واي كثر ما أحب التدريس كثر ما كرهته ... تجربتي تركت فيني أثر

[c a t w o m a n]

اختي كريستال الله يكون بعونج


حاشني شي من هذا القبيل


ممكن أسألج أي منطقة تعليمية تتبعين

 

[مهـآآآآوي]

انتي ليش جذي.... انتي كفائه حرام عليج تحرمين البنات منج وتخلينهم في ايادي الي ما تخاف الله...... سوري على الاسلوب الحاد بس جد الان عارفه شنو تكون ابله مميزة تروح منج ((( حاسه انج مدرسه رياضياات لووووووووووووووووول​

 

[c a t w o m a n]

تسلمين حبيبتي


كان شي أكبر مني علي قولتهم ما أدري منو طقاقي


مريت المدرسه قبل فترة البنات وحدة تنادي الثانية مو مصدقين عبالهم رديتلهم


عوروا قلبي حسسوني إنهم بمعتقل


وبالنسبة حق تخمينج


غير صحيح أنا أكره الرياضيات لول

 

[ريمي 2011]

اهم شي الاستخاره وانا انتي حاسه انك قادره على التدريس وشغله. اتوكلي على الله وارجعي اهم شي الاستخاره والله يوفقك *

 

[c a t w o m a n]

تسلمين حبيبتي ويوفق الجميع انشالله

 

[CrystalQ8]

هلا كات انا منطقة الاحمدي

 

[CrystalQ8]

انت تخصصج انجليزي كات صح

 

[c a t w o m a n]

Yep

انجليزي صح

 

[أم الصبيان الثلاثة]

حبيبتي كات وومن الله يوفقج انشالله مادري ليش حاسه انه انتي اللي رادج للتدريس البنات
توكلي على الله انه نفسج البنات اللي اندرسهم همه سبحان الله الصدقة الجارية مالتج لج ولبيتج

شوفي حبيبتي كل وظيفه بالعالم لها مشاكل وهموم بس صدقيني ممكن اتقولين احنه :
تعب صح
ادارة مؤذية عدل كلامج
ضغط العمل محد يلومج
لكن لكل مشكلة حل اغير المدرسة اجرب في وايد مدارس لو خليت خربت ولو اني اشوف اغلب المديرات عسرات لكن الحين مو نفسنه اول نشتغل ونسكت وكله بدون كادر والمعاش اقل بواايد من الحين
الحين مشالله الناس عندها وعي بحقوقها وواجباتها
اادي عملي عدل وبشكل صحيح عشان محد يتجرا ينقدني
اعرف شنو اللي علي اسويه والزايد اذا ابي اسوي اذا لا محد يجبرج
والله التدريس نعمه بس مشكلتنه احنه اذا انضغطنه نستحمممل لين بنفجر وتالي انحرب الدنيا
لااا لازم افكر بحل حق نفسي بالاول وتالي اشوف محاسن التدريس
انه احلا شي غندي الطالبات وايد احب بناتي واحس تعاملي معاها هذه بروحه رزق من الله لمن اتعامل معاها بالحسنى واشيل همها وادرسها واعلمها ...
تخيلي باجي الدوامات مع احترامي للكل لكن ان كنتي تشتغلين علا مكتب اجرج اقصد الثواب اللي تاخذينه علا قد عملج المحصور ورا المكتب
اما التدريس .. تعليم ... تهذيب الطالبات بانهم يتاثرون فيج .... حل مشاكلهم الدراسية ...حل مشاكلهم مع باجي البنات يدش هني التربية بعد ..طبعا غير الدروس الاضافيه غير اوراق العمل اللي اتسوينها كلها لها اجر لج
والله توكلي عالله وردي التدريس فايدتج عند بناتنه والله بيرد لج هالخير انه راح يرجع لعيالج هالخير
طبعا غير انه المدرسة مكانج مثل البيت تاخذين راحتج بالتعامل مع باجي المعلمات ( ضحك غشمره تواجيب قهوه وترى فيه ترفيهه عندنه بالمدرسة في شغل لكن هم في روح حلوه )
ماحصلتي هالشي بالمدرسة اللي انتي فيها انتقلي والله بيوفقج لاتخافين

اسفه طولت عليج بس التدريس من النعم اللي الله رزقنه اياها بس لازم نحمد الله عليها وموفقه

 

[c a t w o m a n]

مشكورة حبيبتي ما قصرتي

صاجة مشتاقة حق بناتي بس من أتذكر حالتي والتشرد ايللي كنت فيه أهون

أنا فعلا استعجلت بالاستقالة بس مو ندمانة عليها كوني أقدر أرد للتربية أي وقت

و كلامج صحيح التدريس مو كلمة أحفظها الطالب و أمشي التدريس علاقة عميقة بين الطلبة و المعلم

و صاحب الضمير يتعب أكثر

والله يكتب ايللي فيه الخير انشالله

 

[dana1212]

الله يوفقج
وتتوظفين باحسن مدرسه
ماشاء الله عليج شكلج كفاءة حرام تخسرج مهنه التعليم
مالج الا الدعاء والتوافيق من الله
ابحثي عن مدارس اداراتهم زينه وحاولي تقدمين عليها

 

[c a t w o m a n]

تسلمين حبيبتي ويوفقج و يوفق الجميع انشالله

مشكورة