السلام عليكم
اشلووونكم بنات ... انا صج اشتقت لكم وللمنتدى ... وادري اني مقصره مرررررره على قولت حبايبي السعوديات :eh_s(15):
المهم ادش بالموضوع ... طريقة عمل حمام زيت لتنعيم الشعر وحيوييته ولمعته
فايدته :
1 – تنعيم الشعر نعومه فوريه (بنات مو تمليس..نعوومه تحبينها)
2 – لمعه برااااقه
3 – معالجة حروق الاصباغ
4 – تغذية فروة الشعر
5 – ترطيب الشعر وحمايته من التكسر والتقصف
6- تغليف الشعره كامله من الجذور الى الاطراف طبقه تخليها اسمك
المكونات تكفي للاستعمال 3 مرات : ( يعني كل ماتبين كميه اكبرضاعفي بالعدد 2) مادري فهموتوا؟؟ :krkrkr:
1- ملعقة ( أكل ) زبدة الشيا
2- ملعقة (أكل ) زبدة الالوفيرا
3- 4 ملاعق حمام زيت ( فاشكول)
4- 2 ملاعق ماسك كريستاس ( الاخضر )وسبب أختياري له انه للعنايه الشامله
5- 2 انبول بانتين ( مجدد الشعرالزمني ) كلنك كير .. تلاقونه بالجمعيه
6- نص بطل بلسم صانسيلك اللي يكون لونه بنفسجي .. السبب إن دكتوري الجلديه قالي ان هالنوع أهو الوحيد اللي مايسبب تساقط ... بعكس باقي البلاسم
الطريقه :
1- تذويب الشيا والالوفيرا مع بعض بصحن واحد بالماكرويف ( 3دقايق )
2- تطلعينهم من الماكرويف وتخلطيينهم خلط سرييع مع باقي المكونات واذا كانت الكميه اكبر من هذي خلطي بالخلاط ( البلندر)
هذي النتيجه بعد الخلط :
الاستخدام : بعد غسل الشعر بالشامبو .. ولاتسألوني شنو تستخدميين .. لان كل وحده تفرق عن الثانيه بقصة الشامبو هذي ... وفعلاأنتي لازم تكتشفين الشامبو اللي يناسبج
المهم بعد غسل الشعر بالشامبو ... إخذي كميه ووزعييها على الشعر كامل من الجذور لي الاطراف
وخليه على شعرج 10 دقايق .. يعني على ماتكونيين فركتي جسمج وحطيتي سنفرتج ...
3- غسلي شعرج من الخلطه جييييييييييدا ولا تخلين بقاياالبلسم او الشامبو بشعرج لانه مو زين
4- اذا طلعتي نشفي شعرج بالفوطه ولا تمشطيينه على طوول .. (موزين ) لانه الشعره بأضعف حالاتها بعد الحمام
5- بعد 10 دقايق ابتدي تمشطين شعرج ... ولميه بشكل (كبه )...واذا تبين تسشورينه سشوريه بعد نص ساعه من الحمام J
وأبشركم رييييحة الماااااااااااسك فوووق الخياليه وتعلق بالشعر مده
ملاحظه : موشرط تستخدمين ماركة كريستاس .. ممكن تبدلينه بأي ماسك للعنايه الشامله
بالعافيه مقدما حبااايب قلبي ... ودعواتكم :eh_s(8):
التعديل الأخير:
