وانتههت أححلىئ حَككايه:$! فقط للخريجات تجمعنا 

[Miss Baskin]

مررت الآيام بسرعه
مو جنه امس بالصيف سوينا تجمع للي رايحين 12
بدينا اول السنه تعبنا اصدمنا بقرارات ضغط دراسه خوف من هالمرحله
وصلنا نصهاا
امتحنا نص السنه كانت صج صعبه مع القرار الزفت
كنا متوترين وع اعصابنا لانا نسبةة النجاح كانت شويةة
الحمدلله عديناها بدينا اخر كورس بحياتنا
الحمدلله غيروا الوزير ردت الدرجات ارتحنا
بنفس الوقت كان في ضغوطات مرت الفتره الثالثه
وجت اخر فتره بحياتنا كلها
امتحنا وكنا خايفين ومتوترين الحمدلله الامتحانات كانت حلوه
وان شالله ربي يوفقنا
بس اخر يوم لي 21-6 كان يوم البجي
بجيت حيل لان اخر مره بلبس المريول اخر مره بركب الباص اخر مره بقعد بصف واخر مره بقعد مع ابلاتي
واخر مره ابله توضح لي سؤال
اخر مره واخر مره
بس هذي الدنيآ صج عاز علي افارق ابلاتي خاصه اذا كانوا قراب مني حيل
بس
*مآتفرقنآ مدآرس آو تغيرنآ دروب
دآم گل انسآن فينآ يحمل بقلبه وفآ
حتى لو جآر الزمآن وشملنآ صآير غروب
حتى لو عشنآ سنين الود ؛ ب/ آحزان وجفآ
وحتى لو ع ـن بعض نبعد في شمآل وجنوب
يبقى نور المحبةة فينآ طيف عآيش مآختفى
وتبقى نبضآت المحبةة 
شمعةة مآترضآ تذوب
نآرهآ
حب وسعآدة /
تشتعل شوق ودفا

ان شالله ربي يوفقنآ ونفرح بيوم النتايج
ابي هالموضوع يكون لنا كل يوم نقعد نسولف نفضفض
اللي متوتره نرفع من معنوياتهاا
نكون مع بعض خطوه بخطوه لي يوم النتايج
كلهاا 5 ايام وتطلع
تدرون اللي يضحك ان النتايج بنفس يوم حفلةة تخرجنا ونفس الوقت بعد
يالله المايك لكم وابي تفاعل
قولي مواقفكم عبروا فضفضوا
لذه شقاوه ابيهاا
لان قبل الفاينل كانت خايفه وقلتلهاا الايام بتمرر وبتجين تسالين متى النتايج

 

[gala q8]

وآآآآآآآآآآآآآآآآآآآآآآآآآيْ , يبتيها على الجرح ,,

آنآ آخر يوم امتحآني ( 24-6-2012 ) ,,

الآحد يعني لووول ,,

بسسس امبيه لمنا شفنآ بنات علمي لوول , وااي احس ماابي احس بهالآحسآس !! ,,

و رفيجآتي اللي بعلمي يوو قاموا يبجوون ,,

صج هذي الايااام اللي ما نقدر ننسآهآ ,,

قمت آصور كل زاويه بالمدرسه ,,

و قمت آشووف صورنا بالرحلآت قبل , و صورنا بآيآم العيد الوطني , و بكل لحظه كنت ويا رفيجآتي ..

آدعوآ لنآ إن نتخرج بنسبه ترفعالرآس و نلقى آسآمينا بآلجرآيد ,, :$

 

[Miss Baskin]

ان شالله يارب
انا مدرستي البنات مابجوا
يمكن بس ثنتين ثلاث وانا اولهم
لان احنا بنشوف بعض بحفلةة التخرج

 

[~ آسٓگنتگ عٓيونـيٓ ~]

.


