وأأأخير رحت للدكتور عبدالناصر خلاف شوفوشصار معاي ....

[أي معزه!!]

هااااااااي بنوتاااات

وأأأأخير رحت استشارة للدكتور عبدالناصر عقب استخارة وكنت وايد متخووفه

بالبدايه قريت تجارب حرم الحوت وبلونديه المهر وصدى ووووايد تشجعت

بس بدو البنات يشككون بمصداقيتهم وهني وايد احترت قلتي مالي الا الاستخاره

والحمدلله عقبها تطمنت وايد وبنفس اليوم حبيبتي ماكيتوو نزلت موضوع عن عمليتها

وفوفو بعد هني قلت مابدهااااااش

المهم

أنا بسووي تصصغير وشد ورفع الصدر إن شاء الله

طلعت محتاجه لان صدري ترهل والسبه الحمل والرضاعه كل ياهل ارضعه سنتين تعبت

وراحت انوثتي وانا لي الحين صغيره ودي استانس وخصوصا ان جسمي متناسق ماعدا الصدر ونتفة خواصر

والدكتور ياخذ ويعطي ويناقش واذا استشرتي بماكن وكان ما يحتاي شفط او شي يقوول لا ما يحتاج يعني مايبي فايده موووليه

وإن شاء الله عقب العملية بكتب لكم بالتفصيل الممل عنه والنتائج اشلون بتكون


بحدد العمليه الشهر الياي ويمكن امددها

ابي انزل 5 كيلوو احسن

حدددددددي خايفه من البنج وغرفة العمليات مااااابي اشوووفها :krkrkr:

دعواتكم بنااااااات ان اقوم بالسلامه لعيالي

 

[لطوفه 25]

اللة يسهل عليج انشالله وهم سألي عن الدكور عدل مو بس داخل المندى سالي عنة برة

 

[أي معزه!!]

ووين برا المنتدى اللي مسويه تجميل تحلف انها ما سوت ويخشون اذا نتائج زينه

وعموما تطمنت يوم قريت سيرته الذاتيه

استشاري ورئيس قسم جراحة التجميل والتشوهات والحروق
-دكتوراة الجراحة (التجميل).
-زميل جراحي التجميل - جامعة جنوب فلوريدا - الولايات المتحدة الأمريكية.
-عضو جمعية جراحي التجميل والإصلاح المصري.
-مدرس جراحة التجميل –كلية الطب – جامعة الأزهر.
-زميل زائر وباحث بقسم جراحة التجميل – كلية الطب – جامعة جنوب فلوريدا – الولايات المتحدة الأمريكية.



رئيس قسم مو ممارس عادي


وعمليته اللي سواها حق السعوديه طلعت بالاخبار والجرايد شل من كرشها 30 كيلو دهن يعني نص وزني ماشاء الله

أزال فريق طبي في المستشفى السعودي الألماني في جدة 30 كيلوجراما من الدهون المتراكمة في منطقة البطن لمريضة تبلغ 22 عاما، في عملية نادرة. ووفقا لإدارة المستشفى فإن المريضة ظلت لمدة طويلة تعاني من السمنة المفرطة وعوارضها المزعجة من التهاب المفاصل إلى آلام الظهر إلى الالتهابات تحت الجلد و الفطريات، إلى أن أجرى لها الدكتور عبد الناصر خلاف رئيس قسم التجميل في المستشفى عملية استئصال ما وزنه 30 كيلوجراما من الدهون المتراكمة في منطقة البطن. وأكد الدكتور خلاف أن عمليات استئصال الدهون أصبحت آمنة وذات فعالية عالية، ثم بفضل الخبرة الطويلة والتقنيات الطبية الحديثة، ولكنه أضاف أن العملية كانت كبيرة و خطيرة نتيجة لوزن المريضة الكبير حيث وصل وزنها إلى 225 كيلوجراما. وحول احتمالية عودة تراكم الدهون قال الدكتور خلاف إن الخلايا الدهنية لا تتكاثر في العدد ولكن تتضخم في الحجم لذلك من المستحيل عودة تراكم الدهون في المناطق التي أجريت فيها العملية.

 

[sugar lip's]

اي والله صاجه .. اللي تقولج رجيم قاسي واهي كانت مليون وفجأة انشدت ... واللي تنقولج ماسويت شي بروحي نزلت .. واللي تقولج قهر .. و فجأة صارت باربي .. مايقولون

بس صج دكتور عبدالناصر وايد مادحينه وعن تجربه ..

