واحِشْني قَد الْكون بس انْتوا ماتدرون ,, أخَبي فّي قلبْي أشواقي و شجوني

[أم ورود الحلوه]

بقلمي​

​

وَحْشَتْني سُواليِفَكْ ,,, وَحْشَت شوفِتِكْ أكْثَر
كِلْ لَيله مَعْ طيفكْ حَبِيبي أنَا ,,,,,,أَتـْـحَــسَــرْ​

سالم 22 سنه ,,, متخرج من معهد تكنلوجيا و موظف بوزارة الماليه

سعد 23 سنه متخرج من الجامعه كلية الآداب و موظف بوزارة الخارجيه ,,,
يحب مروج بنت خاله و أصغر منه بسنه و تشتغل سكرتيره بمدرسه

عادل 24 سنه ضابط و متفق مع شوق بنت خالته على الزواج ,, شوق تدرس بالجامعه لها ثاني سنه تخصص علوم اداريه ,,,,,

بطلة قصتنا الهنوف بنت خال سالم و سعد و عادل يتيمه توفى ابوها و أهي صغيره تربت في بيت عمتها شيما ,, الهنوف تدرس بكلية التربيه تخصصها تربيه فنيه,,,,, شيما تصير خالة الشباب الثلاثه
بالصاله

أم عادل : سالم سااااااااااالم سااااااااااالم ,,,,,,,,, شفيه هذا ما يسمع ؟؟؟؟؟ صارلي ساعه اناديه

عادل : اي يمه شكله خايف من الموضوع

أم عادل : ويهه ماعوزه يلقى وحده مثل الهنوف عشان يرفض .....

سعد : يووووووه يا يمه يعني غصب واحد فينا يتزوج هالمليقه نفسها خايسه و الضحكه بزووووووووور تطلع منها ,,,,

أم عادل : اقول اسكت اسكت انت و اخوك هالاثول اللي ماعنده ذوق مثلك ,,,, أحد يخلي الهنوف الزين و الادب و الاخلاق و ياخذ هالمايقات شوق و مروج ..... أقول قوم قوم يالله ناد أخوك خل أكلمه ,,,,

يقوم سعد و اهو يضحك ,,,,, جاك الموت يا تارك الصلاة >>> يصارخ يسمع أخوه سالم



بغرفة سالم


سعد : سويلم قوم يالله أمي تبيك ,,, بتخطبلك سفيره هانم ((( هنوف ))

سالم : غربلك الله ,,, ما تعرف تقول لأمي أن سالم طالع

سعد : الله يالغباء يعني امي ماتدري انك بالبيت ,,, قوم يالله

يطلع سالم من غرفته يتأفف ,,,, و سعد وراه يغني
يا معيريس عين الله تراك ,,,, و القمر و النجوم تمشي وراك ,,,,



بالصاله



يطيح سالم على راس أمه يبوسها
سالم : يمه تكفين أنا حاظر باللي تبينه إلا هالمليقه فيكيني منها ,,, ما اشتهيها ويييييييييييع ما أبلعها

أم عادل : ويعه عمى و أنا اقول انت أسنعهم جبح ويهك طلعت ارداهم
شوفوا حبايبي سوالف حب و خرابيط هذي مو عندي ,,, الله عطاكم ثلاث ايام فكروا فيها لازم واحد منكم يتزوج الغاليه بنت الغالي الله يرحمه ,,,, فاهمين
و انت يمه سويلم استخير و فكر ,,, فاهم
يالله أهو قوموا فزوا خل أشوف مسلسلتي ,,,, نور و مهند

عادل : طاع الوالده تقول ما ابي حب و خرابيط ,,, و اهي ليل ونهار متيبسه جدام نور ومهند

أم عادل : خير شتبي يما

عادل : لا يما سلامتج ,,, تامرين بشي ..

أم عادل : بحفظ الله
يطلعون الشباب منالغرفه و كل واحد يتحلطم بصوب ,,,,,,,,,


يتبع ​

 

[أم ورود الحلوه]

