والله حاولت بس ما قدرت

[om_nasser]

انا اللي كتبتلكم مرا عن رفيجتي اللي ذلتني وتبيين حق مصلحتها
حاولت والله حاولت أوخر وابتعد عنها بس ما قدرت امسحها واردها مرا ثانيه مؤ قادره ابتعد عنها
شسوي ساعدوني
البنت ما أتحبني بس انا متعلقه فيها

 

[رق رق]

ردي لها لها بس خلي علاقتج سطحيه معاها ولا اتسويلها شي عشان لا تتحسفين بعدين

 

[om_nasser]

متعلقه فيها بشكل مينون واهي بلنسبه لها انا تزوره وحق مصلحتها وبس

 

[منيرة خالد]

شنو نوع الحب اللي بقلبج لهالبنت ؟؟؟


اذا تعانين من فراغ عاطفي >> مثل فقدج لحب وحنان امج وخواتج


لا تصبين حبج على هالبنت بتشك بنواياج وبتخاف منج



جددي حياتج دخلي فيها صديقات جدد تعرفي على غيرها طالعي حواليج من بنات العائله او حتى امج وقوي علافتج فيها افضل لج



وكثري من الدعاء وقرأة والقرآن

 

[منيرة خالد]

قريت موضوعج >>> اهملتي زوجج وعيالج بسببها



اقري يوميا سورة البقرة ـ وارقي نفسج

والله اعلم شني حالتج

 

[العيون بحر]

لا حول ولا قوة الا بالله حيااتي ادري صعب انه اللي يحب شخص بقوة صعب يوخر عنه
لكن مو مستحيل انك توخرين عنها وتوجهي مشاعرج لاشخاص اخرين يستحقوا هذه المشاعر الجميلة
سيطري على عواطفج ومشاعرج خلي لعقلج مساحة في توجيه حياتج وبالاول والاخير استعيني بالله عزوجل

 

[om_nasser]

عفيه فهموني ودي يكون همي وتفكيراي كله بيتي وريلي واعيالي بس والله حاولت واهي مأخذه كل تفكيري

 

[قاهره عذالي]

خليها تولي
بدالها الف
فكري بصحتج ونفسج
انتي حامل وبشهرج
و ووراج مليون حاجه تبي تنسيج

 

[أعشقه]

انتي شاغله نفسك فيها وماتبين تتركينها
ترى بتعيشين بدوامه مالها بدايه ولا نهايه
كانك تسمعين صدى صوتك تقولين ساعدوني وفي النهايه تقولين ماقدر اتركها
المشكله بيدك .. هي مادرت عنك وتقولين تجي لك لمصحلتها من هالعاقل الي يدري انه يستغل لمصلحه وراضي
ترى هذي سذاجه او غبااا مهوب حب وخرابيط
اصحي لنفسك ولبيتك وزوجك عمرك يمضي تركي حركات المراهقين حب وماقدر ومدري ايش ..
بكرى لو اختربت حياتك بسبب هالشي تتوقعين هي بتنفعك ..
بعدها بتقولين ياليت وياليت .. كلمه يا اليت ماتبني بيت ..
اصحي لنفسك قبل فوات الاوان
صدقيني تراها ماتنفعك ابد ابد .. ماحد بيبقى لك الا عيالك وزوجك .. صونيه وصوني بيتك وخلي اهتمامك لعائلتك واتركيها ابد ابد لا تفكرين فيهاااا ازين لك

 

[^ريما^]

انسى خلاص الدنيا ماتوقف على رفيجه
فكري بزوجك وعيالج

 

[نور خانوم]

راح تحسرين بيتج وعيالج بسبتها شنو بتصير حالتج بعدين ؟

 

[بشوررة]

معقوووله في ام تتعلق برفيجه
بالعكس انتي المفروووض اللحين مشغووله بزوووجج وعيالج
مااادري والله ؟؟؟؟

 

[مجنونة هع]

انتي بعد لا تعطينها الي تبي بس صادقيها

 

[~ بنت الهدى ~]

شكلج طيبه شلون مرافجتج مصلحه و انتي متعلقه فيها !

جبري نفسج ابتعدي عنهـــــــا

بس شنو سر تعلقج فيها ؟

 

[دلع العتبان]

عسى الله يعينج من تعلق بغير الله ذله الله فيه تعلقي بالله واتجهي له اهوه الوحيد الي يكفل انه يغيرج

والله مايغير قوم حتى يغيروا مابانفسهم "

ربي يمسح على قلبج اتجهي لله وقولي ربي شيلها من بالي ومن قلبي وازرع بقلبي حبك وحب نبيك وزوجي وعيال اللهم امين

ربي يهديج غصبن عنج اللهم امين

 

[om_nasser]

راح. أحاول قد ما اقدر

 

[لحن التياعي]

الله ينزعها من قلبك مالك الا تدعين

 

[قره عيني صلاتي]

عسئ ربي يعينج بس حببتي تقربي من ربج اكثر وكثري من الاستغفار وقيام اليل وديري بالج علئ بيتج وزوجج وعيالج

 

[Tom ♥ Jerry]

,


آظآهر مآ عندج الا هالرفيجه صح !
و مآ عندج آحد بحياتج يعني مالي حياتج ,،

برايي قطعي علاقتج فيها
1/ وحده مآ تحبج
2/ تبين بس حق المصلحه
3/ تذلج !

من صجج شتحبين فيها !
خو مو ريلج اهيه يبا خليها خليها .، و بدآلها مليون رفيجه .! :eh_s(17):

 

[عادت ذكرياتي]

الله يعينج