 

[المتالقه دائما]

سلامتج جدامج مقدما

لاتحاتين دكتور شاطر

الله يوفقج

 

[ام عفاف الكويت]

عسى الله يوفقج
وشدي حيلج
وطمنيني امانه عليج

 

[رفوله عسوله]

الله يوفقج ويسهل عمليتج ان شاءا لله وتردين لعيالج وطمنينا حبي

 

[MacIaToOo]

الله يقومج بالسلامه وتشوفين النتيجه بعينج وتصدقين كلامى
متى خذتى موعد؟بأى مستشفى بتسوينها الزهير ولا السلام؟

 

[النويره]

صاجه لطوفه لا تعتمدين علي المنتدي سالي بره المنتدي وانا كل ما سالت عنه بره المنتدي محد يعرفه عشان جذي مستغربه حيييل !

 

[النويره]

كل وحده تدش ماكو عوار كلش وماكو الم انا استغرب بصراحه اذا شايله الضرس تذبح انا رفيجتي مسويه عمليه تكبير لصدرها قبل يومين اكلمها مو قادره تتكلم تقولي عوار واهني بصراحه استغرب كل وحده تقول شفط وما ادري شنو وماكو عوار ولا الم هذا كلام يدخل العقل عمليه هذي مو لعبه
لا احد يزعل من كلام الحق

 

[لطوفه 25]

النويرة صاجة والله

 

[ام الجميل ناصر]

عزيزاتي الشفط مافي الم .... بس تحسين بضيق
واما ... الشد ... فيه الم بس مو ذاك الزود
ووصف اللالم على تحملك انتي لللالم في ناس تموت من الالم ولاناس لا ..
انا عندي خلع الضرس اصعب من الشفط بوايد
اما تكبير الصدر سألت اكثر من دكتور ..واحد قال الم اقل من شد البطن والثاني قال بس يومين ويروح بمسكنات والثالث قال انتي وتحملك
والله العالم ... بس اللي تبي تسوي اي عملية لازم ترفع المنااعه عشان تتشافى بسرعه ... وتقوي دمها وعضلات جسمها
لان العضلات تساعد بسرعه ....والمرتخية تتعب لان الجسم يساعد نفسه
الله يوفقكم

 

[توتا5]

كل وحده تدش ماكو عوار كلش وماكو الم انا استغرب بصراحه اذا شايله الضرس تذبح انا رفيجتي مسويه عمليه تكبير لصدرها قبل يومين اكلمها مو قادره تتكلم تقولي عوار واهني بصراحه استغرب كل وحده تقول شفط وما ادري شنو وماكو عوار ولا الم هذا كلام يدخل العقل عمليه هذي مو لعبه
لا احد يزعل من كلام الحق

صح كلامهم من غير مبالغه
انا سويت شفط وشد لبطني ماحسيت بشي
وسويت غمازه بموت من العوار وماني قادره استحمل
اتصدقين

 

[<ظبيه>]

انا سويتها عنده سهالاااااااااااات والنتيجه فوووووق الروعه
ربي يقومج بالسلامه لاتحاتين الدكتور فنااااااااان وعارف شغله عدل

 

[فوفو00]

خواتي لما سويت عملية التحوير كنت كل ساعه ابي مسكن بس بالشد والشفط والله من حط لي من العملية ماطلبت وكانو يمرون السسترات ويسالوني بس الحمدالله

 

[كرسبي كريم]

توكلي علي الله وسويها وانشاء الله
وانشاااء يارب تقومين بالسلامه وتشوووفين اعيالج يااااااااااااااااااااااااااااااااااااارب

 

[$$مذهلة$$]

عيل انا بعد بهون عن التحزيم ولا السليف وبروح احدد موعد شفط وشد انا كنت احاتي انه مايشفط الا شوية واتوهق بالباقي وانا كل انحاء جسمي ابي اشفط منهم تقريبا مايعادل العشر لترات اذا قال عادي يسويها بسويها واتوكل على الله خووو مليت من الرجيم تعبت وتعبت نفسيتي معاي بعد رجيم وانطر انزل ولا ماانزل واطول وترهل خووو اشفط واشد اسرع واريح وعقبها عاد اصك حلجي هاللي مايصكه غير الكاكاو ...لا سويها وانا وياج بس ترى اللي مايمدحون عادة نحاسه تلاقينها لما صارت سمبتيك اشتغلت النحاسه فيها خابرتهم لا اقبلت عليج ماتعرفين ويها من قفاها من المتن مدورة اللهم ياكافي وفجأة ولا اهي تقولين غزال يتمخطر ولا سألتيها قالت لج نفسيتي تعبانه والله محد نفسيتة متنيله كثري من طلعت على ويه الدنيا ماشفت طار مني حتى كيلوين على بعضهم بس عيارة حريم بعيد عنكم...هذرت وايد من القهر من هالـ.... مادري شسميهم يالله طولت عليكم بالهذرة بسويها في حال يقدر ينسق جسمي على وزني الحالي

 

[moony77]

بنات اهو الدكتور شنو جنسيته مصري ولا شنو

 

[ام عبادي 22]

الله يوفقج حبيبتي انشالله

 

[فوفو00]

بنات اهو الدكتور شنو جنسيته مصري ولا شنو

نعم مصري