والده قيصري..أبيــــــــــج ضــروري

[حرم_الغلا]

مســـــــاء النوور...:
حبيــت اسـاال اللي والده قيصــري..أنـا والده قيصري عــااي أجيــب رداده.. ومتـــى؟؟؟؟ ومتــى أحمـل مره ثانيــه.. وادعـولي بالولاده الطبيعيه مــره ثانيـــــــــــه....

وســـــلامتكم حبـــايبي..............:eh_s(22):

 

[ديمي 12]

الحمد الله على سلامتج عادي تجيبين رداده انا جبت رداده بعد عشرين يوم واذا على الحمال لازم اقل شي سنه وعلى فكره انا والده مرتين بعمليه اول شي قعدت سنتين وبعدها قعدت سنه والحين انا حامل والله يسهل علي وعلى كل حامل ويرزق الي ماعندهم عيال

 

[غـلا الـروقـي]

رد : والده قيصري..أبيــــــــــج ضــروري

الحمد الله ع سلامه

اختي والده قيصرريه عقب العشرين تقدرين تجيبين رداده وتقدرين تربطين بطنج

واحسن شي تحملين عقب سنتين

 

["*آآآنؤؤؤقهـ*"]

رد : والده قيصري..أبيــــــــــج ضــروري

مو زين الردااده للقيصريه برووح رحمج تعباان ومشقووق 7 طبقاات ديرباااالج

والكووورسييه بعد 6 اشهوووور طبيعي تلبسينه وتلعبين ريااضه واللي بدك سوويه بس اهم شئ تعدين 6 اشهوور



والحمل احملي بعد 6 اششهوووووووووووووووور






انا والده قيصري

 

[كجمايا]

لا ياقلبي ماانصحج بالرداده هذا جرح عمليه ماتجازفين بعمرج ، أنا لما ولدة قيصريه ما جبت رداده جبت بعد شهر صينيه نسوي لي مساج خفيف ، وبعد القيصريه بثمان شهور حملت والحمدالله توني والده طبيعي ،،

 

[_زينه_]

اللي اعرفه مو زين

 

[بنت الفوزان]

مو زين

 

[ELFAD3Ah]

ماانصحج لاني قيصريه يعني عملية نطري على الاقل 6شهور
واحسن شي تحملين بعد سنتين
وربي يسهل عليج

 

[anooma_86]

حبيبتي انا والده قيصريه و كنت ناويه اييب رداده و سألت دكتورتي قالتي لااااااا تفكرين تيبين رداده موو زين و اذا تبين ييبي وحده تسويلج مساج بس ماتجيس صوب بطنج كلش... و الحمال عادي انا حملت بعد العمليه اب ٧ شهور

 

[لومية1]

موزين الردادة مع القيصرية
وماكو أي مجهود أو رياضه إلا بعد 6 شهور
والحمل بعد سنتين

 

[reem83]

انا الدكتورة قالت لي حملي بعد سنة بس الاغلبية يقولون يصير بعد 6 شهور

 

[العفاسيه]

ديري بالج تجيبين رداده ينفتح الجرح
سوي لج مساج بس لا تقرب من الجرح
وبعد ست شهور تقدرين تحملين بس بعد سنه احسن عشان يلتأم الجرح

 

[الفنانه79]

انا كله قيصريات

الرداده بعد ٢٠ يوم

واذا تبين تولدين طبيعي لازم بعد سنه لان بعد ٦ شهور اذا حملتي ماتقدرين تولدين طبيعي الجرح بعده ماانجبر بعد

 

[حبوبة الأطفال]

موزين تربطين بطنج خصوصا هالفترة
والحمال أحسن شي بعد 6 شهور والأفضل سنة عالأقل يلتأم عدل وتردين عافيتج

وبالنسبة للرداده .. أمهاتنا يحملون 7 أو 9 أو حتى أعرف وحده 12 مرة حملت ما يعرفون سوالف ردادات ... وكل دكتور سألته عن الرداده قالي مالها داعي .. الرحم سبحان الله بشكل طبيعي يرد لمكانه

الوحده بس تهتم بنفسها وقت نفاسها من أكل و أدوية الحريم المعروفة وتبتعد عن الأكلات السريعه والبيبسي وغيرها وتدفي نفسها عدل

وإن شاء الله ما تشوف إلا العافية

 

[كويتيه مذهله 87]

مع البنات انا سألت دكتوري قالي رداده موزين والحمال بعد 6 شهور عادي وقالي بعد 3 شهور بس الطبيعي 6 شهور احسن

 

[مظلومه ياناس]

لا لا لا ديري بالج ،،،،، أنا عقب ولادتي بسنه جبت رداده بغيت امووووت من العوار حسيت ان الجرح بينفتح ،،، أنا والده قيصري مرتين وبين كل حمله وحمله سنتين والحمدلله اثناء الحمل ماحسيت بعوار العمليه

 

[غنوة ستايل]

الرداده مو زين
ما انصح فيها انا والده قيصري وما جبت رداده
والحمل عادي انا حملت بعد الاربعين والحمد الله بس طبعا ولادتي بتكون قيصري

 

[um_yoyo]

حبيبتي انا والده قيصريه و كنت ناويه اييب رداده و سألت دكتورتي قالتي لااااااا تفكرين تيبين رداده موو زين و اذا تبين ييبي وحده تسويلج مساج بس ماتجيس صوب بطنج كلش... و الحمال عادي انا حملت بعد العمليه اب ٧ شهور

نفس كلامها بس انا حملت بعد 4 شهور :eh_s(15):

 

[الحرير]

اتوقع موزين
والعقبى لنا وياج بالولادة الطبيعية يارب