والله مدري شكتب عنوان تاهت عناويني مثل ما يقولون

[ي حليليِ]

السلام !


بنوتات انا عندي مشكلة بالصديقات مادري ليش
ودي تكون عندي صديقات حيل مادري شسوي والله


مرات بالكلية اكون حدي متصايقة وانا اساساً عندي رفيجات من زمان
قبل كنا مع بعض حييييييييييل مو شوي


بس الحين كل ما اقعد عندهم احس في حواجز بيننا


تخيلوا ينجحون يتزوجون مادري عنهم !!

اخر من يعلم انا ، يحز بخاطري حييل بس ماقول وانا مو من النوع اللي يعاتب حيل لاني ماحب اكون نكدية


بالبداية لما افترقنا كان السسبب اني انا سقطت بسنة واهما ارتفعوا فوق
فما قمت اشوفهم



حتى بالللستة بالواتسب ودي اسولف مع صديقة قديمة
اكون مشتاقة لها بس مادري شلون بينا حواجز كبييييرة




احس ما عندي صديقات وشي يعور القلب ان يكونون رفيجاتج حولج بس انتي بعيدة عنهم ولا انتي قادرة تتأقلمين معاه

انا تعبانة نفسيتي حيل احس اني منبوذة بالمجتمع


والله ي بنات اني املك كاريزما وطلة حييل حلوة ما امدح نفسي


اللي يشوفني وده يتعرف علي بس بعدين ما تتطور علاقتي معاه احس اني ماعرف شلون


ممم يمكن سولفت وايد وبدليات وايد بس جد ابي افرغ اللي فيني !!


انا اسولف مع بنات ورفيجاتي بالواتساب بس علاقة سطحية ممله جججججججججداً



ي ليت وحده تقدر تساعدني شوي


شلون اتقرب من صديقات كنت حيل معاهم قبل ،


لا تقولون مساير وطلعات لاني مو متعوده ! :bbbiu:



اللي ودها تتكلم هني ياليت تساعدني واللي تبي تكلمني دايركت اناا موجوده ع الكيك مالي حق اي كلام خاص تبين تقولينه لي وما تبيني اعرفج هذا حسابي a7la92


انتظررررررررررررررررركم

 

[M!SS.LOBY]

لا حول ولا قوة الا بالله

 

[M!SS.LOBY]

ممكن عندج مشكلة في اختيار الصديقة
شوفي وحدة مثل ظروفج مثل حالتج الاجتماعية ""انتبهي""

 

[بنــت الــكـويت]

عليكم السلاااام ياهلابج

ي حبيبتي لا انتي منبوذه ولا شي انا نوعا ما كنت مثلج ..

كان عندي قرووب بالكليه تقريبا 10 بس والله ولا جني وياهم لان اهما من النوع اللي يسولفون وغشمره وضحك وعادي عندهم لكن انا وايد استحي
ووايد اخاف اتأخر على المحاضره وكله اروح قبلهم فـ اخر سنه بالكليه صار بيني وبينهم حواجز لان ماصرت اقعد وياهم ولا يكلموني الا مصلحه
فـ تعرفت ع قروب كنت اخذ منهم محاضرات واهما ياخذون مني ف صاروا رفيجاتي ووايد يحبووني حمدلله ..

من هالحجي كله انتي تقدرين تتعرفين ع قروب او بنوتات يكونون من النوع المهتم حاولي تسألينهم عن المحاضرات مثلا دامج بالكليه ومع الايام راح تصيرون رفيجات ..

ومن ناحية رفيجاتج اللي قبل اهما لو يبوونج جان حاجوج دام عندهم رقمج .. وماكو رفيجات يخشون ع بعض ..
​

 

[ي حليليِ]

مشكورين بنات !
بس انا استغربت اليوم ، جاني ع الكيك مالي اكاونت بنت وتعرفنا ع بعض
وبعديداعترفت لي اخر شي انه ولد !!!!!


انا طبعاً صعقت ، قلت انا مادور صداقة ابي احد يحل مشكلتي
رفيجاتي وايد واهما حبوبين والله حيييل حبوبين بس مشكلتي انا ماني قادرة اتأقلم معاهم


اتشششرف بالتعرف عليكم بس سوري ماقبل صداقات بالنت > والموقف اللي اليوم صارلي خلاني انزاح من هالصداقة اطلاقاً

 

[ي حليليِ]

بنت الكويت انا نفس حالتج تقريباً ..

