واايد قاهرتني شسوي

[ملكة الفونديشن]

السلام عليكم ورحمةالله وبركاته
بصراحة موضوعي واضح من العنوان راح افضفض لكم من بعد الله سبحانه وابي رايكم وابي الحل..بصراحة انا عندي اختي الي اصغر مني بسنتين انا عمري23احس انها ساعات موطبيعية تغارمني وساعة تخلقلي اي مشكلة واذا احد من اهلي كلمهاتقولعلي اهي الي بدت وللعلم علاقتي معاها موذاك الزود يعني نقعد بالسنة والسنتين مانتحاجة واهي الي تحب هالشي انا من ناحيتي اسامح وطيبة المهم المشكلة بختصار ان احنا مانكلم الحمدالله بس تفاجات فيها تكلم واحدبالنت معاها وطورت العلاقة للفون ويوم ييت اكلمها قلبت الموضوع هوشة وقالتلي ان موحاصلج هالشي عاد انا رديت عليها وقلتلها الحمدالله انا لوابي الف واحدبس انا من الله مابي هالسوالف واخيرتها ماتنفع تضرالمهم استغفرالله قهرتني وخلتني اقولها الشباب وايد وانا لو ابي اكلم جان كلمت جان تقولي لا انتي مقهورة من عندي واحسها صايرة جريئة بالكلام مونفس قبل تستحي بس جد قاهرتني وللعلم قبل كانت تعيب على الي يكلمون مع هالسنة اول مرة تسوي هالشي حتى بمراهقتها ماحاجت كانت ماتحب هالسوالف بس البنات خربوها وتخليني قصب ارد عليها بردنفسها مادري شنو الحل معاها اتمنى تعطوني حل وابي رايكم بالموضوع ...

 

[مــلائكيه]

هدديها ,, اذا ماتركت هالخرابيط بتعلميين ابووج
او اي احد تخاف منه

 

[بنت العارضيه]

قولي لامج تكلمها موزين وانتي لاتكلمينها خلي امج تكلمهاا ,,والله يوفقج انتي وهي الله يستر عليها

 

[ملكة الفونديشن]

هدديها ,, اذا ماتركت هالخرابيط بتعلميين ابووج
او اي احد تخاف منه

مشكورة اختي عالرد ماينفع معاها النصيحة وعبالها الي اهي تسوي شي زين وموسوية غلط

 

[ملكة الفونديشن]

هدديها ,, اذا ماتركت هالخرابيط بتعلميين ابووج
او اي احد تخاف منه

مشكوورة اختي عالرد بس اهي ماتقبل النصيحة لانها تماشي رفيجاتها كلهم جذي وللعلم اهيقبل
ماكانت جذي بس حييل تغيرت واخاف اقول لابوي الموضوع يكبر

 

[Om alfahad]

حبيبتى يمكن انتي تتصرفين وتثيرينها وانتي مو حاسة والاخوات ترى عادى يصير بينهم كل شى ويتهاوشون ويزعلون علي بعض بس ما توصل انكم سنين ما تكلمون بعض وانتى حاولى تشوفين وين الغلط بموضوعية وتشوفين شنو انتي كنت غلطانة في وتحاولين تتقربين لاختج ,اما بالنسبة لانها عندعا علاقة غلط فهذا دورج انج تنقذينها لا تكبر السالفة ةتتحسفون انتي واهي عشان ما تداركتو الموضوع واسلوبج لازم يكون هادى وعاطفى معاها عشان لا تعاند وتصر على الغلط واهم شى انج تذكرينها ان هالشى حرام وغلط ونهايتة معروفة وما راح تنال الا الذنب عند الله والفضيحة وتشويهه السمعة عند الناس والكويت صغيرة بسرعة تنتشر السوالف وبعدين اذا ما تحسفت وردت لله خلاص لازم تقولين للوالدة وخلى سالفة ابوج للاخر عشان مايكبر الموضوع

 

[ملكة الفونديشن]

قولي لامج تكلمها موزين وانتي لاتكلمينها خلي امج تكلمهاا ,,والله يوفقج انتي وهي الله يستر عليها

اجمعيين يارب تسلمين حبيبتي بس لا اعرفها تسويلي مشكلة شكبرها اذا قلت لامي وتقعدتطلع سوالف بعدواهي تقول انا مومسوية غلط مجرد صديق بالفون بس قولولي شسوي لما تقولي انتي محترة وموحااصلج؟

 

[mf6nt el3lat]

مدام ما تسمع علمي أمج ي حلوه أحسسن شيء وبعدين راح تدري أنه هالشيء لمصلحتها
الله يهدينا كلــنا
​

 

[دلوعة عرعر]

مادري وش اقول بس احسن شي تقولين لشخص هي تسمع له ويكون متفهم لاتكلمينها انتي بهالموضوع لانها راح تزيد
وحاولي تحسنين العلاقة معاها لان هذي اختك ومالك غيرها
هذا الي عندي والله يهديها ان شالله ويقوي علاقتكم

 

[lunetta]

علمي امك الحين انتي الكبيره تسكتين عنها ؟؟ وتقولين لو ابي اكلم كثير يبوني
المفروض ماتسكتين عنها اقسم بالله لو اختي كان ادبتها

 

[شذى2007]

