والام والابو بالدوام الطفل وين يروح؟؟شرايكم؟؟ شاركوني..

[كنكونه]

قوه امهات حبيت اطرح هالموضوع ونتناقش فيه..:ggdw:

بعرف اذا كنتو بالدوام الياهل اوالطفل وين يروح ؟؟

بيت اهلج او بيت اهل ريلج او يظل بالبيت عند الخدامه ؟؟:gathering:

وليش؟؟

ودي اعرف ارائكم بهالموضوع..


ولا تحرموني من نقاشكم..:eh_s(8):​

 

[اشواق2008]

على حسب ظروفج

 

[كنكونه]

اوكي.

 

[عرموشة]

الحمدالله يا ربي علي النعمة اصغر عيالي عمره 10 سنوات وما عندي احد بالبيت ولا عندي خدامه لكن المشكله لما بطلع العصر عند رفيجاتي اتوهق فيه ساعات ما اروح وساعات ابوه ياخذه معه

والحمدالله

 

[أحلى همبه كويتية]

وين ما أروح هم معاي
بس للضرورة أحطهم عند خالتي لأنهم ساكنين يمي :tek:


والله لو تنقلب الدنيا ما أخلى عيالي بالبيت بروحهم أو مع الخدامة
4 سنوات من السالمية إلى صباح السالم أودي ولدي الصغير عند أمي مع الخدامة
لأن 3 خدامات لوعوا جبدي ووحده كانت تقرصه بعد قلبي بالحمام
وكل ما أذكر انقهر واقول لو طاقتها مبردة قلبي
بس الحمد لله الحين هو بالروضة وما عندي ولا خدامة ( فكه ) بس بلا وعله قلب

 

[ام^صالح]

انا بالحضانه بس واهم صغار احطهم في بيت امي بس للامانه اذا طلعت العصر مرات مشاوير مايصلح اخذهم وياي

اخليهم بالبيت مع الخدامه والله يستر عليهم بستره

 

[فيلجاويه_عسل]

حبيبتي أنا من رايي ما أحب الياهل والخدامة أخليهم بالبيت بروحهم حتى لو بروح الجمعيه أو الطبيب

سبحان الله ما تدرين شنو نوايا الخدامة 00 إهيا يالله تتحمل نفسها تبينها تتحمل ياهل مو ضناها

وما يقربلها عشان تحن عليه 00 أنا عندي أطق طريج الصبح أختم بدوامي وبعدين أودي الياهل بيت أمي مع خدامته

وبعدين أرد دوامي 00 أتعنى ولا أعي نفسي بقلق وحيرة وقاعدة على أعصابي

 

[b6o6a]

اقطها بيت امي مع الخدامه واروح الدوام مرتاحة البااااااال

 

[كنكونه]

الله يخليكم عيالكم

ومشكورين على الردود

 

[Ftooosha]

عيالي بالمدرسة

 

[نطوووعه]

اودي ولدي مع الخدامه بيت امي لا يمكن اخليه مع خدامه قطيعتهم مجرمين كلهم