والله لادعيلها اللي تساعدني////////

[يكفيني رضاهم]

اخواتي.......
انا والده من اربع شهور ودخل في راسي الهوا او مايسمونه خوا الراس ماخليت بخور نفاس ماسويته وزيت بالحبه السودا حطيت احس ا \ني فيها زي الهوا ولها طنين
اللي تعرف دواء للحاله تدلني عليه او ينفع اروح لدكتور والله اني صرت اكره التماشي اواستحم احس راس يمتلي هواء ويجزاكم الله الف خير:blueSmCLR:

 

[ياغفور اغفر لي]

والله يااختي مااعرف بس لازم تروحين لوحدةتعالج وتعرف

 

[بتبوتااا]

اول مره اسمع

ان شاء الله البنات يفيدونج حياتي وماتشوفين شر

 

[يكفيني رضاهم]

مشكور ياعيوني
والله يرزقك من اوسع ابوابه

 

[يكفيني رضاهم]

اول مره اسمع

ان شاء الله البنات يفيدونج حياتي وماتشوفين شر​

ولايجيك شر ان شاء الله .....ومشكوره على مرورك

 

[فلانه وعلانه]

روحي للحريم اللي يعالجون

 

[ام الحلوااات]

رووووحــــــي لـــمـــــرة تـــعـــالـــج شــــعـــبــــي تــعــطــيــج بــخـــور وزيــــوت
واللـــــه يـــرفــــع عــنـــــج ويــقــــومــــج بـــاالــــســــلامـــه​

 

[أملي بعد الله]

أممم أول مرة أسمع بهالشي بس خلي أحد يسوي مساج حق راسج ريلج أو خدامتج ويضغطون خلف الإذن أكثر شي وعند الجبهة ومؤخرة الراس هذي الأماكن مهمة

وشوفي راي البنات وروحي حق حرمة شعبية

عاد إذا فادج كلامي لا تنسيني من دعواتج إنتي حلفتي :$

بس ماقلتيلي هذا من وين يالج ؟ بالنفاس ماكنتي تغطين أذونج وله شنو ؟
فيديني عشان أتحاشاه إن شاء الله

 

[سلاسل ذهبيه]

روحي معالجه شعبيه ثقه ترا اكثرهم نصابات فيه وحده بالعارضيه يمدحونها اعتقد اسمها ام محمد
واذ عندج ادوية اعشاب الي ياكلونها وقت النفاس جيبي كرش خروف كامله وحشيها بالادويه مالت النفاس وشوية عيش وحبه سوده وحلبه وخيطيها وطبخيها واشربي شوربه دافيه فيها فلفل اسود وعلى طول جيبي لج بطانيه وجيبي الجدر الي طبختي فيه الكرش وفتحيها وتبخيري فيه تحت البطانيه بخري وجهج وااذونج وخليج بالبخار لين يروح البخار وخليهم ياخذونه عنج ونامي لايجيج هوا اقل شي نصف ساعه اهم شي ماتفتحين البطانيه وانتي عرقانه يحوشج برد
كرري هالعمليه مرتين ثلاث ومالج الا العافيه واحرصي على الاكل حتى الشبع ايام الدوره ولازم يكون اكلج قبوط او مرقوق ولحم وكثري فلفل اسود وشوربات ولبسي دلاغات وقت الدوره ومالج شر
وهذا الي قلت لج يسمونه المعالجات الشعبيات المكروشه لخواء الراس ترا يصير تستبدلين الكرش براس خروف او اذا مافيه دجاجه محشيه بس لازم تاكلينها اذا دجاج وتشربين من مرقها

 

[يكفيني رضاهم]

كل الشكر لكن اخواتي الكويتيات <فلانه وعلانه’’’ام الحلوات’’’املي بعد الله’’’..>
انشاء الله بروح لحرمه تعالج
وبجرب المساج عسئ ينفع...........وانا لمن كنت نفاس دخلت استحم ونسيت ادخل معاي الزيت الدافي وخرجت وعلى مادهنت راسي واذني قد الهواء دخل راسي مع اني احاول اني اتحاشى الهواء والجوع لكن امر الله
واكيد خواتي بدعيلكم الله ينولكم اللي بالكم ويعطيكم من خير الدنيا ويكفيكم شرها..................

 

[Diana *]

الله يعطيك الصحه و العافيه
ماتشوفين شر ، لازم تراجيعن مستشفى لا تخلي روحك كذا​

 

[يكفيني رضاهم]

تسلمين والله يعطيك العافيه اختي الغاليه سلاسل ذهبيه
سمعت ان الكرشه ممتازه لكن ماهتميت بس انتي اثبتيها لي وبسويها ان شاء الله .وجزاك الله الف الف خير
وانا في السعوديه مو بالكويت لكن في المنتدى احس اني كويتيه من حبي للكويتيات وديرتهم..........قرقررررررر كثير