بس مابي اتعرف ع صديقات يدد ، احس اني كرهت اصديقات
مادري ليش
بس ببعض الاحيان احن لصدييقة تشاطرني همومي بالكلية
اقعد اسولف معاها بالبريكات


انا صديقاتي بالكلية وااااااااااايد ولله الحمد وكل مامشي القى بنت اسولف معها
بس مادري احس محد فاهمني ☹




اللي عندها نصايح شلون تخافظين ع صديقاتج وتتتقربون من بعض اكون ممتنة لها

 

[قلبي وينك]

انا حاسه باحساسج لاني اعاني من نفس المشكله وضايقه على الدنيا حتى احس انه يومي غلط وحياتي غير استغفر الله انا ما اعطي الصديقات اكثر من حجمهم بس يحز بخاطرج يوم تحاولين تتاقلمين مع مجموعه وتحسين بالجمود ولا مبالاه من الطرف الثاني

خلني اقولج انا بعد سالفتي انا توظفت وصار لي شهرين ولين الحين ما كونت لي صداقه والبنات وايد بالقسم بس احنا دوامنا شفتات وهم مجموعات ويعرفون بعض من سنين .
انا اصبح اول ما اوصل اسلم واصبح عليهم وحده وحده واحاول اكسر الحواجز بيني وبينهم بطريقه السلام بس ما احس انه في ردة فعل والله يا اختي حتى احاول اتقرب منهم افتح موضوع بس احس انه البنت منهم تجاوب على قد السؤال بس وبحكم اني يديده يمكن اسالهم عن الشغل لو احتجت شئ فاحسهم بس يحاولون يجاوبون لو فاضين بس كلام ؟؟؟؟؟؟؟؟ لا
والله تعبت نفسيا اتمنى اكون صدقات بالدوام وانا اصلا بطبعي استحتي وهاديه بس عندي قابليه اني اجاريهم بالكلام واخذ واعطي وياهم بس احس اني ما اقدر اكسر الحواجز الي بينا وبنفس الوقت ما احب افرض نفسي على شخص ما يبيني . والله اني مليت مليت من القعده بروحي

 

[ي حليليِ]

نفسي


انا رفيجاتي خبوبات الحمدلله بس مشكلتي اني مادري شلون افتح وياهم مواضيع
ماعرف شلون العلاقة ان ما تنهد
وان حبال المودة قوية مثل مايقولون !



ومالومج والله قلبي وينك !
بعدين انتي رايحة انمط حياة جديد ومع الايام راح تتعودين صدقيني

 

[ريمة القحطاني]

اسا سا الناس الان ماعد يعترفون بالصداقة وذا دقت مارح تدق علشان تسال تبيئ تسال عن حاجة

وبعدها تختفي يعني مصالح اذا عندك مصلحة يدقون ويقربون وذا خذوها راحو

عن تجربة في الحياة

 

[دلوعةمآمآ]

وعليكم السلام ورحمة الله وبركاته

مُشكلتك نفس مُشكلتي انا عانييت قبل من تغييير الصديقاات بس بعدها تأكدت ان صديقتي الحقيقه هي ماما الله يخليه ليَ

انا تخيلي كان لي 4 صديقاات معاااي من الأبتدائي وبالمتوسط نقلت للقصيم بس سنه ولما رجعت لهم بالثانوي متغيرات ! وحاطين لي بديله!

صحيح يحبوني و يسولفون معاي ويضحكون بس ماصار بيننا أسرار زي قبل ماصرت احسس فعلاً انهم صديقاتي اللي كانوا معاي بكل

مرحله مريت فيها بــ عمري ,,من الطفوله وسن المراهقه وسن الشباب

إلحين انا صرت عااادي جداً صح احبهم واخاف عليهم وادعي لهم بالغيب لكن ماصار فيني نفس الشعور اللي قبل ابكي عليهم واشتااق لهم

لأن اللي ينساني أنساه واللي بغنى عني انا بغنى عنه تماماً

صرت جداً رسمييه معاهم عقب ماكنا نقعد بالساعات نسولف الحين نسولف على الواتس 5 دقايق وكيف الحال وبس !!