لاتسكتـــــــــــــــــــين وقفيها عند حدها صدقيني الحياء راح يروح منها مع الايام وتتغير وتتطور المكالمات انصحيها اذا ماهدت الطريج هذا رااااح تعلمين ابووووج او اخوووج اللي تخاااف منه

 

[مس روبنز]

حاولي معاها ولا تقطعين العلاقة معاها حدج ثلاث أيام مو سنين

 

[ملكة الفونديشن]

يسلموووكل من ردوو علي والي تقولي اختج ولازم تكلمينها والله اهي الي ماتبي تكلمني وراضية على هالشي لانها عنيدة وماترد على احد بس الله يهديها انشاءالله..
وحبيت اذكر ان هالنك الي انا داشة فية اهومال اختي الكبيرة دايماتسوي مواضيع عن المكياج والفونديشن بس وانا اقرا المنتدى فضولي خلاني ادش فيه واكتب هالموضوع لانه مشاءالله فيه تفااعل

 

[سانماري]

أولاً:ماشاء الله عليك خايفة على أختك مع وقفة النفس اللي بينكم
ثانياً:عقدة النقص عندها واضحه لمافسرت خوفك عليها بالغيره منها
ثالثا:اختلاقها للمشاكل وإلقاء اللوم عليك دليل على الفراغ داخلها وعدوانيتها إتجاهك
رابعاً:تفسيرها لأنتقادك لها بعدم قدرتك على الحصول على فرصه لإقامة علاقه هاتفيه مع شاب دليل واضح على غيرتها من إيجابيتك وثقتك بنفسك وإكتفائك بذاتك وعدم حاجتك لإعجاب كاذب وكلام معسول تافه من شاب مخادع
أنت عقلك كبير واضح عليك تخافين ربك ومصير أختك رح تندم فكثري من الاستغفار قدامها ولابد بتتأثر وحطيلهاكتيبات دينيه
وتأكدي لوماكان فيك صفات إيجابيه وحلوه ومو سامعه أختك مدح فيك كان كل هذا ماصار
موفقه حبيبتي وإلى الامام.

 

[فتوشه كويتيه]

حبيبتي ماكو الا انج تعلمين احد كبير اهيه تسويله حساب وتخاف منه لانه مبين انها ماتسمع من اللي ماتخاف منهم وتعاند معاهم .. تعاليلها من نقاظ ظعفها واكيد فيه احد يوقفها عند حدهاااا

انتي اختها الكبيره وغصبن عليها تسمع كلامج وغصب لازم تتدخلين فيها ان كانت غلطاااانه مو عيب

الله يوفقج ويهديها وانشالله تنحل المشكله بأقرب فرصه

تحياتي

 

[الحلللوه]

الله يهديييها

 

[بكل براءة]

اول شي محد راح يخاف علي اختج اكثر من امج وابوج وانتي واثقه من نفسج قولي لامج واهيه بعدين راح تعرف الصح من الغلط انتي موخسرانه شي اهيه من زمان ماتكلمج يعني هالشي ماراح يغير العلاقه بس راح تحطين حدود لتصرفاتها واذا قالت شي قولي احنا ماتعودنا علي شي اسمه صداقه بالفون بين البنت والولد واذا يبي شي حياه يطق الباب ويسمع الجواب اما سوالف بنات الشوارع انا مارضاها بنفسي ولاراح ارضا انج تسوينها وهذي امي بعلمها وهي تتصرف معاج وبعدها اتركيها لاتكلمينها كلش خلي الموضوع بينها وبين امج والله يهديها لاتنقهرين من كلامها ماعندها الا الحجي تاخذج بالكلام وانتي الصح اذا قالت شي قوليلها انتي معقده وبعدها راح تسكت لان هالكلمه فيها تاثير قري خليها تطلع منج مو منها

 

[الغلا كله لبوي]

لاتسكتـــــــــــــــــــين وقفيها عند حدها صدقيني الحياء راح يروح منها مع الايام وتتغير وتتطور المكالمات انصحيها اذا ماهدت الطريج هذا رااااح تعلمين ابووووج او اخوووج اللي تخاااف منه

:rerrerek::rerrerek::rerrerek:

 

[روانتي 12]

حبيبتي استري عليهاا ..عسسى الله يستر عليج

لان اذا فضحتيهاا ماراح تستفيدين اي شي .. وللمعلوميه اذا فضحيتهاا ربي بيفضحج صج انهاا غلطانه بس مو معنى ان

نروح ونفتن لا لاتصيرين مناافقه .. صج اهياا غلطانه بس ماكو الا حل وحيد والي اهوا انج تهددينهاا وصدقيني
راح تخااف و تخرب العلاقه .. اما انج تروحين وتفضحينهاا صدقيني ماكو اي فايده لو فتنتي لان اهلج راح يكونون شاكين فيهاا

اربع وعشرين ساعه .. و راح تدعي عليج اربع وعشرين ساعه فا فكي عمرج من هالششي وخليج على صامت
انتي هدديهاا بما فيه الكفااايه الين ماتخرب العلاقه ... اذا علاقتها شريفه مو مشكله بس المشكله انها تكلمه من تلفون وهذا غلط
قولي لهاا لو يبيج جان تزوجج من زماان .

وعسسسسسى الله يهديهاا

 

[دلوعة أبوهآ]

الله يهديها ..