عند باب الغرفه
سالم : شوفوا حبايبي مو عشان انا الوحيد اللي ما أحب تبلشوني بهالخبله
عادل : سالم تكفه يا خوي فديتك ,, تدري فيني متفق مع شوق على الزواج حرام عليك تبني مصلحتك على قتل قلبين عصفورين مالهم ذنب,,,!!!
سالم : لا يا شيخ و أنا اللي اكلها ,, خلاص خل يتزوجها سعد
سعد : هوب هوب شفيك نسيت ان مروج حبي الاول و الاخير من كنت صغير ياي اللحين تهدم حبي و حلمي ,,شوف يا خوي انت لازم تضحي عشان اخوانك
عادل : او تكسر خاطر امي شرايك ...؟؟!!
سالم: لا و الله لعبوا على عقلي ,, شوراكم كل واحد اختار حبيبته و زوجة المستقبل و خطط لحياته بس ما تفكرون فيني ,, أنا شذنبي ادفن نفسي مع انسانه لا هي اختياري و لا حلمي ولاتناسبني ,,, بعدين أنا ما ابي اتزوج وحده على ذوق غيري ابي انا اختار زوجتي و اقتنع فيها
ابي اشوف الحب بعيونها ,,,ابي احس اني نفس باقي الشباب افرح يوم الملكه و اجهز لعرسي و انا مستانس ,,يا خي ابي افرح مثلكم
عادل : يا سالم ما عليه يمكن الحب يجي بعد الزواج
سعد : و ماتدري يمكن تكون خيره لك ,, ولو اني اشك
سالم : شوفوا انا عندي حل ,,
عادل : قول
سالم : اسمعوا ,,, انا بقول لأمي اني موافق على الهبله ,,(( الهنوف )) بس بشرط انها ما تخطبلي الهنوف إلا بعد ما تتم ملكتكم انتوا ,,,,
سعد : اي و بعدين ,
سالم : مممم بعدها ,,, بدق أنا على الهنوف و اقولها ترفضني ,,,ماشي
عادل : شرايك اقول لشوق تعملها انك ماتبيها
سالم : لالالا ابي الموضوع يطلع مني عشان تكون متأكده ولا تشك ,,, شرايكم ؟؟؟؟
سعد : صار

بعد ثلاث ايام
أم عادل بالصاله مقابله التلفزيون كالعاده و تقرش بهالفستق ,,, و مندمجه مع نور و مهند ..طبعا الاعاده ,,لأنها عادي تشوف الحلقه و اعادتها ,,
دش سالم و شاق الحلج من زود الابتسامه ,,,
سالم : قوه يا الغاليه ,,أم الذوق السنع
طارت ام عادل من الوناسه اول ما سمعت كلمة الذوق السنع
أم عادل : هلا هلا هلا يما تعال قرب تعال يمي ,, هلا بالغالي زوج الغاليه ,,
سالم : الله يمه تو الناس خليتيها زوجتي
أم عادل : اي زوجتك وليش ماتصير زوجتك بحيل الله بزوجك اياها انشالله و اهي وين بتلاقي احسن منك ؟
سالم : تصدقين يمه انا فكرت بالموضوع وااايد و اكتشفت اني لو الف الدنيا ماراح ألقى احسن من الهنوف ما شاء الله ثقل و ادب و شهاده و سنع ,,, ومنا وفينا و انتي راضيه عنها
أم عادل : يا بعد عمري اي هذا الكلام السنع اللي يسر الخاطر مو كلام اخوانك اللي يقث ,,,
سالم : بس يمه عندي شريط صغيروون
أم عادل : آمر تدلل يا وليدي
سالم : أبي ملكة سعد وعادل تصير قبل ملكتي ,,,لأني حاب اسوي حفلة ملكة حق الهنوف و تكون بوحها محد يشاركها ,,, وبعد عشان أنا بروح العمره قبل لا أملك
أم عادل : اي تامر أمر ,,, باجر اروح أخطب لأخوانك ,, وملكتهم الخميس ,, و الخميس بليل انا خابتلك الهنوف شرايك يمه ,,
سالم : تسلمين يالغاليه ,,,
وباس راس امه وطار من الوناسه ,,, ركض على غرفة سعد
سالم : سعد سعد افتح افتح بسرعه
سعد : هاااا خير شتبي ,,,,
سالم : امي باجر بتخطبلكم انت و عادل ,,,
سعد : صج صج يا خوي
سالم : اي توني كلمتها ,,,, اشوف يالله بسرعه كلم مروج خل أخذ منها رقم الهنوف الغبيه عشان اقولها اذا وافقتي على بنكد عيشتج ,,,,
سعد : أفا عليك حااااضر ,,,,دقيقه خل ادق على القمر


يتبع

​

​

 

[أم ورود الحلوه]

