والله ماني حسوووووووود

[دلع الطفولة]

شورو عليا
وحدة من جماعتنا طلبت منها مرة تجيبلي رقم الحرمة الي تشتري من عندها الكحل عاجبني حيل
وكل ماطلبتها الرقم تغير الموضوع او تقول نسيتوة اوضيعتة
وكل شي اسالها عنة تكذب عليا تقول من المكان الفلاني وهو مو منة تقلي كلام يطلع كذب
بس انا خبلة اصدق المهم هي ذحين تطلب مني اني اديها رقم اوحدة تسوي سفوف وتحاميل لتنظيف الرحم وهي هلحين بالاربعين وانا مابغا اديها اياه لانهااااا ماعمرها فادتني بشي وكل ماسالتني عن شي اقولها الحقيقة وذحيين انا مابغا اديها الرقم كيف اتصرف معها
المشكلة اني اديت الرقم اخت زوجها واخاف انها تعطيها الرقم لان الي علمها عن السفوف اخت زوجها وقالت انو انا اديتها الرقم وهي ذحين تدور الرقم
والمشكلة الثانية انها قبل فترة سالتني جارتها >>>لما رحتلها وتقولي سمعتي عن السفوف يقولون زين وانا قلتلها اية وجربتة وهي جااااااااااااااالسة وانا بعدين فهمت انها مرسلتها فذحين مقدر انكر لو سالتني ايش الحل

 

[manoooram]

حبيبتي الغاليه بمنتهى الصراحة
كان المفروض يكون تصرفج افضل من جذي
خليج انتي احسن منها واعملي بأصلج وبأخلاقج مو بأخلاقها
عطيها رقم المرة وأحتسبيها اجر من عند الله يا قلبي

 

[لك الحمد ربي]

وانا بعد راي تديها الرقم ولاتحطين ببالك ذي الاشياء
طنشي وسوي خير وارمي بالبحر ,,, اجرك عند ربي

 

[PuPa^^SWeeT]

التمس لاخيط سبعين عذرا


مشيها هالمرة و عطييها

خصوصا انج تكلمتي جدام الكل


ان تراجعتي بينتي بشي مو من اصلج


فا الافضل انج تعطينها

 

[Patcholli]

يمكن تستحي تقولج من وين لان المكان يفشل ؟؟

 

[مزاج عنزيه]

،'



شـوفي حبيبـتي صيـري آحسسن منهآا
وعطيهآا آلرقم ، وبجذي آصلاً إهيآا راح
إتفشل بطيبج تگسسرين عينها وبينها وبين
نفسها راح تحسس بإنها گانت غلطانه معاج
وبآلآخيير صدقيني [ گلـن يعمـل بـ آصـله ] ....



-


​

 

[كسرنى الهم]

بعظهم مهما تسوين معاهم مابين بعينهم مادرى ليه
انه صارت معاى جذى بس انتى صيري احسن منها وعطيها الرقم
وايذا كررت نفس الحركه مره ثانيه خلاص تصرفي معاهااا بلى يريحج

 

[هميانـ]

سوي خير قطي بحر ..
وبعدين انتي فكري ايش اللي بتخسرينه لو عطيتيها الرقم ؟
وعشان تطلعين من الازمة استعجلي وعطيها الرقم عشان ما تكتشف انج عطيتي غيرها ومعطيتيها
ولو فكرتي القضية ما تستاهل تفكير

 

[حجيه هيونه]

خلج احسن منها

وعطيها

 

[هدولى]

عطيها الرقم ولا تخلينها ببالج والله يعطيج علي قد نيتج .

 

[أحلى البشر]

عطيها وانتي تعطينها قوليلها ولو اني كل ماطلبت منج شي مافيج خير بس بصير احسن منج كسسري عينها

 

[عادت ذكرياتي]

عطيها الرقم واحتسبي الاجر بمساعدتها يعني للأجر فقط لا غير حطي ببالج جذي

 

[حصــgص..~!]

*
طآف , مو لآزم تعطينهآ !

 

[* ليــــدي *]

عاملي الناس مثل مايعاملونج

 

[الزورق222]

عاملى الناس باخلاقج مو اخلاقهم ..
مصيرنا فى يوم نتوفى ونترك الدنيااا وراح نتحاسب على كل صغيرة وكبيرة فكونى انتى الافضل تدرين الكثير وضعهم صعب للاسف مليانه قلوبهم حسد وينكرون اى معلومة اعتبرهم خسرانيين دنيا واخرة ..
الجيل القديم كانوا هم الافضل بترابطهم وتراحمهم وقلوبهم بيضا يحبون يساعدون بدون ماينتظرون مقابل من الطرف الاخر شوفى اشلون كان ربي رازقهم والحين حقودين وحسوديين ومو مالى عينهم شى بسبب الحسد ..