هيلب مي دشيت العاشر

[Om_Nassor]

السلام عليكم
بنات هيلب مي انا حامل بجر ودشيت العاشر ومافيني اي بوادر ولاده ودكتورتي معطيتني فرصه لي يوم الاثنين اذا ماولدت بدخلني طلق صناعي وانا حدي خايفه منه احس الطبيعي اهون كل شي سويت امشي عاليال اشرب دارسين واكل كيوي واليوم بعتها وشربت اناناس فريش شكبره وماكو فايده سويت تخطيط ماكو طلق شسوي بعمري يعني

 

[Om_Nassor]

اي ونسيت اقول لما فحصتني الدكتوره قبل جم يوم قالت لي سوري عالكلمه (مو مفتوحه)

 

[أعشقه]

يؤ متاكده من حساباتك اذا دخلتي العاشر
بس لاتخافين اذا عنق الرحم عندك مو سميك يعني مع الطلق الصناعي بتولدين طبيعي ان شاء الله
اعرف وحده كذا بس بيطول الطلق معك عشان تولدين بتتعذبين ربي يسهل ويهون عليك

 

[ام الحلوااات]

شـــــربــــي مـــنـــقــــووع الــتــمــــــر و نــــامــــي مـــع ريـــلـــج وكــــثـــــري مـــشـــــي وتـــحــــمـــمـــــــي بـــمــــاي دااافـــــيء وركـــزيـــــه عـــلــــى ضـــهـــرج وبــطـــنـــــج واللـــــــه يـــهـــــــووون عــلـــيـــج ويـــقــــومــــج بـــاالــســــلامـــــــه انـــتـــي والـــبــيــبـــي ​

 

[سيناسون]

لا تخافين حبيبتي عادي انا في بناتي كله اخذ شهري وزياده ويعطوني طلق صناعي عاد انت حيلج بالكمام لا تهدينه ابدا وقت الولاده كثر ماتقدرين شمي ونامي وان شاءالله تقومين بالسلامه يا رب وتبشرينا بولادتج وعليج بالجماع ولاتغسلين بسرعه سوري عالكلام بس حبيت اقولج لاني حاسه فيج ومجربتها

 

[Om_Nassor]

أعشقه
حرااام عليج ليش تخرعيني جذي

مشكورين بنات بس شنو يعني منقوع التمر؟ انا اكل تمر عادي والجماع استغفرالله مالي خلق اصلا انحاش من ريلي واتصدد وانام قبله عشان لايقرب كنت ريشه ضعيفونه شحلات جسمي مو الحين كرشتي شكبرها شحلاتي بالدرسات جني انجليزيه بس بطن وارم بس لما افصخ نو كمنت واااي لو اتفصخ جدامه يما يالفشششله بليز عطوني افكار حلوه مثل السبوح بماي دافي وجذي سوالف

 

[نور ونوير]

حبيبتي الله يسر ولااادتج ويرزقج الولاده الطبيعيه السريعه اهم شي صكي اذووونج عن كلااام الاطباء والله انا بجري قعدت فوق التاسع ثلاث اسابيع وكل من يطل بويهي ويخرعني واناصامده واسوي الي عليه من مشي وغيره وكنت كل اسبوع اسوي سونار اطمن واطلع انحاش والحمدلله يالي الطلق الطبيعي ووولدت بسلااااامه حتن بس رحت وانا فيني طلق الدكتوره تزفني ليش وووايد تاأخرت بس دااااااايمن ادعي انه الله يسر ولادتج

 

[غرام القمة]

الله يسهلها علييييييييييج يااااااااارب

 

[أعشقه]

والله اسفه مو قصدي اخوفك
انا تنومت بالمستشفى وشفت الي موجودين يقولون انا ماجربت الطلق الصناعي وعساني مااجربه وانتي ان شاء الله ماتجربينه
ماحبيت انصب عليك وقلت لك الي شفته
بس انتي سوي الي قالو لك البنات ويارب يارب تتسهل عليك وعلي يارب انا مثلك ماباقي شيو ادخل 9 وهذا احاتي مثلك

