وأخيرا بعرضلكم إنتاج دوراتي وأعمالي :)

[ريحانة_14]

وبعد انتظار طويل عريض منكم

بعرضلكم مجموعه مختلفه من أعمالي بعضها ديكوباج وبعضها أعمال مختلفه أخرى وبعضها إنتاج دوراتي ورايكم يهمني

نبتدي ببسم الله الرحمن الرحيم
============

أول شي بعرضلكم الأدوات إللي حاطتها بالمطبخ

هذي قطعة خيشة زينتها وحطيتها على باب المخزن لأنه داخل باب المطبخ

2-

هذي لوحة خشب صبغتها وحطيتلها ورده وعلقت منها هالثلاث خرج وعلقتها فوق الجوله شكلها بسيط ونايس

3-

هذا شبك شريته من دايسو أيام ماكان بنص دينار ويبت قطع خيش وسويتهم جياس وترستهم قراطيس ومن بره لصقت عليهم شوية حبات معكرونة / دارسين / فلفل أسود / عيش ... إلخ وعلقته فوق الفريزر علشان يبين إن هذا مطبخ حركات :ggdw:


4-

هالزهيوي لقيته منسدح على ظهره بالمطبخ وأنا أصور الأغراض لأن اليوم راشين البيت كله فطالع من بيتهم وأصابه ما أصابه لووووووووووووووووووول :krkrkr:



لا تردون ليمن أخلص ماعليكم أمر

 

[ريحانة_14]

نكمل
5-

هذي ليفة قديمة زينتها وعلقتها وره باب الحمام عزكم الله من بقايا الورد إللي عدي


6- ونبلش الحين بالديكوباج

هذي علبة ألوان سويتها من قواطي الحليب ملوت بنيتي وإهي صغيره بس لستها أول شي بالخيش علشان يعطي تأثير وفعلا صار حلو


7-

هذا إبرريج حديد صغيرونو من إيكيا واشتغلت عليه ديكوباج علشان أسقي الزرع الداخلي فبيتي


8-

إصيص صغير من الفخار شريته من إيكيا يصلح إصيص ويصلح شمعدان سويت منه 6 بس مو كلهم عجبوني فاخترتلكم هذا
9-

هذا حامل أوراق خشب هم شريته من إيكيا وقبل جم يوم خلصته عجبتني نقشته وايد

10 -

هذيل إصيصين تعبت عليهم وايد بصراحه لكن للأسف الأصايص كانوا بلاستيك فالصبغ كله تقشر تالي عرفت إن الديكوباج مايصلح للأواني البلاستيك

11-

هذي لوحة سويتها بغيت أعلقها بالمطبخ بس قررت أبيعها

12-

هذي مرايا صغيرونة سويتها .. جيكوا على واير المكيف معطي تأثير رهيب لووووووووووول :eh_s(6):


لا تروحون مكان ... بنكمل عندي بعد وايد

 

[ريحانة_14]

نكمل يا حلوات ويا مبدعات

13-

هذي كانت علبه عطر اشتغلت عليها ديكوباج وشكلها طلع جدا لطيف

14-

هذي علبه كرتون مع القرقيعان هم اشتغلت عليها ديكوباج وحطيت فيها هديه ووزعتها

15-

هذي طابوقه جيري كنا نسند الباب فيها بس شكلها قبيح .. اشتغلت عليها ديكوباج وحطيتها بالصاله طلعت أحلى وايد

16-

هذي صينية الرمان استخدمها بالمطبخ ولما سويتها عجبتني وايد

17-

هذي هم صينية الزيتون أستخدمها بالمطبخ

18-

هذي أول تجربه لي بالمطارات .. كانت قديمه عندي وبغيت أقطها لأن راسها خربان فقلت خل أجرب أشتغل عليها ديكوباج ونجحت التجربه .. وباجي المطارات ليلحين ماخلصت منهم

19-

هذي الصينية قاعده أشتغل فيها تعبتني وايد بس شكلها طلع يهبببببببل وراح أحطها لكم باجر إن شالله لأن ليلحين ماخلصت منها .. بس حبيت أوريكم خطوات العمل

20-

وهذا باب غرفتي .. صار فيني Art Attack وقلت بسويه الحين الحين وماقمت إلا لما سويته كله بس طقني عرج عقبها لووووووووووول

===========

والحين بعرضلكم إنتاج دوراتي

 

[ريحانة_14]

ماعليه بنات أعرضلكم إنتاج الدورات باجر لأني بصراحه وايد تعبت وظهري قام يعورني

نطروني باجر بإذن الله أكملكم الصور وترقبوووووووووووووووا المزيد من إبداعات


أختكم

ريحانة_14

 

[.]

