واخيييرا زوجي قال لي

[منجامور]

بنزور الكويت


السلام عليكم ورحمة الله وبركاته...

للمعلومية حطيبت موضوع في سياحة الكويت بس محد عبرني:eh_s(2):

فقلت مافيه الا قسمي المفضل :eh_s(7):

الموهيم امس زوجي الغالي قال لي

انه بعد كم يوم بنروح الكويت
وقال لي سوي الينا برنامج حلو لمدة يومين
ومعانا طفلة قمرة عمرها سنتين

قلت له ابشر باحلى جدول

فديتني والله واثقة من نفسي كاني اعرف الكوييت

وطبعا الكويتيات اللي بيساعدوني :eh_s(7):

ابغى

احلى المجمعات والله سمعتكم تقولون عن الافينوز والفنار وشرق حفظت اسمائهمالمطاعم

والاشياء الحلوة


والفنادق اللي اسعارها مناسبة

وو بس

لاتبخلوا علي بالردوود:ggdw:


لاتنقلوا الموضوع لا اتحطم:krkrkr:


والسلام عليكم:eh_s(8):

 

[ღ TőOőma ღ]

اول شي راح تنورينا :eh_s(7):

واذا تبين في فندق المرينا انا احبه لان اذا طلعتو منه تروحون السوق مشي والصبح تتمشون عالبحر يعني احب اجوائه مريحه

و في فندق موفنبك اللي بالبدع عجيب :eh_s(15):

والافنيوز فيه كل شي المحلات الي تبينها تلقينها هناك كلها تقريبا انا كل اسبوع لازم اروحله

واذا عن المطاعم مع الفراره راح تلقين لان ماكو شي معين :eh_s(10):

 

[منجامور]

توما فديتج والله

يسلموا على ردج

وانا على الاكيد بستانس :ggdw:

 

[كتكوته ورديه]

نورتي ريتج

 

[! بــدويه وآآيــد !]

،

اكبر مجمع الافنيووو وكل شي فيه ملابس اكسسوارات ساعات جناط ملابس ومتروس مطاعم وفيه كارفور بعد

شرق مجمع قديم عندنا بس حلوو وفيه مطاعم ومحلات حلوه للجناط والساعات والعطورات والجواتي عزج الله وغيره

عندج شارع سالم المبارك فيه مجمعات سطره يم بعض الفنار والبستان ونسيت بعد

المهلب بـ حولي

ومطاعم عندج شارع الخليج كله مطاعم واذا تبين جو شاعري انتي وزوجج ماتنسينه قولي لي اقولج اسم المطعم بس لازم تحجزين بس مايصلح ومعاكم قمر صغيره

مجمع الكوت بالفحيحيل اهل الخفجي يتسوقون فيه ولو تروحين له تلاحظين فيه سعوديين واجد حلوو وفيه مطعم اسمه ميجانا حيل حلو وفيه

وفيه مجمع 360 جديد تقريبا اغلب محلاته ماركات وفيه محل ايلي صعب هناك

ومجمع البيرق بس للأمانه مارحت له

تقدرين تودين بنوتج الاكواريوم " المركز العلمي " حيل حلو وراح تستانسون فيه

والفنادق للامانه ماجربت فنادق الكويت بس موفينبك والمارينا يمدحونهم وفيه فنادق ارخص بالخليج لما تمشين على شارع الخليج راح تشوفين فنادق واجد

ويآآرب تقضوون وقت حلووو وحياكم

 

[عروس فبراير]

رد : رد: واخيييرا زوجي قال لي

حيااج الله
بالنسبه للمجمعات عندج الافنيوز- سوق شرق- الفنار- مرينا- 360
والفنادق عندج هوليدي إن إلي بدسمان اسعاره مناسبه
المطاعم عندج فرايديز - جيليز - روبي تيوزدي يم الابراج - ميس الغانم - برج الحمام (هذيل كلهم ع البحر)
وعندج مطعم فيلا فيروز بالشعب البحري .. واذا تبين مطعم كباين عندج مطعم قيصر بالسالميه

روحوا الابراج - روحوا المركز العلمي - روحوا فيلجا والله وناسه تغير جو
وان شاء الله تستانسين
بس بغيت اعرف انتي سعوديه ؟

 

[ام ريماس خوخه]

رد : رد: واخيييرا زوجي قال لي

البنات ما قصروا وحياااج بين اهلج وانشاءالله تكون رحله موفقه حبيبتي وهلابج مره ثانيه بديرتج الثانيه

 

[وآحشنــي زمآنـك]

رد : واخيييرا زوجي قال لي




بتنوريناا ..


الفنادق المارينا والموفمبيك وفيه بفندق روتأنا المنشر بالفحيحيل ..


والمجمعاات الكوت وشرق حلووه قعدتهم صااير عالبحر ..

والأفنيووز أكبر مجمع وفيه محلاات حلووه ومطاعم مثل رأيس وفيلا فيروز ولونتور وكذاا مطعم ..


وجوكلت باار بالبدع والأفنيوو ..


ومطعم برج الحمام حلووه قعدته عالبحر ..


ومطعم فريج صويلح للأكلات الشعبيه ..

 

[RǾşє βαяяỹ]

رد : واخيييرا زوجي قال لي

تنورينا حبيبتي :eh_s(17):​

 

[الـفـجـر الـبـعـيـد]

البنات ما قصروا وحياج الله فبلدج الثاني الكويت

ييتوا بوقت حلو وقت الاحتفالات :eh_s(9):

 

[noo7a]

البنات ما قصروا
بس لو تدخلين قسم السياحه في الكويت
راح تلقين تقارير كامله عن الاماكن الي ذكروها البنات

 

[منجامور]

بعد قلبي والله اللي ردوا

انا سعودية

فديتج والله بدوية وايد ماتقصري

والله عاد اللي عندي مايستغني عن البنوتة مع انش حمستيني الى المطعم

عاد ريلي بيستانس على كارفور


عروس فبراير مشكورة

والله ابغى مطاعم مفتوحة مو كباين :eh_s(16):

واحشني زمانك

ريلي راح مرة شغل وجرب فريج صويلح وعجبه


شنو ذا فيلجا

اممم

مشكورين لكل اللي ردوا



نوها حبيبتي دخلت قسم السياحة وافتر راسي ماعرفت

فقلتت بسال عشان اروح احلى الاما كن عندكم



:eh_s(17):

وردة لكل اللي ردوا

 

[منجامور]

ايييييييه صح


احلى سينما:bbbiu:

ارائكم قبل لاانطرد من القسم؟؟

 

[دانة حبيبها]

رد : رد: واخيييرا زوجي قال لي

:
:


بتنورينا اكيد ..

انا انصحج تروحين الاماكن الي ما عندكم منها بالسعوديه ..

روحي مسرحيات و سينمات ..

و تقريبا كل المجمعات فيها سينمات ..

ودي بنتج مجمع ديسكافري سمعت ان في محل هناك حق البنوتات تقعد تلعب فيه وانتي تتسوقين

و يسونها جنها اميره .. و روحي حولي بارك حق الالعاب وجذي

و الباجي البنات ما قصروا ..

ولازم تمرين شوكلاته بار ..

و اذا على فندق انصحج بالمرينا لان مكانه روعه و يمه سوق و مطاعم


:
:

:
:

 

[فديت نفسي..~]

رد : رد: واخيييرا زوجي قال لي

رحله سعيده يا حلوه

 

[منجامور]

مشكورين ماقصرتوا​

 

[مــســك]

رد: رد : رد: واخيييرا زوجي قال لي

حياج الله حبووبة ..:/

 

[ام ريتاج.]

رد : واخيييرا زوجي قال لي

البنات ماقصرو وياج وياهل فيج بين اهلج وربعج :eh_s(17)::eh_s(17)::eh_s(17):

 

[صمت المرافئ]

رد : واخيييرا زوجي قال لي

نورت الكويت
حبيبتي ما راح أقولج عن المجمعات
عندنا وعندكم خير
البنات كفوا ووفوا
بس إذا حابة أسواق قديمة وتراثية
روحي سوق المباركية
يونس ...
والله الخليجيين يستانسون وايد من هالسوق
اهو محلات رخيصة ... فيه حتى محلات 100 فلس تونس
وشغلات حلوه وحواويج وكل شي
وفيه مطاعم حلو تتريقين فيها بالهواء الطلق
على طرف السوق يم المسيد
خبز خباز حار وجاي مخدر على الفحم
قعدته حلوه ...
ومو بعيد عنه سرداب الشايع
إذا حابه مكياج أسعاره حلوة ورخيصة
سواء مكياج المنصور أو غيره
​

 

[mrs.3wesha]

رد : واخيييرا زوجي قال لي

ماقصرو خواتنا يعطيهم العافيه

وراح تنورينا حبيبتي