عاملتهم بأسلوبهم لأن ما احب اقط عُمري على احد ,بس وقت الحاجه ماشاءالله يعرفوني بس طاااااااااااف

حبوبه نصييحه لا تبنين سعادتك على احد ,ما احد يقدر يسعدك إلا انتي تسعدين نفسك بنفسك ,ولا تعطين حد أكبر من حجمه

صديقتك هي امك واخواتك فقط

إلحيين ما أقو لك مافيه صديقه وفيه لأ فيه بس صعب تلاقين بـ هالزمن ..

اذا تبغي تتقربي من صديقاتك حااولي تلميين كل صديقاتك بقرووب واحد وقولي بنرجع ذكرياتنا وصداقاتنا قبل,, وشوي شوي مُمكن ترجع صداقتكم بس صارحيهم وواجهييهم انهم اتغيروا عليك ترى مافيه احلى من الصراحه

الله يرزقك بالصديقه الصالحه يارب ويسعدك ..

 

[Patcholli]

حبيبتي اولشي الصديقات مو بالعدد الصديقات بالمعدن والاصل
ارفيجه وحده وفيه ومخلصه تغنيج عن 10 ارفيجات
بالنسبه حق ارفيجاتج هذيلاك شوفي منو اقرب وحده على قلبج وتحسينها صج اتعزج وتحبج
وتواصلي معاها
مو لازم طلعه
قوليلهم ولهانه عليكم خل نتيمع حتى لو بالبيت
تواصلي معاهم كل يوم لو بتلفون او واتساب
سووي قروب خاص فيكم
وماله علاقه المرحله الدراسيه عشان تحسين انج منبوذه شيلي هالفكره من راسج
بالنسبه للسوالف كل واحد وشخصيته في ناس يحبون الظحك والنكت وفي ناس لا تلاقينهم هاديين وفي ناس مزاجيين مره جذي ومره جذي
اهم شي انتي تكونين متواجده معاهم بمناسباتهم بزواراتهم تتواصلين
يعني مو تغطين عنهم بالشهور وبعدين تنصدمين ان وحده تزوجت ولا انخطبت
صديقتج الي تكون حسبة اختج عالاقل تتواصلين معاها مره بالاسبوع اذا ماتشوفينها تدقين عليها
اذا عندج ارفيجه زينه نصيحه لاتفرطين فيها وحاولي تتقربين منها اكثر
وترى الهديه حيل تقرب القلوب وتقوي العلاقات
يعني عادي بدون مناسبه تطرشين حق ارفيجتج حلو او تدزينلها نقصه طبخه معينه او تشترينلها شغله صغيره او تذكار
وتحسسينها انها يت على بالج بلحظه معينه
بالنسبه لي احب اهدي ارفيجاتي حتى لو شي بسيط
مره عطر .. مره بجامه .. مره اسوي حلو وادزلهم .. ساعات اذا رحت معرض وعجبني شي بهارات او معابيج او شغلات جذي اذكرهم معاي والله حتى لو شي صغير ترى يعززج بقلبهم

 

[aLDFsha]

مشكورين بنات !
بس انا استغربت اليوم ، جاني ع الكيك مالي اكاونت بنت وتعرفنا ع بعض
وبعديداعترفت لي اخر شي انه ولد !!!!!


انا طبعاً صعقت ، قلت انا مادور صداقة ابي احد يحل مشكلتي
رفيجاتي وايد واهما حبوبين والله حيييل حبوبين بس مشكلتي انا ماني قادرة اتأقلم معاهم


اتشششرف بالتعرف عليكم بس سوري ماقبل صداقات بالنت > والموقف اللي اليوم صارلي خلاني انزاح من هالصداقة اطلاقاً

يَ كثررهمم
بنت وآخر ششي تكتشفين انه ولد

 

[بنــت الــكـويت]

حبيبتي اذا مشكلتج تحسين انه محد فاهمج حاولي تسوين قعده لكم كل وحده تتكلم عن نفسها شنو تحب ماتحب
ومن هني انتي عاد تتكلمين عن نفسج << انا عن نفسي سويتها وحسيت وحده منهم مثلي وفاهمتني
ومنها قامت تسولف وياي وصرنا كله ويا بعض ولي يومنا هذا وايددددد وايد احبها اكثر من اخت

او مثل ماقالت اختي Patcholli :eh_s(17):

جرربي وشووفي وان شاء الله ربي يرزقج بالصديقه اللي تكون لج اكثر من اخت :eh_s(17):
​

 

[ي حليليِ]

مشكورين بنات

الله يفرح قلوبكم كلكم والله يسعدكم بلا استثناء

والله يحقق لكم كل اللي تتمنونه !