آول شي حبيت آبــآرك لنــــــآ آحنا خريجججآت 2012 :eh_s(9)::eh_s(9):

ويآ عسسسى هالفرحةة تدوووم علينـــآآ قولو آمممين بطلعت النسسب:yaaaaaarb:

وآآآآآآآآآآآآآآآآآآآي شععووور ماينوووصف وربي
اول ماطلعت من اللجنة كنت ببجي صج كنت متضاايقةة من صعوبة آمتحان الاحياء بس الله كريم
بس فوق كل هذا كنت مستانسسسه بشووفة الفرح بعيون رفيجااتي


صج صج فصصصلنا اليوم على قولت رفيجتي طلعنا كبت 12 سنه ههههههههههههههههه
آممممممبييه فصلتنا كااانت خبااال بخباااال بس تهههبل والله لدرجة رحنا المدرسة 6 ونص قبل لايبطلون الباب ههههههههههه >خبووووول :krkrkr:


ماراح ننسسى هالسنةة بذاات والسنين مرت بسرررعة
جنه آمس كنا باولى رووضه

والاكثر من هذا شوفت دمووع اهالينا بفرحتنا

ويلا عسى ربي يوفقنا كلنا بنسبة الطيبه الحلوه
اهم شي تقولون الحممدالله وكل شي من الله حياه الله
معني خااايفه حيل من نسبتي لاني مزفته بالكورس الاول حييييييييييييييييييل
بس ربكم كريم والحمدالله على كل حاال



مرره ثانية بقولكككم آآآآآآآآآآآلف آلف آلف مبروووووك لنا دفعة 2012
آحنـــــــــــــــــــــآ سنة لاتتكرر الا بعد 80 سنة !!!



وآن شـآءالله حفلتنا التخرج يوم الثلاثاء 26-6




معــآكم خريجة 2012 علمي :eh_s(22):
وآللي حآبة تتواصل معاي >>

Follow me @3waashen
ask.fm/Waashiii94
​

 

[أ.انفال]

انا و الله ما حسيت بشي طلعت من الامتحان و على طول طلعت ماسلمت على احد و لا ودعت رفيجاتي و احس جذب انتهت المدرسه ... مدري ليه مو مصدقه و مصدومه و عااادي ...

 

[PO PO22]

اخر يوم شي شي هاليوووم والله صج ماكنت دارسه عدل بس كنت احس بفرحه موطبيعيه ودي اطيير من الفرحه 
الحمدلله يااارب وبانتظاااار النتايج 
بالتوفيق للكل 

 

[أحلى الحور]

والله انا ماحسيت ان المدرسة خلصة

او السنة الجاية ما اروح السوق اشتري جناط دفاتر واسطرهم

ولاني فرحانة لاني ميييته من الخوف النتايج يوم الاربعاء بعيييد حيل

ابي اعرف نسبتي اليوم والله قلبي صار فرقة ميامي

بنات جاني دعاء حلو اليوم ابي منكم بس كلمة امين


يا جدير بالدعاء وقدير بالإجابة
يا رب ..
يا جدير بالدعاء وقدير بالإجابة ..
أسألك فلا تردني خائبا ..
فلا خاب من أنت مولاه ..
أسعد قلبي ..
وأعطني ما اتمنى ..
وأقر عيني بما احب وترضى ..
ولا تسلبني نعمة قط ..
وعطر صدري بالإيمان والقرآن ..
وارزقني الخلود في الجنان ..

اللهم امييين

 

[لذة شقاوه]

مس باسكن يااااااالبيييييييييييييه
لووووول اي والله الايام تمر بسرعه
صج تعبت حيل بس احس لا في بعد مو مستوعبه اني خصلت
واحلي يوم بحياااااتي 21-6 صج يوم ما ينسي
معني مادرست وايد احياء لاني احب هالماده ومتحمسه حيل بس يوم طلعت من الامتحان قعدت اضحك من الوناسه وبجيت ولميت رفيجاتي
وقلت ياليت يسوون لنا تحية العلم لووووووووووووووووووووووول
بس ما ودعت بنات صصفي لان حفلتنا التخرج يوم الثلاثاء ان شاءالله

