هيوستن امريكا فيدوني يابنات ديرتي

[كلام نواعم]

:ada:شلونكم انشاء الله بخير حبايبي ابي معلومات عن هيوستن اشرايكم فيها لاني بزورها عطوني اسواقها وشلون الوضع هناك ومطاعمها بقعد فيها 10 ايام اواكثر شوي المركات هناك شلون ارخص من لندن اولا وشنو الشي المميز الي مااطوفه واذا مافيها ازعاج في منطقه قريبه من هيوستن اقدر اروح لها تكون حلوه بس مو بعيده ورخيص سوقها
لاطولون علي تكفون :krkrkr:

 

[rawona]

:ada:شلونكم انشاء الله بخير حبايبي ابي معلومات عن هيوستن اشرايكم فيها لاني بزورها عطوني اسواقها وشلون الوضع هناك ومطاعمها بقعد فيها 10 ايام اواكثر شوي المركات هناك شلون ارخص من لندن اولا وشنو الشي المميز الي مااطوفه واذا مافيها ازعاج في منطقه قريبه من هيوستن اقدر اروح لها تكون حلوه بس مو بعيده ورخيص سوقها
لاطولون علي تكفون :krkrkr:

حبيبتي انا ماعندي فكره عن هيوستن بس باقولج على شغلة يمكن تفيدج ..

في مكتب سفريات بمجمع تالا بالسالمية يم ليلى غالاري جنه اسمه black rose صاحبه كويتي سوي روحج تبين تحجزين حق امريكا وامدحولج مكتبه وسأليه شنو احسن الولايات اللي تقدرين تروحين لها اهناك والاسواق وهالسوالف راح يقولج هيوستن .. واخذي منه كل المعلومات اللي تبين تعرفينها عن هيوستن وقوليله عقب ما تخلصين انج بتضبطين اجازتج وتحددين موعد للسفر وتالي تيين تحجزين وبس كشتي فيه لوول ..


مو نحاسه والله بس مره رحت ابي اشوف عنده تذاكر وفنادق حق اورلاندو ولوع جبدي بهيوستن الا تروحين هيوستن اقوله ابي اورلاندو يقوللي هيوستن لووول روحيله يمكن ايفيدج

موفقه :ada:​

 

[sara a&k]

حبيبتي اذا انتي رايحه سياحه مب عشان شغل او علاج ماتسوى اكو ولايات في امريكا احلى حق التسوق والسياحه مثل نيويورك وسانفرانسيسكوا فلوريدا ولاسفيغاس واذا متطره على هيوستن فيها الجالريا احسن شي مول كبير فيه كل شي والمطاعم ياكثرها بهيوستن

 

[كلام نواعم]

مشكوره يا ساره انا بروح هيوستن بشغل عشان جذي اذا منطقه يمها حيل اقدر اروحلها لما نخلص شغل ومشكوره وايد

 

[كلام نواعم]

رورنه مشكوره علي ردج ونروح المكتب ليش لا نستعبط بس اذا هو مصر عليها معناها فيها شي يسوي خنشوف واذا لقيتي معلومات عن هيوستن لا تنسيني يالغاليه وشكرا

 

[daloO3a]

انا عشت سنه كامله بمنطقه قريبه من هيوستن
مادري ان كنتي موجوده ليلحين ماسافرتي ولا سافرتي ورجعتي ولا ممممــ مادري
المهم اول شي اهم قاعدين يصلحونها الحين ههههه بعد العاصفه اللي خسارتها تفوق 4 مليارات
المهم هيوستن ماراح تحسين انج بأمريكا كلهااااااااااا مطاعم وجمعيات وبقالات ومساجد عربيه
وكلهااا عرب ووايد عرب بشكل ماتتصورينه ..
فيها مطاعم وفيها مجمع كبير وايد يعني ماتحتاجين تسألين احد كل شي راح يكون واضح جدامج
اما الاشياء السياحيه واللي اهي من معالم امريكا ...
اكو بمنطقه تبعد عن هيوستن 3 الي 4 ساعات اسمها سان انتونيو هالمنطقه حلوه وفيها نفس الشي كل شي تقريبا عربي
لكن اقولج الاماكن اللي فيها
نبدي بالسياحيه
1 Seeworld ماكو منها بأمريكا الا 3 اورلاندو وسان دييغو وسان انتونيو صدقيني واايد روعه ...
2 في six flags مدينة العاب روعه وحلوه وفيها العاب وايد يعني هم حلوه وايد وايد
والمجمعات او السوق
انا بتكلم عن سان انتونيو اللي يم هيوستن ب 3 او 4 ساعات
1 مجمع اسمه نورث ستار حلو زين يعني
2 احلي اوت ليت شفته بحياتي بتكساس سان انتونيو اسمه لاكونتيرا هذا كل شي فيه وحده كووول
يعني روحي 3 ايام سان انتونيو روحي يوم السي وورد وعقبها روحي السكس فلاقز وعقبها الاوت لت
وان كنتي تبين اساعدج اكثر كلميني عالخاص
شكرا

 

[كلام نواعم]