 

[؛؛حلاوه؛؛]

نفس حالتي سويت كل اللي قلتيه حتى أناناس فريش

ماكو فايده وخذيت طلق صناعي مرتين

ماكو فايده ماتبطلت وآخر شي قيصريه


نصييييييحه اذا الدكتور قالج حوضج صغير

لاتجازفين وتحاولين تولدين طبيعي لان سمعت سالفه

وحده حوضها صغير وأيد البنوته تعورت لان الدكتوره غصب بتولدها طبيعي

بعدين انا جربت الطلق وتعذبت على الفاضي لو داشه من الاول قيصريه احسن

 

[BubbLe87]

انزين يمكن انتي حاسبة غلط
انتي حسبتي الشهر اللي غسلتي منه و لا قطيتيه من الحسبة
لازم تحسبينه
اخر دورة لج متى كانت
لان انا دكتورتي قالتلي انه اللي تقول دشيت العاشر تكون حاسبة غلط من الاساس
حبيت اقولج هالمعلومة

 

[مواصله]

ترى الطلق الصناعي نفس الطلق الطبيعي ويمكن احسن لانه يفتح الرحم بسرعه

خلال ساعات تولدين بالسلامه ماتطولين

توكلي على الله ولاتخافين والله يقومج بالسلامه

 

[ليالى الحنين]

انا جربت العادى الصناعى نفس الشى كلهم

 

[A.N.L]

لووووووول خايفه من الطلق

انا سوولي تحريض ولاده الدكتوره افتحتني نص سانتي مادري سانتي

وحطولي بالون عشان يتوسع عنق الرحم

وخلوني اقعد عالكوره العوده مالت اليهال اللي يناقزون عليها لووول

وطلق صناعي عاد لما قام يزيد الطلق وينفتح عنق الرحم اكثر

اشمممممممم بهالكمام شمممم لووووووول


والحمدلله ولدت

 

[aady]

صح لازم تزيدين 7 ايام من موعد الولاده
هذا الى سمعته
انا اعرف وحده تاخذ شهرها كله و فوقه 10 ايام

 

[هذا مزاجي]

يااعمري انتي الله يسهل عليج
وتبشرينا بولادتج
تقومين بالسلامه ان شااءالله

 

[مشتطـه]

يارب سهل عليييييييييييييييييييها الولاده وطبيعيه تكون يارب

 

[ميرمد]

لاتحاتيني انا نفس حالتج دشيت العاشر وللحين ماحس بشي

الدكتوره قالت لي لج سبوع من العاشر بس ولازم تراجعينه علشان نطمن على البيبي والمشيمه

انصح بزعفران يوسع الرحم الكل يمدحه انا بجربه ان شاء الله يوم الثلاثه
ناطره ريلي يخلص امتحانات يا اشربه مع حليب او انقعه بماي دافي

وبتمر والعسل والمشي وتسبحي بماي دافي وخلي الماي يصير على ضهرج مثل المساج
ودير بالج من الامساك حاولي تاكلين وتشربين اشياء تمشي البطن لان المساك مايخلي عنق الرحم يتبطل
ومعروف البجر تاخذ شهرها وزود
لاتحاتين طلق طبيعي ولا صناعي السهلات من رب العالمين
وكلي امرج له وستعيني فيه وان شاء الله تمشي الامور كلها على خير
وتقر عين بشوفت ظناج بصحه وعافيه

 

[" ام حمود "]

الله يسهل عليج ،
حبوبه روحي امشيء ع رمل البحر وايد وكثري جمااع ترى وايد وايد زيييييين

 

[Om_Nassor]

انا متأكده من الحسبه وان شاءالله بسوي كل الي نصحتوني فيه وباجر بشوف الدكتوره شتقول واتوكل على الله

مشكورين ماقصرتو ريحتوني :eh_s(7): ويزاكم الله خير عالدعاء