تفكوووووووون بس ادعووووووولي انجح بدون دور ثاني لاني خبصت بالانجليزي والرياضيات حليت بس هم خايفه
ولبي رووووحكم
ويارب كلنا نتخرج بنسب حلوه وترفع الراااس

ودي يجي يوم الاربعاء واطلع ناجحه واشووووف دموع امي مستانسه لان صج حيل متحمسه امي وناطره هاليوم وودي ما يجي خاف انصدم بالنتيجه وامي تتضايق
بس ياااااااارب نااااااااااااااااااااااااااجحهه وبيوم النتايج ندخل نبارك لبعض
حتي ما نمت تعويض للامتحانات انام ساعتين ثلاث بس لاني حيل افكر بالنتيجه

 

[روح فـهـد]

الله يسهلها ان شالله علينا ويوفقنا بس يارب ماطلع دور ثاني انجليزي لاني حدي خبصت فيه

 

[MayOumii~]

آخر يوم كان علي احياء
وانا معروفة اعشق الاحياء ودايما أطلع منه والكشرة تارسة ويهي بس ذيك اليوم

طلعت وانا حسة بغلقة بصدري ماودي اودع رفيجآتي ولا البنات الي عشت معاهم احلى سنين عمري
الله كريم
احلى شي اهلى يقولون لي ماجنج امس طايحة من الدراي ( مال اليهال ) كنتطايحة من الدري لمن كنت صغيرة p;
الله كريم ان شاءالله نلتقي فيهم بالافراح

 

[nicegirl94]

واااي احس مشاعري مختلطة لانه افتكيت من هم الدراسة و بنفس الوقت مو مستوعبه انه خلاص كل وحده بتدرس بمكان

و ان شاءالله ربي يفرحنا بالنسبه السنعه و يحقق امنياتكم يارب

 

[Miss Baskin]

ي الچرآيد ضوي صفحآتچ بآسآمينآ
دمعي عيوننا وفرحي قلوبنآ 





هدوا ريلالاكس انا مادري للحين ماكو مشاعر
كله من الحفله اللي داشه عرض بيوم النتايج
احس مشغولين فيهاا

 

[بـآربيـآ]

احنا الادبي خلصنااا اليووم والحمدالله كان الامتحان سهلل بس ماحسيت بشي الا لما خلصت من الامتحان وقالتلي الملاحظه شيلي اسمج اللي ع الطاوله البيانات لما شلعتهاااا خنقتني العبررره حييييييل ورحت صوب الباب وشعور غريب وماسلمت ع الكل مدري احس مو مستوعبه ؤاللـُـہ يوفق الجميييع بالنسسب اللي ترفع الرااس:eh_s(2):

 

[بنتmbc1]

انا خلصت الأحد

بس طلعت من الامتحان حدي خايفه لاني خبصت فيه و تقفل مخي من استلمت الورقة نسيت كل شي درسته بالأحصاء :|

يا رب ما أخذ دور ثاني بالأحصاء و أنجح و افرح امي <3

دعواتكم لي و لك البنااات و عسى الله يفرحنا بالنسبة اللي ترفع الراس و ترضي أمهاتنا

بنصور المدرسة بنحتفظ بذكرياتنا طبعا بس خلصنا الأمتحان طلعوا الإدارة قعدوا يطردون فينا

بس الحمدلله عندي جم صورة اخذتهم من قبل

 

[ملآمح . . !]

^

بالعكس عآد الاحصآء طلع سهل و الأسئله مبآشره مآ فيهآ لف و دورآن ...
الله يوفقج و ينجحج و يفرح قلب أمج

 

[@عسايل@]

الحمدالله خلصنا الامتحانات
بالنسبه للاحصاء اسهل امتحان مر علي والله كريم انشاء الله
بسرااحه كان شعور مايووصف قعدنا لسااعه ١ الظهر وطلبنا مطعم
وفصلناا فصله الختامميه صج وناسه والله يتمم علينا ان شاء الله

 

[Miss Baskin]

يالله بقى ONE DAy
بنات هذا اكاونتي بتويتر @ MissBaskin
لان مو دايم ادش المنتدا
خل نسولف بتويترر احسن