صج مثل ما قلتوا ماكو صداقة هالايام ونادرة جداً

انا عن نفسي صار عندي جمود مع الصداقة كلها

بس لقيت بشخصيتي شي ينفر الناس مني جد

وهالشي انا حسيته بنفسي وقمت الاحظ البنات
من كل رده فعل اسويها ...

اولاً : اني ما اكلمهم الا اذا بغيت شي ، يعني اسولف معاها سوي بعدين اكلمها
بعضهم يتقبلون هالشيء و كأنهم يقولون خلصي شتبين ؟؟ لان م يحبون السوالف
والبغض الثاني يزعل حييل لما اكلمه بس لي بغيت شيء ...


وعرفت بعد ان الدفاشة بالكلام مو حلو وفي بنات م يحبون الضحك والقرقة



وفي بنات بعد كبروا وعقلوا مثل م يقولون / يعني اول م كنت ملاحظة ليش الفلة والوناسه بالثانوية ماشوفها بالجامعه ؟
ف كنت استغرب من هالناحية ...



اخيراً ي بنات اقتنعت تماماً ان الدنيا متغيره واني لازم اتعرف ع صديقات جدد كل يوم !
واني م اتعلق بصديقة .. > جد هالشي مهم عشان م نتأثر



وصديقاتج باللسته لازم تتواصلين معاهم بالتوبيكات اذا عندهم مناسبه + والبي سيات




والله يرزقنا كلنا بالصديقة الصالحة المخلصة ان شالله

الموظفة !
ي قلبي حاسة فيج تماماً شنسوي اذا ماحد تقبلنا محنا مجبورين ندخل قلوبهم غصب
اهما راح يجونج صدقيني
وانا مالومهم .. لان وحدة جديدة عليهم اكيد شوي بتكون العلاقة رسميه


خليج اجتماعية وذربة واتيكيت واجذبي الناس باخلاقج

مم جيبي لهم ع يوم صحن حلو
او فطور ، قهوة شاي اي شي ..


اسألييهم عن شغلة بالشغل واضحكي شوي سولفي والله تلقين نفسسج بسرعه تتأقلمين ،.الله يسعدكم كلكم والله احبكم

 

[ي حليليِ]

فديتج بنت الكويت مششكوره ع متابعتج

لموضوعي

الله يسعدج دنيا واخره

 

[طيشن على جديه]

حبيبتي العيب فيهم مو فيج وللحين الله ماعطاج وحده تقدر الصداقه
ناس تحبب تجدد الصديقات وناس تحب تحتفظ باصديقاتها من صغرها
ماتدرين يمكن الله يرزقج من هالمنتدى وحده تكون مثل اختج واكثر والله يرزقج ..​

 

[بنــت الــكـويت]

فديتج بنت الكويت مششكوره ع متابعتج

لموضوعي

الله يسعدج دنيا واخره

العفوو قلبي اللهم اميــــن ووياج والجميع :eh_s(17)::eh_s(17):

ومثل ماقلتي الدنيا متغيرره والكل يتغيرر .. الله يوفق الجميع :eh_s(17):
​

 

[في الجو غيم]

كلنا جذي تبتعد المسافة بين الرفيجات واغلب الاحيان تتعرفين وتكتشفين مافيه اندماج بينكم
ومرات الرفيجات تتغير ظروفهم ويتغيرون عليج هذي حال الدنيا

 

[عادت ذكرياتي]

هذي الدنيا سبحان الله

 

[Japanese]

بييييه انا جذي :/ احس من كثر ماصرت عمليه صرت ماتكلم مع احد الا اذا ابي ولا بسآل عن شي او اذا بحن وبتشكئ لوووول

غير جذي مادري شفيني صرت ماسولف ولا احب اسولف بعد الا ساعات يعني

لا ومب مع اي حد او ممكن اسولف بالبدايه بعدين خلاص يقل اهتمامي

ف عادي لاتحاتين ،، يتروالي كلنا نمر بفترات جذي