واصلة وماجهزت لولادتي !!!!! ساعدوني

[فجورة الشطورة]

السلام عليكم بنات
اناالحين اخر الثامن والبيبي نازل بالحوض يعني زين اذانطرت لي التاسع وماشريت شي للنفاس
ومتوهقة بالكفر ابيكم تساعدوني ابي محل ادخل واحصل فية اكيد مابي حريم
مالي غيركم ساعدوني ماقدر امشي حيل
ومشكووووووورين

 

[غرقانه]

اذا الكفر تبينه ناااعم روحي ياقلبي

شوفي دبنهامز عندهم اشياء حلوة

وفي بعد ترافيلو.

اتمنى اكون افدتك

 

[توتا حمرا]

ااب

 

[فجورة الشطورة]

ترافيلو اي صوب صاير

 

[منتهى الرقه89]

اولاا.. الكفر ناعم واسعاره مابين ٩٥ ل ١٣٠ عندج صفاة الغانم في نواعم وحلووين..
ثانيا.. قميص النفاس عندج الطاهر او انور او اتيكيت وايفوري خاصين لملابس النفاس بس..
ثالثا.. يبيلج ٣بجايم داخليه ودراعتين عاديات للبيت لان مو كل يوم تلبسين قميصج الكشخه..
رابعا.. باندين وملفعين قطن ودلاغات من اي سوق عادي..
خامسا.. الشحاطة عزج الله تلاقينها بمحلات قمصان النوم اللي قتلج عنهم فوق..
سادسا.. يفضل يكونون الوانهم مابين الابيض والاوف وايت احلااا وارقي..

ان شالله اكون فدتج ..

واذا تحبين معلومات بعد عن التقديم او تجهيز البيبي او مخلات ارخص من هالاسعار او اي شي انا حاضرة..

والله يسهل عليج امووورج يارب..*

 

[noo7a]

تروفاليو صاير يم الافنيوز
ورى النصر


وعندج زارا هوم انا اخذت كفري منهم

 

[امواج الكويت]

البنات ما قصروا وشوفي عند نيكست الافنيوز

 

[om 7sony]

حق الكفر روحي الافنيوز
اذا تبين شي ناعم
في دبنهامز وزارا هوم وشوفي اذا تلقين ببوتري بارن
اكثر من محل بمكان واحد
واذا تبين مري تروفاليو <<< معنه ما عجبني
وصفاة الغانم <<<< صايرين ورا الفانيوز
كلهم بمكان واحد ,,,, توفرين وقت الفراره

 

[اخت خالتهم]

الله يقـومج بالسـلامـه يـااارب

 

[فجورة الشطورة]

مشكورين حبايبي ماقصرتو

 

[أأأميرة الورد]

رفع

 

["Om 3AzOoZ"]

حبيبتي مثل ماقالوا البنات دبنهامز او بوتري بارن او زارا هوم او صفاة الغانم اول ثلاثه تلاقينهم بالافنيوز.

 

[awashamen7asha]

مجمع النقره الشمالي انا خلصت شغلي منه : السرداب ايفوري و القاسم قمصان و شحاطه دانتيل
اكو محلين يخلصلج الكفر و القميص و ملحقات البيبي
مجمع النقره الجنوبي : خذيت السوالف الداخليه و بجايم البيت
الافنيوز: زارا هوم و دبنهامز و نكست و ذا ون للكفر والكوشيات نظام نعوم
البيبي : الجمعيه خلصي المميات وقطن الصدر والمشط و المقراضه و الكريمات و الصابون والشامبو و صابون غسيل ملابس البيبي.
جونيورز: ملابس و مهادات و فوط وفنايل و دلاغات و كبابيس .
الاسواق الشعبيه (المعلم و مستوره ) مهادات و كفر و كنابل و فرشه دانتيل للتقديم.
و عسى ربي ييسر امورج