والتالي مع الحمولة

[om.aboodi]

:eh_s(14): كلوا قلبي نزلي اغراضج بالمخزن مانزلت اشيا مهمه فيوم زوجي بسرعه من العيله نزل جنطة عزيزة وايد على مالت يدي الله يرحمها وفيها كل ذكرياتي وصوري ومذكرات قصص وانا صغيرونه تخيلي خالتي معطيتها الهندي بيسافر شكو الا جنطتي حرت قلبي عسا ربي يحر قلبها مواول مرة تسويها طبعا الريل يسوي روحه مايدري دقيت وين جنطتي قلب السالفه علي بس ماعندنا الا الجنطه قلت له امي تبي شغله ماقلتي امج تبي ؟ رساله كاتبتها لي بالغزو موشغلكم ابيها والا لاا موالمفروض اشيل السماعه فلانه تبين هالجلنطه انزين صوري بدون حجاب اغراضي شلون تسمحون لنفسكم الحين ريلي مايكلمني قلب السالفه على وانا احترق اهو مايدري اني دريت هل ادق على خالتي ولاقالت عطيت الهندي اتحلطم للعلم اهما امهم لو تقول طلق يطلقون هذي مشكلتي من تزوجت وفنانه بالتمثيل امه شنو الحل هل غلطتي مادري شلون يتكلمون بالسنع السنع موهدمه والا طبخه بهالاامور السنع

 

[شادن33]

خلاص الجنطه راحت الهند لوووول

الحين روحي هاتي اغراضج وصورج وحطيها عندج
وبلا مشاكل شسوين اذا اهي الله يسامحها ماتعرف السنع خليها مره عوده بتحاسبينها وتادبينها !!!!!!
وانا اقول اكسبي امه مادام هي الكل فى الكل وانتي الربحانه من صوبها وصوب ريلج
وموفقه حبيبتي

 

[صديقت قوقل]

ع قولت شادن راحت للهند

وكل شي يمكن يوقف معج الريل الا اهله

لاتكلمين عنهم بالشينه لو هم شينين علشان مايقلبها عليج
اكسبيها قد ماتقدرين

ومالج غير الدعاء ان الله يجعلهم يقدرونج

 

[popa]

اغراضج صعديهم عندج
والجنطه خلاص باح
ودام خالتج عوبه سكتي وبلعيها
وريلج لازم تتكلمين معاه

 

[برنسيسة2007]

حبيبتي انا خالتي اتضااايقني وما اقول لزوجي اذا خلاص بموت اقوله:
خالتي على نياتها عبالها الناس نفسها قالتلي قدامهم(واجيب السالفه اللي حارتني) ليش؟ لانها امه اولا صعب تجرحينه فيها راح يطلعج غلطانه
ثاني شي خليها حق الامور الكبيره يعني سلفاتيعادي اتشكى منهم بس امه وخواته واخوانه لا مستحيل ممكن بس باسلوب غير مباشر

عموما على قولة شادن الجنطه بالهند
بس انتي شلون دريتي انها عطتها الهندي يمكن انتي غلطانه الخدامه بايقتها!

خالتج لا تقولين لها ولا حرف صدقيني لوكان يهمها الكلام ماخذت الشنطه
لذلك لاتناقشينها واغراضج لاتحطينه بمخزنهم افتكييي

 

[ام فواازي]

صورج ليش حاطتهم بمخزن حمولتج
ماعندج مكان بشقتج خليهم عند اهلج
انتي الغلطانه بالاول المخزن تحطين اشيا زايده مو مهمه فيه بس شغلات مهمه لج وخاصه حيل ليش تخلينهم فرجه للكل
خالتج غلطانه بعد وماتعرف الحق بس انتي من الاول عارفه طبعها وان ولدها خاتم بصبعها شلج بعوا. الراس بعدي عن مخزنهم

 

[iLLuMinaTion]

الله يعينج حبيبتي

 

[لوفيه]

ياكرهي للخالات اللي نوعهم جذي وييييع

انا مادري انتي زوجتي ولدج عشان تغثينه ولا تريحينه مع اللي اخترتيها

صج عيايز ماعليهم شرهه

يبه طنشيها شتسوين امرج لله

الله يعينج ويفكج منهم وتطلعين بيت بروحج

ا

 

[سمراء كويتية]

كفي خيرج شرج عنهم و سدي بابج و خلي علاقتج معاهم رسمية
و احتسبي الأجر

 

