وبعدين مع لوليتا حفيدة سلفستر

[الوفى عنواني]

بنات تذكرون سلفستر القطو الاسود اللي مع تويتي ياااكثر هالرسووم تبط جبدي واقول كش وجه العمريكان كله يطلعون القطاوة تسعبل وفيها العذاريب والفيران ولاالعصافير احسن الناس قصدي الحيوانات>>>وايد متأثرة
الموووهم بناااات انا لاحظت على سلفستر السعابيل مالته اللي بكل حدب وصوب يرميها وماعمري تصورت اني بتجيني قطوة من برا هالله هالله ومن داخل يعلم الله ...دلع وزين وام النظااافة على قولة اخوي بس ساعة الجد تنقلب وتصير نافورة سعاااابيل اقرفتني بعيشتي ولا السعبووولة ماتطلع الا ليمن تكون القطوووة تدلع وتبيني امسحها ولا ابشركم لامسحتها اكثر زاااد الدفع الرباعي من النافووورة وعطني نهر ........امس بس عطني كووب سعبووولة على لابتوبي كرهتها وصرخت عليها شاسوي ياربي معها القطووة من برا اغراء ماقدر اقاوم لازم ادلعها وامسح عليها بس لاقربت منها تعوفني هالشيء بلييييز لو فيه علاج ولا دوا يوقف تدفق الغدد السعبولية ويفكني من بنت سلفستر
وهذي صورته علشان تعيشون جو سعبولي معاي بس هاا لايغركم الشكل

 

[miss.42]

هههههههههههههههه

انشالله البنات يساعدوونج

 

[((البرنسيسا))]

رد : وبعدين مع لوليتا حفيدة سلفستر

وديها بيطري أحسن يمكن عندها خلل يسبب المشكلة لها

 

[ديمة الحلوة]

لـــــووووووووووووووووووول
إن شاء الله البنـــات يفيدونـــج

 

[lolwah]

اول مره اسمع بهالمشكله ! و حطي صورتها مع سعبولتها ودي اشووفها

 

[كويتيه ~]

رد : وبعدين مع لوليتا حفيدة سلفستر

هههههههههههههه

اول مره بصراحه
قطوتي ولا مره سعبلت

اكيد الي عندج فيها شي

 

[[[ عيون جابر ]]]

اي اكيد فيها شي وديها حق بيطري

 

[a7la-86wa]

اي حبوبه عادي

يمكن انتي تحطين عطر عنده لان اذا العطر فيه كحول ولمس لسانه يقعد يرغي

او روله او حتى مطهر

او يمكن وانتي تتعطرين صار بايدج العطر والقطو لحس ايدج

انتي لا تحطين عطر او كريمات او اي شي فيه كحول عنده>>>هذا الحل

انا صارت معاي بس مع دوا للقطو فكنت غصب ارش عليه وكنت اضطر اني احبسه بالحمام لين يخلص من السعابيل واطلعه