هيربل سبا >>>اللى دعايته بالمنتدي

[سهارا]

السلام عليكم
بخصوص مركز هيربل سبا

انا قريت الاعلان وعجبني انه بالرقعي قريب يعني عشان جذيه بغيت اسأل اذا احد مجربه من البنات

مساج التخسيس والريلاكس شلون مستواه ؟؟؟؟ ومستوي النظافه والاسعار ؟؟؟

وجزاكم الله خير​

 

[خشف العوازم]

والله ما عندي فكره

بس عشانج برفع الموضوع

 

[عيون كحـال]

وانا بعد ودي اعرف

 

[myawa21]

سلام بنات

انا جربت مساج علاجي عجيب ساعه ونص ب18 يوخر عوار الجسم كله بس اسويه عند وحده اسمها روت عجيبه

وجربت الحمام المغربي مغربيه تسويه واااايد حلو والبديكير الكامل ب10 بس يهبل صج صج حلو اخر شي يحطون على الظفر زيت يتم يلمع اسبوع وبعد جربت الشيره زينه والحف مو ذاك الزود وجربت شغله يسونها حق الاذن تسحب الهوا يعني اذا رحتوا ماتندمون ان شالله

 

[kie kie]

وانا بعد جربت معهد بوبل سبا
جربت عندهم المساج للجسم روووعه وجربت مساج للقدم يوخر عواار الريل تحسين بعدها انج طايره من على الارض بصراحة يهبل كل ما اتذكر مساجهم ودي اروح مرة ثانيه وهذا بمنطقه بنيد القار خلف مستشفى السلام .

 

[شانيل نمبر 5]

بصراحه وووووايد يشجع
بس عبيب بمنطقه الرقعي وانا اخاف من المنطقه اللي كلها صالونات تخوف

 

[bint_looda]

اذكر مره دقيت عليهم كنت ابي اشوف اذا في وحده تطلع بيوت بس قالولي لا

 

[&شوارفسكيه&]

هالصالون كل شي جربته عندهم روعه وفوق الروعه
الى مساجهم ما جربته
اتمنى البنات يفيدونا

 

[أسيـل الجـــرح]

جربت عندهم حمام تونسي زوين سوت لي وحده هنديه بسس اهي اساسا مو شغلها لان كان بس في وحده والزباين وايد فحطوا الهنديه تساعده ومع الاسف كانت من نصيبي بس الاداره حق وحده كويتيه وكانت موجوده بس ما جربت شي ثاني

 

[BiG Love]

السلام عليكم
الموضوع وااايد حلو وشدني لاني انا مهتمه للمكان هذا ويمكن انا شهادتي فيه مجروحه لكن لازم اشارك لعيونكم الحلوة

انا جربت المكان بانواعة المساج والصالون وعلى فكرة اهم متخصصين بالمركز كـــ سبا Spa وانا اعتبرة المكان الثاني بعد منتجع هلتون واسعارهم روعه وانا متاكدة 100% لو ان مكانهم بالسالمية او مكان ثاني كان الاسعار ما تكون مثل ما اهي حاليا ,, وعلى فكرة خدمتهم حلوة والنظافة رووووووعة ولا تسون تطلبون شاي الاعشاب او الشاي لمغربي او التركية روعه والفرنسية وكل مشروباتهم كلها حلوة :001: انا راح اسهل عليكم واحط لكم الروابط لكل شي عندهم
:tongue22:
الاسعار وتقريبا جميع انواع الخدمات

http://www.spaq8.com/html/arabic/Packages.html

وهذي المنيو الاسعار الموجوده بموقعهم

ارقام هواتفهم ومكانهم

http://www.spaq8.com/html/arabic/Contactus.html


العنوان
هـــيــــربـــل ســــبــــا
الكويت - الرقعي - قطعة 1 شارع المستوصف (شارع 1) بجانب صيدلية المستقبل بناية رقم 20
Tel: +965 24 888 020
Tel: +965 24 888 040
[email protected]


الرابط هذا اللي يدخل عليه يحصل على خصم مثل ما اهو مذكور http://www.spaq8.com/html/arabic/newPackages.html
واعتذر لكم على الاطالة واتمنى اني خدمتكم بشي يخدمكم

لا تنسونا بالدعاء

 

[بشوررره]

السلام عليكم ابي اسال عن مساج بوبل سبا وجم اسعارهم
وشكرا

 

[([عطر رومانسي])]

جربت المساج عندهم عجيب بـ10 دنانير
والله حسيت اني بعالم ثاني
الشيره بعد زينه
حف الحواجب لااااااااااااااااااااااااااااااا خربوا حواجبي
والحمام الملكي مايسوى سعره بـ25دينار ولما سويته حسيت نفس المغربي العادي اللي بـ10دنانير
وسلامتكم

 

[om.5doja]

من كلامكم شوقتوني

واسعاره شكلها حلوه

خل اطلع من ال 40 وان شاءالله اروح اجربه

 

[Time out]

واااي بنات مشكورين طمنتوني ان شاء الله بروحله هاليومين كنت احاتي شغلهم زين ولا لا واسعارهم والنظافة بس شكله يستاهل اقط افلوسي فيه

 

[حبيبي سهلي]

روووووووووووووووووووووحي وبطنك بطيييييييييييخة صيفي .................:fun:

 

[krkosha]

انا جربت مساج relaxing
سعره 10 دنانير
وااايد ارتحت من عقبه احس تعب سنين طلع
بس ازعاااااااااااااااااااااااج والله تنرفزت قاعده على اعصابي
روحيله الصبح مثلا او الظهر عن الزحمه

 

[AFRoDiT]

وحق الريلاكسينق لازم تاخذين موعد ولا تدشين عادي؟

 

[فرح@@الكويت]

رد : هيربل سبا >>>اللى دعايته بالمنتدي

حلوو الموضووع يبيله مساج :cxxxp:
بس حسافه ماكو خدمه منازل انا اذا سويت مساج على طول تجينى النومه:ch12:

 

[oyoon al maha]

رد : هيربل سبا >>>اللى دعايته بالمنتدي

بالنسبة للحمام المعربي (الخلطات عجيبة وطبيعية )

لكن التفريك عاااااادي ..

حرامـ 25 دينار الصراحة

سوي حمام مغربي عادي نصيحة من قلب محب

وبالنسبة للنظافة ممتازة والخدمة راقية :blueSmCLR:

 

[عيون ملكيه]

وايد حلووو

بس ما ادري ليش العاملات اللي فيه شويه

يعني اغلب اللي كانو فيه طلعووو ما ادري ليش


المساج حلو جربت الريلاكسنج مع رفيجتي اهي مادحته لي

العلاجي ما جربته

الشعر اينن سويته عند وحده صوماليه اسمها هناااء
اتيين اتينن

و مكياجها وايد عجبني

و نفسيتها حلوه بس هالحجي على شهر 11 ما ادري اذا لحد الحين موجوده



اختي بيج لوف مو انتي صاحبة الصالون ؟