واخرتها مع هالمطاعم ؟؟

[FUSHIA-GIRL]

كويتيات يا حلوات
حابه افضفض واقول لكم تجربتي
اليوم الله يسلمكم طلبت من مطعم فاست فوود ...
وبالعاده انا دايما اطلب نفس الطلب وكان الحساب 5,200 ومع الوقت ابتدي يزيد 50 فلس
اليوم يوم طلبت وخلصت والا يصدمنى انه الحساب 5,600 !!!!!
يعنى 600 فلس توصيل حق مطعم فاست فوود !!!
شالمسخره ؟؟؟ وين يقولون مراقبين الاسعار :bbbiu:
بجد والله انقهرت الحمدالله الخير وايد ومايت على نص دينار بس انا من النوع اللى ماحب الاستغلال
انتو اشرايكم ؟؟

 

[manoooram]

حبيبتي الغاليه
استغلال التجار للناس هذا شي طبيعي
بسبب افتقار الرقابة وانعدام الذمه أساسا
من قبل العاملين بوزارة التجارة وحماية المستهلك

 

[Beyoncee]

معاج حق لا وفيه مطاعم المنيو كل شوى بزياده
والله في بمنطقتنا مطعم توصيله ١٠٠فلس صار ٣٠٠
قمت انا اركب سيارتى واييب الطلب ولا منته

 

[درة أهل الطولات]

الاسعار مو ثابته

 

[قلبووش]

لانه ماكووووو رقااابه
فيزيدون ع كيفهم لانه يدرون محد راح يحاسبهم

 

[PuPa^^SWeeT]

يمكن زااد سعر الصموونة


ولا سعر الطلب كله زااد



معقووولة توصيل


هذا يبيله شكوى رسمية


شنو 600 فلس

 

[دلوعة صلوح]

اى والله صارت معاى بس انا عبالى ان زايد قيمة الوجبة ولما قريت الفاتورة طلع زايد
ع قيمة التوصيل قبل 150 الحين 300 بنات القصد مو السعر لا قصدنا وين الرقابة عنهم
حسبى الله عليهم كل شئ زادوو الله يعينا .

 

[الأميرة جوري]

بصراحه ملاحظه هلشيء حتى في المطاعم المفضله كل شيء زايد ...

 

[_كلي دلع_]

لانه مافي رقاابة عليهم يعني اليؤؤم 200 وويرفعونهااا 500 او 400 يعني عندهم عادي والسبب مافي احد يراقبهم ..^

 

[اميره1980]

انا صارت معاي بس يا ريت على زيادة 600 فلس
طبعا صارت وياي بمستشفى خاص اول ما سالتهم عن قيمة التحاليل قالولي 325 دينار قلت اوكي بيوم الموعد ادفع القيمة كاملة و لمن صار يوم موعد التحاليل قالولي 400 دينار لييييييييييييييش ؟ فرق 75 دينار و لمن تهاوشت وياهم ردوه حق سعره الاصلي

كل مكان نصابين مو بس المطاعم
يبيله رقابة

 

[miss_jamsheer]

امبيه كل مكان انا شيليز امووووت عليه امبيه علي كل طبق الحين زايد مو اقل من دينار
وحتي المستشفي بولدي طلع حسابنا٧٥٠ مع كلللللل شي وريلي دخل معاي الولاده وكل شي
الحين ابنتي طلع ٨٥٠ ويمكن اكثر وريلي مادخل غرفه الولاده كلش مايصير طبعا اقصد وقت الطلق كنت بروحي مايسمحون يدخل اذا بتدخل تدفع ٤٠ ومااذكر بعد سوالف حيييل ناقصه طلع اكثر فوق ١٠٠ ليش اشدعوه وحتي المراجعات المستشفي امبيه كل شي زاااد والحين بيزيدون الرواتب الله يستر مادري شالفايده يزيدون الرواتب والاسعار تزيد انزين شنو سوينا ولا شي

 

[FUSHIA-GIRL]

المفروض نشتكي بس منو نكلم
ونسيت اقول لكم يوم بغيت اشوف الفاتورة والا بس مسوي فاتوره خاصه بدون السعر بس الطلبات ومطبوعه بالكمبيوتر !!!

 

[عـواشـه]

صصح كلامكم كل ششوي قامت الاسعار ترتفع والسبب عدم وجود رقابه فيزيدون على كيفهم باجر تلقون التوصيل دينار !!