وايد احبه .. لكن اذا الريال ما يصرف عالبيت نظرتج له تتغير!!

[Stillness]

ماعرف اعبر !!!
المهم انا وريلي مو متفاهمين يبيني اصرف على البيت يقول مافيها شي وانا زهقت حياتي صارلي فوق السنه على بو ظروف ظروف انا اللي اصرف هالشهر ماصرفت عليه خير شر عطيته بو لباس قلت معاشي بتهنا في وتهاوشنا ولاول مره نتهاوش يقول انتي كله تقطين نغزات وتجرحين على اساس انا مو منجرحه وانت قاط مصروف البيت على افاي والضحكه شقاقيه وعادي عندك المهم ابي نصايحكم....

 

[مذهلة2013]

تفاهمي وياه لانه اهو ملزوم يدفع لج مصروف لانه اهو الريال مو انتي

ربي يسهل امرج

 

[Reem]

مااتوصل لدرجة الكره او الحقد .. اذا اخذتيها بسياسه ووتفهمتي وضعه يمكن تعذرينه

بس مو معناته اتحملين كل المسؤليه لا ولاتعودينه ع هالشي

بس تفاهمي معاه بسلوب ولاتخلين الفلوس تفرق بينكم وبالنهايه هو الملزوم يدفع حتا لو عندج ملايين

 

[Stillness]

اذا اهوا الملزوم ليش يعصب علي وانا صج مو ملزومه اصرف على البيت يعني اقصد بطريقه رسميه وشهريا طبعا مو ملزومه بس اذا بخاطري شي مني مناك اي عادي اشتري هم مو كل شي علي ولا كل شي عليه بس مااااصارت والله

 

[Miss305]

شيلي ايدج عن البيت وخلي البيت يصفر من كل شيء هم انتي خلال هالشهر او الشهرين حاولي ماتبين له او ماتشترين جدامه شيء يعني صيري بخيله حتى على نفسج لحد مايدفع

والحل الثاني خليه يحدد مبلغ للبيت وباجي معاشه بكيفه

 

[نـعـومـه]

ريال ملزوم يدفع


اجار

ماجله

خدامه

يصرف على عياله

أساسيات اما الكماليات موملزوم

 

[نبض السعاده]

الله تممم عليج يهدي ريلج

 

[latkt7as]

شوووفي انا من النوع احب المساعده بين الزوجين
بس بحدود وانه مايستغل هالشي فيج

يعني اذا مثلا مصرف البيت يكلف 100 خليها بالنص بينج وبينه

 

[Combat]

شلون هو مايشتغل؟
ولا عنده معاش ومقصر ؟

 

[Stillness]

متوظف ومعاش الحمد لله رااهي واجارنا رخيييييييص والله وايد لان معارف وانا وبنتنا والخدامه مو اكثر وعيزت اقوله مصرف البيت وباجي معاشك مالي شغل فيه .. عيزت والله ماحب ازعله لان اهوا ما يتعمد يعني اهوا ما يتصرف صح وبنفس الوقت مكبر راسه وما يسمع الكلام مادري شسوي معاه تعبني موراضي يستوعب هذي مسؤوووليته مادري مافي ريال جذي صج مااشفت احد يقول حق مرته صرفي عالبيت

 

[Stillness]

ليتك تحس ..انا بعد وايد احبها بس اهوا استغلااااااالي يعني يقطج بحر او يقطها براسج يعني بعطيج مثال مره طالعين على سيارت امي مرسيدس انا كنت ماخذتها المهم مرينا بنجرجي قام وبدل الزيت ب ٢٠ دينار عالعين وعالراس سياره عمته ومشكور ماقصر واحنا بالبنجرجي طق علي الجامه فلانه ناسي بوكي والمبلغ هالكثر اوك تفضل وعطاني شفطه لا رد المبلغ ولا شي مو هني الغمنده الغمده ليش تتشيحط على حسابي وانت مو مظطر تبدل الزيت حتى قلتله اشكره عن ضحك بعدها بفتره قام يضحك وعادي جدا مثال ثاني مره كنا مأجرين مزرعه انا مأجرتها ومطلعه حمولتي فعطيته فلوس الاجار على ااساس يوديهم حق راعي المزرعه شوفي اهوا بعمره ماعطاني مصروف شوفي الحركه اللي سواها باجي الفلوس كانت ٩٠ واهله مايدرون منو ماجرها عبالهم ولدهم المهم ياني جدام امه وحماتي قالي عندج مصروف قلت لا جان يطلع التسعين ويقولي هاج هذا مصروفج واهيا فلووووووووسي من ٣٠٠ لي ٩٠ يعني صج صج حركه بايخه واهله عبالهم كلش الللحين يارض هدي ماعليكي ادي ويبيني افتح له سياره يقول اخذي قرض بهذلة اهله المهم هالسوالف كلها صارت قبل لا اتخذ هالقرار واقوله مالك شغل بمعاشي لان صج مليت والله بنتي تكسر خاطري كثر ما وضعا مبهذل يا امي تشتريلها هدوم ياااقعد متبهذله معاه لي اخر الشهر وامشي واتسلف عشان اقزرها واهوا الحبيب من اول اسبوع مفلس وماد البوز لاحول ولا قوة الا بالله

 

[Combat]

اذا كان مثل ماتقولين لا تصادمينة حاولي تاخذين منه بدون لا يحس ان انتي حاطه على معاشة

رفيجتي زوجها نافض ايده من الصرف نهائياً حتى لو طلعوا مطعم يخليها تدفع
عند الكاشير يسوي روحة يكلم بالفون يعني قاصد
تدرين شسوت
قدمت استقالتها وقعدت بالبيت وانجبر يصرف علىالبيت ويعطيها مصروف
بس بعد مانحلت مشكلتها لانه يعطيها بالقطارة

من جذي اقولج لايحس رجلج ان انتي تبينه يصرف عشان لاتكبر السالفة بعينه

 

[Reem]

شوفي حبيبتي شكل زوجج بخيل او يحب الفلس زياده

بنتج حرام اصرفي عليها لين تنحل المشكله ومصروف البيت ومصاريفه هو والكرم الزااايد منج ماله داعي كلش كلش

وانتبهي تشترين سياره له لاتصيرين مدمغه امسكيه وتكلمي معاه بعقل ولاتعصبين وخليج بارده


قولي مصرف البيت ومصاريف ثاننيه مالي شغل فيها قولي انت الرجال ودبرهااا وبعدين شكوووو تأجرين مزرعه وختا بالاجار يجذب اشكره

مو لازم يطلعون حمولتج ع حسابج وولدهم مايكلف نفسه يدفع فلس واحد


انا ماحب احرض احد او اشيشج عليه بس تفاهمي معاه وقولي له مالك حق تعصب هذا دورك بالحياه وانا مالي شغل بشي

وانتي صج سسسسسحبي يدج شهر شهرين ثلاثه صدقيني بيشوفج متمسكه برايج يضطر يصرف .. والخطا خطاج انتي عودتيه


والله ييسر اموركم

 

[امـ خــزامـى]

ييستهبل



زوجك يسمونه شين وقوي عيينر



اسمحيلي عصبت

انت لاااقيك لاعب عليييك


ههههه < ضحكه شريره. بس تخيلت نفسي بموقفك بالمزرعه خخخخخ
والله لا اشرشحه شرشحه بضحك مثل اسلوووبه
لا اخليه يكره حياته ينتحر يمسك خطر مايرده الا حدود سوريا ويدخل يفجر بنفسه



قال مصروووفك قال



ودددي اعبر عن بداااخلي بس اخااااااف ازعلك وانت بصراحه مبين عليك حبيبه وطيبه ماتستاهلين

 

[Stillness]

اي وايد طيبه ومااعرف اتصرف ومحتاره ومتوهقه معاه وماااااحب اقسي عليه واذا صرت حنونه جاب العيد ورفع خشمه ينرررررررفز

 

[مذهلة2013]

لالالالا شنووو هذااااا
يعطيج من فلوسج!! تفاهمي وياه ولاياخذج الحنان والطيبه
ليه متى تصرفين ؟؟ انا اصرف واقط فلوس للجمعيه مثلا اذا اهو مو موجود بس اذا اهو وياي اصلا يستحي يقولي جذي عيييب
حاولي خلااااااص المفروض الريال يحس ليه متى ؟؟؟؟؟؟؟

 

[Stillness]

وايد متضايقه ...

 

[Reem]

عندج ببي ضيفيني &#55357;&#56833; اذا اوك ادز لج خاص

 

[Bio_reem]

انا ليلحين مو فاهمه ليش المصرف عليج، وين يودي فلوسه؟؟
صرفي بالحدود اللي تكفيج انتي وبنتج ولا تجيلين البيت خل اهو اييب التموين وبس اكثر من جذي لاتحطين
واذا صج ظروف ومقتنعه فيها خلوها نص بالنص، وبطلي كرم حاتمي معاه ومع اهله لا شرعا ولا قانونا ولا عرفا انتي ملزومه بالمصرف

 

[latkt7as]

شوفي انا ماحرضج عليه
بس معاشه وين يروح يصرفه علئ شنو ومنو

احسن حل قبل معاشج بفتره
قولي داشه جمعيه
و فلانه والده وبهديها
و رفيجتي تبي سلف

تصدق مايبقئ شي من معاشي مادري شسوي

وبعدها قولي بسوي استقطاع ناويه اسويلي مشروع بعدين
ويبي له راس مال كبير

يعني حاولي انج تطلعين نفسج من هالسالفه بدون زعل ومشاكل

وبسياسه