[a7la_7b]

خلاص روحي اخذي اغراضج حطيهم ابيت اهلج صور وذكريات حطيهم ابيت اهلج

 

[حبيبي مالكني]

الي صار صار
خلاص لا تكبرين الموضوع
اخذي اغراضج وحطيهم بشنطه ثانيه وخلي شنطتج عندج او في اي مكان تثقين فيه
وهاي امه لاتتوقعين ريلج بيوقف معاج ضد امه
والله يهدي النفوس

 

[رنيم الروح]

حبيبتي الشنطه وراحت مو بيدك شي وماتقدرين تتكلمين عن اهله لانه بيزيد السالفه ويسبب لك مشكله مو وقتها كلش كل الي عليك تروحين وتاخذين اغراضك المهمه واذا سمعتي نصيحتي فضيلك مكان بالكبت او اشتري صندوق وحطي فيه اغراضك المهمه واسمحيلي على الكلمه هذي لانه شكلهم ناس يحبون الشنط وتصريف امور الغير

 

[ياليتهم يشعرون]

راس مالها جنطه وبعدين مو ملزومين باغراض مولهم أهما مخصصين لج مكان لاغراضج خلاص حطي كل شي لج شحقه المناشب وبعدين ليش تكرهون اهل الزوج جذي يبا ترى اهل زوجج يعني احترام زوجج من احترام أهله ترضين اهو يتكلم عن اهلج

 

[فوفو22]

الصور والذكريات القديمه انا اقدرها وهاذي تنحط بمكان محفوظ وامين

مثل تشترين علب ايكيا وتحطينها فوق الكبت

وغلطتج سلمتي ذكرياتج الى ناس ما عرفوا اهميتها وقيمتها

الزعل والعتب والكلام ما رح ينفع لانه الموضوع انتهى

ولكن استفيدي من الغلط

والحين عندي فضول اعرف اسم الممثله على الخاص اذا احببتي

فوفو

 

[سحـورة]

فووفوو .. هي قصدها انه امه فنانه بالتمثييل يعني بيصدقها
مش شي ثاني ،



بصراحه انتي الغلطانه ؟ حد يقط اغراضه وصوره بالمخزن و ذكرياته ؟
و ليش شليتيهم من بيت اهلج جان خليتيهم ؟ لين مايكون عندج شقه بروحج و تخشينهم بأي مكان ..
انا برأيي لو طرأت هالسالفه ترمسينها بهدووء .. و تتفاهمين وياها
و علميهم إنه لازم يستأذنون قبل لا يجيسون أغراضج ويتصرفون فيها بدون علمج ،
وسعي صدرج ههههههههه أسلوبج عجبني ،

 

[تذكر خافقي رمحك]

أحس مافهمت السالفة عدل
بس إذا نزلتي جنطة واهي من غير قصد
عطتها الهندي .. طوفي خو تبقى جنطة
وعلاقتج مع اهل ريلج اهم من الف جنطة

 

[حجيه هيونه]

نصيحتي لج طوفي السالفة خلاص

بس دوري اغراضج وخشيهم

 

[الراقيه 81]

وييييه الحال من بعضة
انا خدامتي غسلت زولية صالتي بالحوش و شرتها على الطوفه عشان تنشف يوم صار عقب يومين انزلت اهي وخدامتي الثانية بييبونها فوق شقتي مالقوها وعصبت وسالت زوجي عن اذا احد يدري عنها ولا اكو حس ولا خبر ويوم صار يوم الاحد اللي فات وانا راده من الدوام دخلت على خالتي مالقيتها بالصاله جان تقولي الخدامة ان خالتي بدار حماتي الصغيره دخلت بسلم عليها لان ما شفتها بالويك اند ولا القاها اهي وخدامتها الثانية يرتبون الدار وتقولي رتبت دارها عشان اذا ارجعت من المدرسة ولا كل شي مرتب جان اشوف الزولية مااااااالتي انصدمت قلتلها خالتي هذي منو مالته جان تقول شفتها بالحوش لها يومين محد تكلم واخذتها هههههه عاد خالتي احليوه بس انصدمتتتتت من تصرفها جان اقولها مالتي جان تقول طرشي خداماتج ياخذونها واهي تضحك وانا اضحك​

 

[ملوكة الامورة]

الله يعينك

 

[هيفاء 966]

الله يعينج.