سعد : ألوووو ,,, ألووو قوه مروج
مروج و اللي توها طالعه من المدرسه اللي تشتغل فيها و راده البيت ,,,
مروج : و بحياء (( هلا سعد ,, شلونك ؟؟
سعد : بخير انتي شلونج و شلون الدوام
مروج : بخير دامك بخير ,,, الدوام ماشي حاله ,,, بع بشرني عنك
سعد : مروج عندي لج بشاره بمليون ,,
مروج : صج سعد شنو البشاره ,,
سعد : شنو تتوقعين ,,,
اهني رفس سالم سعد بريوله ,,, سالم : يالله اشوف قولها تعطيني الرقم ,,,,
مروج : مممم ما ادري ترقيت او شي من جذي
سعد : لا شي احلى احلى بوااايد شي ناطره من عمري سنه ,,,
مروج حست ان السالفه فيها خطبه ,,,استحت و سوت نفسها ما تدري ,,,
مروج : شنوووووووو؟؟؟
سعد باجر الوالده بتكلم امج على موضوع زواجنا ,,, و بتخطبج لي ,,,,
سالم : أقول اخلص يالله لا ترفع ضغطي ,,,,
مروج و بتضيع الموضوع ... اسمع صوت عندك ,,,
سعد : اي هذا سالم قام يحن يبي رقم الهنوف ,,
مروج : ليش ؟
سعد : ما ادري بكلمها بموضوع ,, يمكن زواج او شي ,,, و ضحك بستهزاء
اهني عصب سالم وكفخ سعد على صماخه ,, واشرله بايده انه يسكت
مروج : اي في حب من ورانا
سعد: و الله ما ادري ,,,ممممم جم الرقم
مروج : او واذا يبي اعطيه الايميل بعد
سعد ك لا الرقم يكفي
مروج : اوكي راح ادزه لك مسج
سعد : ماشي دزيه خل اصرف سويلم و ارد ادق عليج عشان اتفق معاج على امور العرس
مروج و اهي مستحيه ,,,,ماشي

سكر سعد الخط ...
سالم :يا اثول ليش تقولها ان في حب
سعد: اي شفيك انت مو تبي تبين للكل انك موافق عليها و اهي اللي رافضه يعني تقط الموضوع براسها و تفتك
سالم : هااا تصدق اي صح ,,,تدري اذا كلمت مروج قولها اني احب الهنوف عشان اتفق مع الهنوف انها ترفضني و اقط الموضوع براس الهنوف و اطلع انا المظلوم وافتك ,,,
سعد : اي اي عفيه على اخوي ,,, هذا المخ المدبر و خل المليقه الهبله تاكلها
توت توت تووت
سعد : وصل المسج ,,,
سالم : يالله عطني الرقم
سعد : هاك قيد الرقم عندك
قيد سالم الرقم بجهازه ,,,
سالم : بدق عليها العصر يمكن تكون اللحين بالكليه
سعد : كيفك اللحين يالله بره خل ادق على مروج

بنفس الوقت
مروج : ألو شوق دريتي ,, سالم طلع يحب الهنوف و بيتزوجها ,,,
شوق : صج وناسه يعني بنعيش في بيت واحد كلنا
مروج : انشالله ,,
شوق : انزين خل ادق عليها اللحين و ابلغها
مروج : اي دقي عليها و شبكيني معاها خل اشوف ردت فعلها
شوق : ماشي نطري ثواني
دقت شوق على الهنوف ,,, كانت الهنوف حاطه انتظار اغنية ...قلبي تايهن من عامه الاول الا يا الله يستر من يدله ,,, وابي منها الخبر يقووول يقول لله لله لله,,,
الهنوف : اللووووو عاش من سمع هالصوت
شوق : عاشت ايامج ,,وينج
الهنوف : بالكافاتيريا ,,, الدكتور معتذر قلت اروح اتغدى من امس مو ماكله شي و يوعانه
شوق : بالعافيه ... بس الخبر اللي بقولج اياه بخليج تشبعين
الهنوف : خير غردي
شوق : وي صج خل اشبكج مع مروج معاي على الويتنق
الهنوف : ماشي
شبكت شوق مروج معاهم
مروج : ألوووو
الهنوف : هلا و الله هلا مروج شلونج شحالج شنو مسويه ,, فقدتج
مروج : ما يفقدج غالي
شوق : ها ازفلج البشاره
الهنوف : اي يالله بشروني اللي يبشركم بالخير
شوق : هنوفه ,, سالم يحبج و يبي يخطبج
الهنوف : شنو من صجج تتكلمين ,,, حلفي عفيه ,,
مروج : و الله توه مكلمني سعد وقالي ان سالم يبيج ,, وعلى فكره طلب رقمج و عطيته
الهنوف : شنو خذا رقمي امبيه عفيه قولي الصج
شوق : صج و الله احنا نكلمج جد
الهنوف : واااي الله يبشركم بالخير ,,, اخيرا نطق ,, ذبحني هالولد
مروج : اهو خذا رقمج عشان يبي ياخذ رايج بموضوع الزواج
الهنوف : موااااافقه هههههههههههه
و ضحكوا كلهم من رد الهنوف
مروج : وفي خبر ثاني
شوق : شنو؟؟؟
مروج : سعد و عادل بيتقدمولنا باجر
شوق : وااااي حلفي قولي والله
مروج : والله
شوق : اقول باي باي خل اروح ادق على حبيبي
مروج : باي
الهنوف : باي


يتبع​

 

[♥ الــزيــن ♥]

قصتج فظيييييعه

عفيه كملي

 

[أم ورود الحلوه]

تسلمين
وانشاله بكمل

 

[أم ورود الحلوه]

ردت الهنوف البيت بسرعه ,,,ومومصدقه اللي اسمعته ,, فراحنه و الفرحه مو شايلتها ,,, ركضت لي غرفتها و شغلت اغنية ,,, (( و الله أحبك ,,أحبك يشهد الله علي لما اشوفك ابتسم صدقني ما هو بيدي لا حاسد يقدر يبعدنا أنا و انت لو شوي يالله احفظ حبي لك يا الله ربي يا قوي ,,,,,,
و حذفت روحها عل السرير و قام تاخذها الافكار و الاحلام مني و مناك ,,, مره تتخيل نفسها عروس قاعده بالكوشه و يمها حبيبها
و مره تتخيل مفسها قاعده بأحضانه و يسمعها كلمه احبج ,,,, و مره ,,, ومره ,,,,,,,,,,,
لين غلبها النعاس و راحت بغفوه ,,,,,,,,,,,,,

الساعه 6 المغرب
الهنوف نايمه و تحلم بحبيب القلب و كانت هذي أحلى نومه بالنسبه لها ,,,,, فجأه تقعد الهنوف على صوت رنه التليفون .... قامت الهنوف بسرعه و عدلت قعدتها شافت الرقم ,,, رقم غريب ,,, لا وذهبي بعد ,,, ابتسمت الهنوف و ارتبكت ,,أكيد سالم ,, اي اكيد
الهنوف : واااي ياربي شسوي ,,, ارد او لا ,,<<< تكلم روحها
ماردت ,,,, تصكر التليفون
الهنوف : واي ياربي شقول ,, حدي مستحيه خل ادق على مروج
مروج : ألوووووو
الهنوف : مروج لحقي علي لحقي
مروج : عسى ما شر شفيج؟؟؟؟؟؟؟؟؟
الهنوف : سالم دق علي و لا رديت ,,, استحيت حدي
مروج : غربلج الله , خرعتيني ,,,اي ليش ما رديتي
الهنوف : استحي ,,,, قولي لي شسوي ؟؟؟
مروج : دقي عليه و سوي نفسج ما تدرين شنو السالفه ,,,,,
الهنوف : لا استحي ,,, ش رايج ادز مسج مو احسن
مروج : أي و الله دزي مسج و اكيد بيرد علي و شوي شوي لين تطيح اليانه
الهنوف : ماشي
مروج :
اوكي و بلغيني باللي يصير
الهنوف : اوكي باي
مروج : باي

قامت الهنوف تحوس و تدور في تليفونها لين لقت مسج حلو و ارسلته لسالم ,,,,,

في غرفة سالم
توووت توووت توووت
سالم : شنو شنو شنو
غصب عني انا ماقدر
على صوتك انا اسكر
يموتني ويحييني
لعنبو حبن بقلبي
خذاني من هلي وناسي
رجيتك .. لاااااتخليني !!

شنو شنو هذي من صجها و لا تتهيبل ,,,, يبا شنو السالفه من قص عليها و قالها اني ميت عليها
اكيد ماكو غيرهم يا مروج يا شوق

مسك سالم التليفون وكتب
{{ لو سمحتي ردي علي بسرعه ابيج بموضوع ,, وترى ما عندي وقت ردي بسرعه }}

غرفة الهنوف

الهنوف : ويه شنو هذا هذا اسلوب واحد يحب ,,,, مالت عليه

شوي و يدق تليفون الهنوف ,,,
ترددت الهنوف بالبدايه بس بالاخير تشجعه و ردت
الهنوف : بدلع << ألوووووو
سالم : الوووو زين تكرمتي و رديتي
الهنوف : هههههه شدعوه عذبتك صح
سالم : شوفي الهنوف انا ما عندي وقت بقولج كلمتين و اصكر
الهنوف : ماشي بس ممكن ادق عليك بعد خمس دقايق ,, لأن تليفوني مافيه شحن و بيصكر
سالم : ماشي
الهنوف : اوكي باي
سالم : باي

بعد خمس دقايق​

يتبع ​

​

 

[بيوتي]

وووووووووووينج ... القصـه حلووووة ..

 

[MeeMeeYoo_2]

مسكينه راح تندقر :\

يعطيج العافيه

 

[cup-cacke]

مكسيييييييييييييينه

يعطيج العافيه حياتي..وناطرين البارت الياي