ماشاءالله ..

تسلم ايدج يارب..

وناطرين الباجي

 

[MassComm]

وااي شهالمنسدح!!

موفقه اختي

 

[&شوارفسكيه&]

رووووووووووعه بصراحه حدج ابداااااااااع شي شي تسلم ايدج
بس اللي منسدح كش شعر جنبي منه يااااااااااااي يمر علي اسد ولا يمر زهيوي احس اني بموت اذا شفته حده كريه
وحبيت اشكرج على هالابداع نفس ميولي انا احب جذيه بس حبيت اسالج وين ماخذه الدورات يعني من خبره ولا داخله دورات بالاشغال اليدويه

 

[ناتشوو]

يعطيج العافية
صج فنانة
بس كلهم بصوب والزهيوي بصوب

 

[princesse X]

تسلم الأيادي

 

[ريحانة_14]

رونة : الله يسلمج حبيبتي ويايتج بالباجي إن شالله

مس كوم : الصراحه ماقدرت أقاومه قلت خل أصوره لووووووووووول

شوارفسكية : تبين الصراحه ما دشيت ولا دورة .. قريت جم كتاب وكنت أروح محلات دسمان وإللي بمجمع واره وأسأله هالماده حق شنو وهالماده حق شنو ؟ وأرجع البيت وأجرب وشكثر خربت أغرااااااااض

ناتشو : أحرجتيني بس الزهيوي هذا من ضمن الفن لوووووووووووول وتولدين بالسلامه ياربي

برينسس : حياج الله حبوبه وسلميلي على عرايسج الحلوين

==========================

والحين بنات بحطلكم إن شالله إنتاج دورة 2006م للديكوباج وصورة وحده لإنتاج 2008م للأسف باقي الدورات الضروف ماسمحت أصور إنتاجها


ترقبوا

 

[فطفط نجد]

موفقه

 

[ريحانة_14]

عدنا إليكم من جديد مع المزيد والمزيد )
=================

هذي الأدوات قبل التزين وإللي بنشتغل عليها

وهني البنات قاعدين يشتغلون فديتهم بعد قلبي

وهذا شغلنا بعد اللصق والتلوين وشغل امتد لفترة إسبوعين .. وهذي مجموعتي أنا ( مجموعة الروزماري )

وهذي مجموعة الآنجيلز

وهذي مجموعة الـ kids بصراحه عجبني شغل هالبنت حييييييييييل وطلعت فنانه ماشالله عليها

صبروا خكمل ماخلصت

 

[أم الطيب]

الباااااااااااااااااب روعه

شلون سويتيه بالتفصيل عفيه ؟؟


يعطيج العاااااااااافيه حبيبتي

 

[ريحانة_14]

وهذي مجموعة ويني ذا بووووو صاحبتها بنوته نعومه ليلحين تموت بشخصيات ديزني

وهذي مجموعة الكتاكيت

وهذي آخر مجموعه ( مجموعة الكيك والحلاو )

وباجي البنات مارضوا نصور شغلهم مادري ليش

طبعا هالنوع من الديكوباج أسهل نوع وبسيط جدا بس أيضا يبيله شغل ونتايجه لطيفه

 

[ريحانة_14]

بناااااااااااااات

بعض الصور أنا موحاطه عليها إسمي

بس إذا حابين تنقلونها لمنتدى ثاني ماعندي مانع .. وأدبيا وذوقيا أرجو ذكر إسمي عليها :eh_s(4):

 

[فطومه]

تسلم ايدج ياريحانه.شغل متعوب عليه......... وبالتوفيق

 

[روج وردي]

ماشاء الله تبارك الرحمن

 

[ريحانة_14]

الله يسلمج حبيبتي فطومه .. ونستيني بمرورج حياتي إنتي

روج وردي : شكلي بقهويج بالمطاره شرايج

 

[Mrs P!NK]

روووووووووعه ماشالله
بس خرب عليج الصرصور يمه
مجموعه الكتاكيت حلووووه
واكثر شي عجبني الطابوقه والباب

 

[ام حسوني@@]

امبيه مشالله ايننون انزين شنو اسم هالالوان وشنو هالرسمات استكر ويسير نشتغل فيهم على الاستكانات والزجاج