وبعدين مع مكاتب الخدم

[دنيا الوله]

يابنات اشرايكم بال يصير في مكاتب الخدم الاسعار قاعده ترتفع اسبوعيا مادري علي شنو والشي ال يحر الخدامات يلوعون الجبد لاسنع لا نظافه لا شرف استغفرالله تخيلوا اليوم حصلت مسترجعه جم تتوقعون تدرون انها 700 دينار صج شي يحر حسبي الله ونعم الوكيل

 

[T5TOo5a]

الله يعينج والله

والله مكاتب الخدم لازم ينحط لهم حدود صراحه وقوانييين
شنو يعني خدامه ب 700 ليش شنو يايبه لا وياريت تقعد عندج ماتشوفينها الا شهر ومنحاشه
وييين ايام اول ان كثرت الخدامه ب 300 هذي الفلبينيه بعد الي يعني اسكت اغلى شي

هذا الي مقوي شوكتهم والله

 

[إطلالة الربيع]

اي و الله ما أدري ليش كل هذا
700 على شنو
يا ريتهم أمينات و نظيفات
أغلبهم اما قذرة أو يسرقون
و لا تحجج أنها مريضة
و للحين أذكر الفلبينية الي جبناها كانت أول مرة تشتغل خدامة
و ترفض انها تشتغل بحجة أنها مريضة
ما مرت علينا خدامة سنعة من قبل
و الحين صرنا نجيب نص دوام
و المشكلة انها بعد تسرق
يعني ما أدري ليش أسعار مكتب الخدم غالية لهالحد

 

[طرطعانه]

اي والله

السنه الجايه يمكن توصل الفلبينيه 1000 بعد

>>>>

ماكو رقابه عليهم كلش

 

[منارة الإيمان]

للأسف مافى رقابة ولا متابعة
ولاعبين بالزباين لعب .. فعلا الأسعار اليوم غير عن باجر
ولا حسيب ولا رقيب والضحية أحنا .. فلوسنا كله رايحة على المكاتب
ولا موضوع الكفلات ما الكفلات وبالأخير الخادمة تنحاش وتقعد فى السفارة
وتسفرينها قصبن عليج وفلوسج راحت عليج .. والله فى ظلم فى الموضوع لنا
ولكن لا حول ولاقوة ألا بالله العلي العظيم .. وحسبنا الله ونعم الوكيل ..

 

[نبض88]

احمدوا ربكم حنا بسعوديه عندنا زياده عير زياده الاستقدام

زياده رواتبهم تخيلوا الاندونسيه ب800 واول كانت ب600

والسيلانيه اول ب400 ريال والحين ب650ريال

 

[دنيا الوله]

اشرايكم ابسالفتي من شهر عشره لحد الحين والله ال انحاشولي 6 طبعا ينحاشون بالجوز وحد ه لي ووحده لامي الفقيره ماكو قرض ماكو قطيه الحين قعدنا علي الحديده والله لانطق ولا نخصم معاشات حسبي الله عليهم وياليت ينحاشون للسفاره لا لحد الحين لاحس ولاخبر رحنا للمكاتب قالوا مالنا شغل رحنا لدعم العماله نشتكي ولا سوا لنا ولاشي ابذمتكم اشرايكم

 

[Gatwa]

اي والله الله ياخذهم ومشكله جان زين شريفيين طلعهم خالد عبدالجليل يقوول يطلعونهم من السجون ويسفرونهم حق دول الخليج يشتغلوون
يعني شتترجين منهم
الله يعين بس

 

[دنيا الوله]

up up up

 

[النوري]

واي صج عوار قلب لما تنحاش الخدامه .. إحنا عمرنا ما إنحاشت خدامه فبيتها .. <<< بتحركم خخخخخخخخخخخخ

يعني لا حسيتي إنها مو مرتاحه .. شيليها هي وقشها وقلعيها للمكتب لا تنطرين عليها .. تورطج

 

[om al ghaleen]

صاجه والله توني اخذت خدامه بـ 390 والمشكله انها يديده ومعاشها 50 !!
بس احسن من 700 @@
والله من غير مبالغه ماتفهم شي وانا بطبعي اصبر ع الخدامه وصارلها عندي 3 اسابيع
كل يوم اعلمها نفس الشغله ومع هذا عمك اصمخ

الخدم ياتصيب ياتخيب
تمنيتها فلته بس هالمره مافيه نصيب بس دام مالها حس فبصبر عليها

 

[SanYorTa]

وااي الخدم بلوه ولا رافعين أسعارهم وهم شايخين علينا يايبتها وتنطرينها على ماتي ودافعه فيها مادري جم مالت عليها
آخر شي لما تي تقول مو عاجبني ودوني المكتب ولا قبت ونحاشت واحنا نفلس من الاثنين واهي حضرتها مادري ليش تي استراحه واستجمام
ولا يقلون لنا حقوق الانسان عاد مادري شنو مسوين لهم احنا اهم الربحانين في كلا الحالات
الله يعين

 

[الام المحبه]

يا ريت لو الحكومة تسوي شئ حق هالخدم وحق هالمكاتب الي انهبت معاشاتنا ( وصحتنا وراييلنا ووقتنا )
حسبي الله ونعم الوكيل
يا ريت لو الحكومة توقفهم عند حدها وتحد من الارتفاع الغير طبيعي للاسعار وتكون جادة وحاااااااااازمة بالموضوع وتفرض عقوبات على المكاتب المخالفة والي يكون عليها شكاوي والي ما تلزم بالمدد لاحضار الخدم ( انا اعتقد ان في استغلال بالاتفاق بين المكاتب بالكويت والمكاتب الخارجية والخدم عشان ينهبونا )
وااااااااااااااااااااااااو سوو شئ

 

[bnota.class]

والله عمرنا مايبنا الا من هالمره من الثمانينات وهي تييب بس بدون مكتب ولاعمرها انحاشت او صار فيها شي ايننون خدمها عقال بس من الهند تييب يمكن تعرف احد هناك او شي مادري وماتاخذ هالمبالغ الخياليه والمعاش ماذكر 40 او 45 بس اللي تبي رقمها تقولي عالخاص او اذا عادي احطه هني مادري والله والله يعينكم