا تقولين لها فلانه انتي المفروض ما تسوين الشغله الفلانيه لانها كذا و كذا و كذا وتفهمينها انها غلطانه بطريقة اخف وقعا عليها


وبس الحين انتي فهميها الموضوع واذا ما رضت بعد شتسوين لها براحتها قولي لها يالزعوله علشان تكمل زعلها هههههههه واذا رضت شي طيب ،حرام تقطعين علاقتج فيها اذا صج أهي خوش رفيجه

 

[ms mooka]

مشكورييين حبايبي والله راح اسمع كلامكم :* بقولها مثل ماكتبتوا


ومشكورين مره ثانيه عالمشاركه