فديتج يالدلوعه مشكوره وماقصرتي عالمعلومات انا بعد مارحت ليلحين اشوف الوضع يمكن مااقدر اروح لسان انتونيو لاني ماراح اطلع من هيوستن الا اذا في منطقه مثلا مو اكثر من ساعه طريق عشان اليهال ببدعون وسفرتي كلها 10 ايام :ada:

 

[tofy]

انا قعدة بمنطقة قريبة من هيوستن وتهبل احلى من هيوستن بوايد اسمها وود لاند

تبعد عن هيوستن نص ساعة

وهيوستن كل شي فيها مطاعم واسوقة واماكن سياحية

بس تعبر ولاية عاديه يعني في ولايات احلى منها

 

[كلام نواعم]

مشكوره ياتوفي علي ردج شنو الي يميز منطقتج يمكن امرها شنو فيها اشياء غير عن هيوستن ومشكوره:ada:

 

[digital]

عموما اسواق امريكا تقريبا تتشااابه

انا رايحة لهه من زمااااااان من 12 سنه تقريبا بس ما اتذكرهه عدل اتذكر دلاس مرينه عليهه بالطريح واعتقد انهه تبعد عن هيوستن 4 ساعات


وتروحين وتردين بالسلامه

 

[كلام نواعم]

توفي وديجتال مشكورين علي ردكم الله لايحرمني منكم:ada::ada::ada:

 

[meme33]

حبيبتي انا عشت في هيوستن 3 سنوات...حافظتها مثل راحت ايدي....طبعا عندج شارع الوست هايمر....اكبر شارع واشهر شارع فيها....ومتروس مطاعم....مثل ذا بلام....وملتنق بوت....هذا لازم تروحين له...اخر هالشارع الغالريا....واهو احلي مول في هيوستن وكل الماركات فيه...ولاسعار شي اغلي من الكويت وشي ارخص لبصراحه....وعندج كيتي مول....هذا علي 10 هاي واي...يعتبر ديره بروحها وماتخلصينه بيوم من كبرة...ويعتبر اوت لت مول....وسان انتونيو فعلا وايد حلو ...مدينه انزل من مستوي الارض وفيها نهر الرفر ووك...وكله مقاهي ومطاعم وفنادق والناس بهالشارع صباحي مايناموون ابد....وبالنسبه حق الاوتلت اللي علي طريق سان انتونيو....اسمه برايم وتانقر...واحد الماركات الامريكيه العادية..والثاني كله ماركات وهم يم بعض....اتمني اكون افدتج واي شي انا حاضرة

 

[كلام نواعم]

فديتج ياميمي الله يعطيج العافيه دام انج خبره بهيوستن عطيني جدول وين اروح وين ايي كل سفرتي 10 ايام بس رايحين بشغل بس ابي اعطي هالجم يوم حقهم كلهم يجمعون ان السوق بس جاليريا ماكو شي ثاني فيديني ولاعليج امر واكون لج شاكره :ada::ada::ada:

 

[meme33]

شوفي حبيبتي....جالريا مجمع وايد عود ....يعني بروحه يبيله يومين...وجدام غالريا...بتشوفين ستاربكس....الناس فيه سهاري...وايد فيه عرب وكويتين ....لانه هالمطقه وايد كشخه....بس انا ماكنت اروحله وايد.....قلتلج هالمنطقه وايد فيها مطاعم...كل يوم نيشني علي واحد...بس نصيحه الداون تاون...لا تروحين لانها تلوع الجبد....وبعد في منطقه قالوا البنات عنها...الوود لاند....نفس المحلات هناك....بس تغير عن هيوستن....فيها مراكب...وسياحه... ومطاعم...جيز كيك فاكتوري....وبي اف جاينا....وعندج بعد منطقه ماذكرتلج اسمها...حدها روعه...كيما...علي طريج وكاله ناسا...بس اتوقع الحين خربت بعد الاعصار...مارينا ومراكب علي البحر....ومطاعم حواليها...والتمشي عجيب....وعندج بعد منطقه حلوه اسمها شوقر لاند...روحي الداون تاون...في الويك اند وتمشي بالمحلات والمجمعات اللي فيها...لان محلاتها اوبن....ودايما في الويك اند يحطون شاشه عوده وفيلم وتلاقين الكل قاعد ...لان حواليها مطاعم ومقاهي وفندق...يعني كله سواح...والمجمع اسمه فيرست كولوني....واذا انتي راحيه مع شركه بترول...اتوقع راح تسكنين هناك في الشوقر لاند

 

[meme33]

ولازم تروحين مجمع كيتي مول ....اهو علي 10 هاي واي وعلي طريق سان انتونيو....وايد راح يعجبج....والاوتلت اللي قلت لج عنه...برايم وتانجو....وتروحين وتردين بالسلامه....وعلي فكره تري هيوستن موذاك الزود.....وبعد الاعصار الحين ما يندري شنو حالها..عموما تروحين وتردين بالسلامه

 

[كلام نواعم]

مشكووووووووووره وايد يالغاليه ادري والله انها مو ليهناك الكل يقول بس بروح بشغل مع ريلي ولاقعدتي ولازم امر المجمعات الي قلتي عنها بس انشاء الله يمديني دام انج خبره احصل بربريز بجالريا يقولون بامريكا ارخص والكولكشن مو نفس الديره وشكرا ادري اذيتج:ada::krkrkr: