والحل مع الكرش؟؟

[فرآولة]

السلام عليكم

اخباركم عرايس



انا الحمدلله جسمي عاجبني ..

بس مشكلتي مع الكرشة

حتى خطيبي علق

لحد يقولي جاي اخضر

لاني اشربه مرتين فاليوم

في تمارين للكرش وهل صج هالتمارين تودي هالكرشة؟؟ وبكم يوم ؟؟


ولو في يوتيوب او رسم توضيحي للتمارين ..

والاهم ابيها من تجاربكم الشخصية ..
مابقى شي عالعرس...

..

 

[baby lotion]

الكرش عباره عن دهون ؟ الدهون هذي تجي من القعده وقل الحركه حتى لو ضعيفه

جاي اخضر مستحيل يودي الكرشه طبعا

فيه تمارين كثيره بس الاول اهتمي بنظامج وكثري ماي ونزلي السوائل وجربي تمشين

بعدين تمرني لان التمارين تبرز عضلات البطن فاراح يبين كرشج اكبر

منقوع الزنجبيل يحرق الدهون جربيه

موفقه

 

[فرآولة]

قصدج ما اتمرن لان بتكبر الكرشة!!!؟؟؟

 

[FOOSHA]

عن تجربة والله

لا تاكلين وجبات مطاعم سريعه
ابتعدي نهاااااائيا عن المشروبات الغازية ولا تقولين ماقدر ! لان لمن بتشوفين النتيجه الحلوة راح تكرهينهم !
ولا تاكلين عيش وتنامين ع طول لانه راح يتخزن بالبطن فحاولي تبتعدين عن هالشيٓ ،


و عشرين مرة باليوم سوي تمرينات البطن او اكثر لو فيج حيل
والتمرينات اذا سويتيها استمري لان لو تشربين غازات او تتركينها بترجع اكبر ..
وانا عن نفسي استمر فيها لانها سهله وبتتعودين عليها


وبالنهايه ابتعدي عن الدهون وكثري شاي اخضر وحاولي تمشين لو فضيتي عشان حرق دهون الجسم كلها مو بس الكرش

والله عن تجربة وبتلاحظين الفرق بأقل مت شهر وواضح حيل ... بس ادعيلي الله يتمملي ع خير ويسخر زوجي لي
وموفقه ان شاءالله

 

[فرآولة]

انا من وانا صغيرة ماشرب مشروبات غازية..

انزين شنهي التمارين ابي اعرفها ؟

 

[baby lotion]

تمرني بس مو على على طول تبلشين , الاول اهتمي بنظامج واكلج مثل ماقالت اقطعي المشروبات والحلويات والدهون والخرابيط كلها

امشي قد ماتقدرين احرقي السعرات وصح تحملي تنامين بعد العشا او الغدا على طول

 

[FOOSHA]

اول شي اهتمي باكلجمثل ماقلتلج .. مشروبات غازية ودهون لأ ،
وحاولي تمشين قبل لا تبدين فيها ولو شوي عشان اللياقه


YouTube


هذي التمارين للشد والتخسيس

الله يوفقج حبيبتي

 

[بـربـوشـآ]

والله عن تجربة وشفتهآ ع اكثر من وحده

في محل اسمه زين الاتات عنده اعشآب حق الكرش بـ 7 دنآنير حييل حلوه تنفض البطن نفض بس ها شربيها وقت الاجازه او اذا قاعده بالبيت ,,

او جاي رويآل حيييل حلوو

 

[بــنـ زايد ــت]

انا كنت نفسج بس الحمدلله ريلي قالي بليييييييز خلي بطنج واااااااااايد احبب شكلج جييييييه

وانااااااااا عاد استااانست :yaaaaaarb::eh_s(9):

وكل مرة يقوولي بلييييييييز كل شي الا بطنج خلللييييييه

وعرست وحملت الحمدلله

سوي ريااضة اهم شي المشي والركض ..

 

[شذونه]

كنك تكلمين عني
نفس المعناااااه
انا سويت تمارين مافي نتيجه

الحل تروحين لدكتور او نااادي لااعشاب ولاغيره

 

[أبله شقحه]

تدرين هذي مشكلتي الكرش وانا جربت شغلتتتتتتتت وايد بدون فايده لكن مابي استسلم وجربت خلطه اعشاب بس الكسل الله لايوريج ذبحني الكسل

 

[نواره قطر]

وحده من اهلي كانت تعاني من هالشي
كانت تشرب ليمون مع ماي دافي
كل يوم الصبح ع الريق وبليل بعد العشا
يعني مرتين باليوم
والحين ماشاءالله عليها مالها كرشه
جربي هالطريقه وان شاءالله تفيدج

 

[الفوز حلو]

نصيحه اخت كمون حب نعناع قشررررر قهوه >> هذا السر
جاي اخضر زنجبيل مبشور كلهم بكميات متساويه ماعدا القشر اكثر منهم بشوي فوحيهم ماي حار واشري كل يوم
قبل النوم كووب وبعدي عن الغازيات والماي لااتشربينه اثناء الاكل وشفطي بطنج وتمارين البطن وسلمي ع الكرشه عن تجربه انا راح منها ٨٠٪ ويمكن اكثر بعد الحين صغيرونه ماتبين حاى باللبس الحمدلله

 

[عسوله مطيريه]

بنات نصيحه من أخت تبي لكم الخير (لاتعشوووووووون)وشوفو البطن شلون يلزق بالظهر باذن الله

 

[قآنون كيفكـ!!]

قشر القهوة وايد مفيد للجسم يرسم خصرج ويلزق ظهرج

 

[Pinky -cat]

حياتي انا نفس حالتج ضعيفة وقالوا لي اكلي عشان تمتنين حق نفنوف عرسج قمت اكل ولا شك بم كرشة طلعت لي اول شي
وانا اكرهها ، وسمعت الحل العشا متاخر نووو قطعية اكلي مبجر ويا ليت ماكو عشا الا خفايف وكملي على الشاي الاخضر
بدون سكر اهم شي وتحركي كثر ما تقدرين

 

[Pinky -cat]

كملي وانا وياج بالمسيرة وانشاله تكون فيه نتيجة حلوة

 

[yam_yam]

بنات تعبت ادور قشر القهوة مو محصلته
وين لقيتوه

 

[tratel3D]

قشر القهوه شلون نستخدمه ؟؟؟

 

[الفوز حلو]

اختي يم يم تلقينه بمحلاته التمور بالشويخ او محل تمور تبع جمعيتكم
انا مره خذته من الشويخ ومره محل تمور بجمعيتنا

طريقه الاستخدامه اخذي قفشه ونص او قفشتين كبار اغليهم مع ماي حار مع اضافات زنجبيل مبشور كمون حب نعناع زنجبيل جاي اخضر
كلهم يهبلوون والله ان جسمي مرسووم والكرشه خااافه طبعا قاطعه شي اسمه كولا وربعه