والله اني شاكه بالموضوع

[$$لامار$$]

تصدقون انا شاكه بتحاليل زوجي


بنات السنه اللي طافت زوجي سوى تحاليل طلع سليم عند مختبرات الالماني

المهم يوم راجعت عند ماجده اليتامى قالت المختبر اللي مسوين فيه تحليل مو معروف عيدوه عندنا

عدناه بنات طلع فيه ضعف شديد


ليلحين مو مصدقه والله مو مصدقه من سليم لين ضعف شديد

يعني شي مو معقول عطوه حبوب وخرابيط


بس بنات ليلحين منصدمه معقوله بنات من سليم لين ضعف شديد


بنات والله اني اكتب وانا ابجي شلون ياربي

المشكله انا بتحاليلي اللي العام سويتها


قالوا عندي ضعف بالتبويض


ويوم عدناه عند ماجده


طلعت سليمه سليمه سليمه


وعلى قولتها فوق الممتاز




بنات شصدق وشجذب


والله احترت





الحين بعيد تحاليل زوجي عند الدكتور


عادل الحنيان اللي بالجابريه امس اول زياره لنا


سوى تحليل بول وسونار مع فتح الملف كله ب60 دينار


وعطاه تحاليل يسويها الاحد القادم



وراح تبين النتيجه وارتاح من الافكار اللي في بالي

 

[مناوووي]

يارب يطلع كل شي سليم

الله يعطيج اللي في بالج يااااااااااااااااااااارب

 

[$$لامار$$]

تسلمين ياقلبي

 

[سراير]

الله يطمنج انشالله ..

 

[دلوعت مودها]

الله يشفيكم ان شاء الله تكون هالنتيجه اكيده واثنينكم سليمين
الله يسامحهم لعبو بالناس عسى الله يعوضج خير ويرزقج
اي شي يضيق خلقج قولي انا لله وانا اليه راجعون اللهم آجرني في مصيبتي وخلف لي خير منها 3 مرات
وعسلى الله يعوضج خير ويقر عينج بالذريه الصالحه,,,,

 

[WaChoCha]

لا يضيق خلقج حبيبتي احنا مختبرين رحنا لهم قالو حق زوجي صفر خلونا في صدمة .. ولما رحنا مركز اطفال الانابيب طلع عنده ضعف بسيط ممكن يتعالج ...لدرجة اني قعدت ابجي عندهم من الفرحة

ترى مو كل المختبرات شغلهم دقيق

عسى الله يشافيكم ويرزقكم الذرية الطيبة الصالحة يا رب

 

[نكهةالبرتقال]

الله يفرج عنكم و ييسر أموركم

 

[كبْرٍيآء]

الله يطمنج يارب ويطلع سليم

 

[كيكه^_^]

نفس اللي اتقولينه صار حق زوجي وانا ليليوم مو عارفه اذا زوجي سليم والا فيه ضعف!

بداية زواجنه راح عيادة امراض جلديه وتناسليه وقاله الدكتور عندك ضعف و عطاه علاجات و أدويه.

بعدين رحنى عند فوزيه القطان وقالت حالة زوجج الحل الوحيد لكم حقن مجهري لا اتعبين نفسج ابتلقيح ما تلقيح.

دار الشفا هم قالو فيه ضعف.

رحنا الصباح جان يقول حازم حق زوجي تحليلك سليم مافيك شي! جان يقوله زوجي عيل اشلون العيادات يقولون ان عندي ضعف؟ قاله ما عليك منهم انت سليم.

رحنا مستشفى لندن جان يقول دكتور باترك المشكله في الزوج الحيوانات المنويه ضعيفه وبعضها ميته ومن هالكلام.

رحنا بلجيكا قالو تحليل زوجي سليم مافيه شي.

مستشفى المواساة عند د.ناهض قالو سليم مافيه شي.

لي اليوم ماني عارفه اصدق منو والا منو؟ انزين اذا زوجي سليم واثنينا سليمين ليش ما يصير حمل؟

وحده تشتغل ابعياده قالت اهما يقولون سليم قصدهم انه عنده عدد من الحيوانات المنويه سليمه والباقي فيه ضعف علشان جذي يقولون سليم وبعد يقولون سليم على اساس ان العينه راحح تدخل المختبر ويشيلون منها الشوائب والحيوانات اللي مو زينه ويصير سليم.

 

[عاشقه الزهراء]

حبايبي عينه الريال كل يوم غير عن الثانيه اعطيكم مثال انا زوجي سوى بالشهر الواحد تقريبا 4 مرات تحليل مني اول مره كان 2 مليون ومره 9 مليون ومره 1 مليون........ وكان كله نفس المختبر يعني عادي العدد يزيد وينقص مو كل مره تكون نفس الشي

والله يشافي ازواجنا ويرزقنا بالذريه الصالحه

 

[امواج الكويت]

حياتي لازم ريلج ينقطع عن الجماع اربع ايام قبل التحليل عشان النتيجه تكون مضمونه مو يجامع بالليل ويسوي تحليل ثاني يوم>> هذا اكبر غلط

 

[بنت سلوى80]

انشا الله ما في الا العافيه و يرزقج من اوسع أبوابه اللهم آمين

 

[كويتيه مذهله 87]

الله يطمن قلبج

 

[صابرة الحمدلله]

انا ياقلبي مثلج السنه اللي طافت سوينا تحاليل عند العرف وكانت المشكله بس تكيس خفيف جدا وبس وهو سليم على قول الدكتورة
وهالسنه رحنا عند ماجدة اليتامى وانا نفس الشي ماتغير شي وعلى قولة الدكتورة ماياثر وهو طلع فيه تشوهات ولازم انابيب

عاد قلنا بنحلل بمكان ثاني من جديد ونشوف

والله يزقنا جميعا
امييييييييييييييين

 

[ام نوونه]

انشالله يطلع سليم مافيه الا العافيه
ويرزقج الذريه الصالحه

 

[أحلى^حياه]

ان شاء الله يطلع سليم
بشرينا

 

[_ظل الياسمين _]

ربى يسهل امرك ويريح بالك باذن الله.

 

[ZajiL]

عادي حبيبتي لاتستغربين شي
انا اعرف وحده عنده 3 يهال ويابتهم عادي وماتت وحيت تبي تحمل بالرابع
ويم سوه ريلي الفحص ولا يطلع عنده ضعف الريال انصدم يقول شلون وانا عندي 3 يهال
وعاد التحليل اكثر من ونفس الشي
لانه الريال مثل المره تحوشه فترات ونشاط وفترات ضعف

الله يرزقج ان شاء الله ويفرح قلبج بالضنى

 

[mosta7eel]

عادي حبيبتي العينة تختلف نتيجتها كل مرة
عسى ربي يطمن قلبج ويرزقكم الذرية الصالحه

 

[هالة الصباح]

حبيبيتي تحليل الريال مثل المرة يطالعون رحمها ويشوفون مبايضها وعدد بويضاتها ترى هم الريال يبيله اسبوع يعمل تحليل بعد آخر علاج
أنا زوجي سافر عني 12 يوم ييه من السفر علشان حقن مجهري قالولها نسبة كافيه حق الحقن يعني أصلا كل ما يسوي الريال تحليله لازم يكون فوق اسبوع علشان الكمية تقل اذا صار ورة بعض شي طبيعي بقل الكمية والله يرزقكم ويرزقنا يارب