واللي يعافيكم ردو علي ضروري :(

[Mramy]

السلام عليكم
شلونكم شخباركم
بنات عفيه نفسيتي صايره بالحضيض
انا دورتي متأخرة علي اسبوع حللت بالبيت طلع اني موحامل بس توني قبل شوي رحت حللت دم قالتي هذي ان مو مبين انج حامل او لا وتعالي عقب 4 ايام سوي تحليل هرموني ومو مصدقتني انها متأخره اسبوع عبالها اجذب عليها بنات عفيه قولولي منو صار معاها جذي وعقب طلعت حامل ولا لا عفيه نفسيتي تلفانه حدها *

 

[Mramy]

بنات شدعوه محد رد

 

[دانه2007]

عااادي حبيبتي انا نفسج انتي اسبووع انا شهرين وطول هالفترة اكون مو حامل ولا شي وكل اسبوع اسبوعين واحلل ماكو شي واخر كل مرة جذي واخر شي اطلع حامل بس يمكن التبويض يكون متاخر عشان جذي مايبين او ماتحملين الا علي اخر شي فما يبين شي والله يرزقج ان شاءالله بالذريه الصااالحة امييين فعادي لاتحاتين ولا شي

 

[miss_whitemocha]

حبيبتي يمكن تلقيحج متأخر عشان جذي مو مبين..
نطري و عقبها حللي هرمون و عسى ربي ينولج مرادج إنشالله..​

 

[H&M love]

عااادي حبيبتي
انا حماتي تحلل دم مايبين
و بالبيت هم ما يبين
اخر شي سوت هرموني و طلعت حامل بالاسبوع ١٢ و طول هالفترة حتى بالدم ماكان يبين

 

[Dark SouL]

حبيبتي احسن شي لا تحطين في بالج ولا تفكرين حمل او لا


الله يسويلج الخير والصالح .. والله ما يبي لج الا الخير :**

 

[فاقده ابوهاااا]

يمكن حملج صار متأخر فماراح يبين الحين نطرتي اسبوع نطري بعد اسبوع وروحي حللي

 

[Mramy]

يعني بنات ممكن اكون مو حامل ؟؟

 

[Mramy]

بنات بصراحه انا مابي احمل الحين بنتي للحين صغيره وللحيني مو مشتغله صج صج ماودي احمل عشان جذي نفسيتي وايد تعبانه

 

[janoona]

عادي حبيبتي ممكن يكون حمل متاخر عشان جذي مابين او احتمال تكونين موحامل وعندج لخبطه بالهرمونات

انا صار معاي جذي قعدت خمسين يومين وكل مره احلل ماكو شي وبعدين رحت الدكتوره وعطتني الحبوب الاي تنزل الدوه ونزلت

 

[دآنة آلرشآيده]

اختي شهرين حامل تحلل مايبين
وعرفت انها حامل واهيا بالشهر الثالث

الله يرزقج بالحمل وتبشرينآ ​

 

[اميره الالماس]

والله مدري يا قلبي

بس انتي اذا متعوده تتاخر عليك الدوره يمكن عادي راح تجيك

اما اذا كانت دورتك منتظمه يمكن يصير حمل

 

[Mramy]

انزين بنات تحملوني شوي بسألكم بعد سؤال لما تحللون يقولولكم ماكو حمل ولا مو مبين ؟؟

 

[Mramy]

مشكورين بنات ما قصرتو والله يعطيكم الف عافيه ... انا طلعت مو حامل بس عندي لخبطه بالهرمونات الظاهر والدكتوره قالتلي ثاني يوم الدوره سوي تحليل وعطتني ورقة التحليل الظاهر مالت الهرمونات منو مار عليها هالتحليل او حالتها كانت نفس حالتي ومره ثانيه اقولكم مشكوووورين وما قصرتو

 

[ام_ركون و دندون]

انشالله تكونين حامل