واخيرا وافق ريلي على التلقيح الصناعي

[ايمان80]

قوة بنوتات كويتيات..بدخل بالموضوع على طووول
مثل ماتعرفون انا صارلي سنة متزوجة وماحملت طول هالفترة..كان عندي الدورة مومنتظمة وحجم البويضات صغار وهلكوني بالكلوميد بدون فايدة ..وبعدها غيرت دكتورتي وطلبت مني اسوي اشعة الصبغة وفعلا سويتها وطلع عندي الانبوب الايمن مسكر وفتحوه ولله الحمد والشكر ..وكان ومايزال املي بالله كبير ان راح يرزقني بالذرية مثل مارزق غيري..وخاصة ان اغلب اللي يسوون الصبغةيحملون بعدها بس ماصار حمل للحين
وزوجي ماكان راضي اسوي تلقيح صناعي يقول لي تو الناس..بس انا متقطع قلبي عاليهال وادعي ربي ليل نهار بأنه يرزقني وغيري اليهال..
فاستغليت الفرصة بعد عيد زواجنا بيوم وكلمته وفهمته شنو التلقيح الصناعي..طبعا هو عطاني محاضرة طويلة ان ممكن يطلعون يهال معاقين من هالتلقيح والدليل عنده 3 من ربعه بالدوانية عيالهم معاقين.
قلتله خل نجرب والله يعطينا الولد السليم المعافى..سكت فترة وبعدها قال انا موافق مع اني مومتطمن حق هالشي..بس بعد ماتريحين شهرين ..فرحت وايد انه وافق بعد ماكسرت خاطره

بس انا سؤالي الحين..اي دكتورة تنصحوني اروح لها من بعد تجربة طبعا(ناهدة العلي والا فوزية القطان) وتسوي التلقيح بالعيادة والا مستشفا؟ ياريت تردون علي بنات وتفيدوني! :eh_s(6):

 

[مظلومه ياناس]

الله يرزقج انشاءالله بدون تلقيح ولاشي قولي امين........... انا يوم حملت بولدي كنت مقرره اسوي تلقيح صناعي واتفقت انا وزوجي نسويه شهر 8 وسبحان الله شهر 7 حملت وانشاءالله فالج مثل فالي وجبت احلى ولد بالدنيا

الحين انا مقرره اسوي تلقيح صناعي عند الدكتور منصور الصليلي بالجهراء وموعدي يوم 19 الشهر

 

[um 3li]

والله اختي انا هم بسوي تلقيح صناعي مع ان حملي الأول كان طبيعي الحمدلله وبعدها تأخرت سنة ونص بدون حمال ولما سويت أشعة الصبغه حملت بنفس الشهر الحمدلله بس الله مقسملي ان الياهل يتم واجهضت .. الحمدلله على كل حال

اختي هم انا محتارة وين اسوي التلقيح الصناعي وياريت البنات يفيدونا ... بس اول مرة اسمع ان التلقيح الصناعي يطلع الياهل معوق لاقدر الله ؟؟؟؟؟؟؟؟؟؟؟؟؟؟؟؟؟؟؟؟

 

[ايمان80]

والله اختي ام على حتى انا مثلج اول مرة اسمع ان التلقيح يطلع يهال معاقين,,وهالشي سمعته من ريلي
بس بتأكد اذا سويت التلقيح من الدكتورة من هالمعلومة

 

[TeAcHeR_BeZaRiN]

بعد عمري عسى لله يرزقج بالطفل المعافى الصالح من غير التلقيح الصناعي

حبوبة جربي لما اتيج الدورة انج تشربين دارسين وزنجبيل ترى حدهم ينظفون ويكبرون البويضات

 

[MsMoonlight]

سويت عند ناهده العلي تلقيح صناعي قبل سنتين بس الله ما كتب بعدها بشهر حملت بدون علاج ..

اتكون العمليه بالعياده و ما تاخذ نص ساعه .. و لازم تنامين على ظهرج لمده ساعه و بعدين اتواصلين حياتج الطبيعيه ..

انا الحين اراجع عندها الحين انشاء الله يكتب فيه الخير ..

كافي معاملتها الحلوه و كلامها اللي يطمن

 

[bnt_kwt]

لا يبا الياهل ما يطلع معاق حبيبتي
الاعاقه تصير بالوراثه او الحمل اللي على كبر

او اذا كان في نقص بالاكسجين حزه الولاده
لاقدر الله

والتلقيح الصناعي ماله شغل بالاعاقات

 

[كويتيه مذهله 87]

هلا حبيبتي
انشالله يرزقج الذريه الصالحه قريب يارب

شوفي الدكتورتين الي ذكرتيهم وااااااااااااااااااااااااااااااااااااااااااااااااااااايد شطااار انا كنت ارجع عند الدكتوره ريم صافيي مع فوزيه القطان بس ما ارتحت لها يعني انتي اذا بتسوين تلقيح صناعي دقي عليهم وقولي ابي د فوزيه هي الي تسويلي ما ابي غيرهاا اذا وافقي توكلي علي الله لانهااا ماشالله عليها وايد شاطره بالتلقيح الصناعي

اذا قالوا ما تقدر تسويلج روحي للدكتوره ناهده العلي انا الحين اراجع عندهاا وهي حبوبه وماشالله تعطيج وقتج كله وماتستعيل وتحسينها جنها امج الثانيه


وموفقه


وبالنسبه للتلقيح علي ما اعتقد بعيادتهااا تسويهااا

 

[ايمان80]

مشكورات بنات عالردود..طمنتوني جزاكم الله خير

 

[طفلة العشرين]

عسى الله يرزقكم ويجبر بخاطركم

حبيبتي أهم شي الدعاء

ادعي أن الله يرزقج الذرية الصالحة حسنة الخَلق والخُلق

وبالتوفيق

 

[Pissy Missy]

انا تأخرت سنه ما حملت وراجعت عند عاليه الفضلي وسوتلي تلقيح صناعي بس ما الله كتب وعقب شهرين حملت بدون علاج وفي حمالي الثاني هم سويت عندها التلقيح وحملت.....التلقيح يسوونه بالعياده ولازم قبلها تاخذ عينه من ريلج وبالمختبر يقوون الحيوانات المنويه وبعدين يسوولج التلقيح وتظلين نايمه على ظهرج ساعه وبعدين تمارسين حياتج الطبيعيه

 

[ايمان80]

يعني ام يوسف تنصحيني اروح حق عالية الفضلي؟
انا محتارة حق اي دكتورة اروح..مابي وحدة تبهدلني ابي وحدة شاطرة

 

[ni3ssani]

اختي

لله يرزقج بالطفل المعافى الصالح من غير التلقيح الصناعي
:tek: