هيا شريت كامره يالله علموني

[ShgRdeeYa]

شلونكم بنات
انا هاويه يديده ياريت تسمحون لي انظم معاكم .. ممم انظم ولا انضم ؟ ما افرق بينهم خخخخخ
:ggdw:
توني شريت كامره D450 canon

حدي مستانسه و كل شي يمر جدامي حتى النمله اصورها لووول _03BA:

انا احب التصوير من زمان بس اول مره اشتري كامره بروفشنال جذي :gr4uu:

ودي الحين اتعلم على التصوير اصول ابي اخذ دوره عشان استفيد وين تنصحوني احسن مكان :eh_s(10):

وياريت تعطوني من خبرتكم و اتشوفون صوري و اتعلقون عليها عشان استفيد

http://www.flickr.com/photos/33995923@N02/show/
و تحياتي لكم

 

[fatma123]

اعجبتني صورتج مالت الاقلام الله يوفقج

 

[Om eL-3a9aGeeL]

النادي العلمي اللي بالزهرا يسوون دورات بين فترة وفترة

وكل اثنين عندهم ندوات ومحاضرات بس مادري الساعة جم

تقدرين تدشين على قروبهم بفلكر وتشوفين اللي تبينه

:

وعلى الكاميرا نفس كامرتي :$

ترى استخدامها حيل سهل بس يبيلج فترة على ما تتعلمين عليها عدل خصوصاً انها بروفشنال يعني تقدرين تسوين فيها بلاوي

انا صارلها شهور عندي وليلحين ماعرف كل شي فيها كل مرة اتعلم شي يديد

دوري عن دروس بقوقل وايد راح تلقين

واهم شي الاساسيات اللي اهيا الشتر سبيد وفتحة العدسة والآيزو اللي ليلحين ماعرفله

واخذيلج فره على المصورين القدّم بفلكر شوفي شلون يصورون وحاولي تتعلمين شلون تضبطين الإضاءة والزوايا وهالسوالف

:

وماشالله ترى تصويرج حلو بالنسبة حق مبتدئة انشالله لنا مستقبل P;

احم احم .. سويتلج آد بفلكر .. صيري ماي فريند =$ !!

 

[Om eL-3a9aGeeL]

شغلة ثانية

الفوتوشوب خل يصير صديقج المفضل

وايد تقدرين تعدلين عالصورة وتطلع أحلى بلمسات خفيفة لطيفة بالفوتوشوب =)

 

[ShgRdeeYa]

واي ام العصاقيل حبيبتي مشكوره
ماقصرتي

انا قاعده اكتشف بس انسي اعرف حق فتحت العدسه والايزو مادري شنو
ياربي الارقام شنو شنو احس اني ظايعه لوول
اصغر الرقم يصير ظلمه :krkrkr:
اكبره اتصير الصوره مو واضحه
ودي اشدخ الكامره بالقاع :eh_s(14):
لووووووووووووووووول

وحده مو صاحيه :eh_s(1):

بعدين امل و اردها اوتو ماعرف وايد بس اللي فالحه في لي الحين اعرف اشلون اسوي العزل
لووووول


مشكوره قلبي ماقصرتي تشرفت فيج

شسمج عاد بفلكر ترا انا عليميه خل اشوف صورج

لول

 

[بقايا غرامك]

آلف آلف مبرووووك
والفال لي انشالله خخخخ p;

 

[juliie]

اهليين مبروووك أختي..
الله يعطيج خيرها ويكفيج شرها>>لووول
تتربى بعزج..>>كااااااااااك.
ترى انا اعز الكاميرات وما ارضى عليهم وليش تبين تشدخين الكاميرا بالقاع..
حراام عليج>>وحده مغرمه بالكاميرات..
ترى انا الكل يعرفني بقولتي..((لو تنشلخ الكاميرا مستقبلي يضيع))..
كاميرتج زي كاميرتي..
استخدامها سهل حيل بس يبيله وقت على ماتتأقلمين وتتكتشفين اشياء جديده..
بالنسبه عن الدورات والله مأدري لأني مو كويتيه السموحه منج..
وان شاء الله البنات يفيدونج..

وبالنسبه لصورج اللي بالفلكر وااااجد حلوه الصرااحه ما صدقت انج مبتدئه صوور رووعه الصرااحه..
يالله نبي انشوف ابدااعج هناء وبالكاميرا الجديده..
ننطرج..>>...>>>...>>>>...

 

[ShgRdeeYa]

اهليين مبروووك أختي..
الله يعطيج خيرها ويكفيج شرها>>لووول
تتربى بعزج..>>كااااااااااك.
ترى انا اعز الكاميرات وما ارضى عليهم وليش تبين تشدخين الكاميرا بالقاع..
حراام عليج>>وحده مغرمه بالكاميرات..
ترى انا الكل يعرفني بقولتي..((لو تنشلخ الكاميرا مستقبلي يضيع))..
كاميرتج زي كاميرتي..
استخدامها سهل حيل بس يبيله وقت على ماتتأقلمين وتتكتشفين اشياء جديده..
بالنسبه عن الدورات والله مأدري لأني مو كويتيه السموحه منج..
وان شاء الله البنات يفيدونج..

وبالنسبه لصورج اللي بالفلكر وااااجد حلوه الصرااحه ما صدقت انج مبتدئه صوور رووعه الصرااحه..
يالله نبي انشوف ابدااعج هناء وبالكاميرا الجديده..
ننطرج..>>...>>>...>>>>...

مشكوره حياتي انتي اسعدني مرورج و هذا من ذوقج يا عسل
تسلمين يا الغاليه

 

[الشيخه شيخه]

مرحبا حبيبتي
مبروك عليج الكاميرا
والفال لي انشاللله اشتريها
وماشالله على الصور روووووعه
واللله يوفقج​

 

[ShgRdeeYa]

آلف آلف مبرووووك
والفال لي انشالله خخخخ p;

يبارك فيج عمري لووول الفال لج انشالله يالله اشتري عشان انصير سيم سيم _03ba:

 

[ShgRdeeYa]

مرحبا حبيبتي
مبروك عليج الكاميرا
والفال لي انشاللله اشتريها
وماشالله على الصور روووووعه
واللله يوفقج

واي بعد جبدي تفاعلكم معاي مشكوره يا الشيخه ماتقصرين يالله ناطرين نفرح فيج انتي بعد لوول

 

[بقايا غرامك]

هع انشالله بس انا يوم رحت الغانم قبل امس اشوفها
هونت ثقيله خخخخخ
بس ابيها لووول

 

[white**angel]

مبرووك مشالله صورج رووووووووعه
انا انشالله بشتريها بس رفيجتي تقولي لا تشترينها تضيق خلقي

 

[mem-q8]

تتربي بعزج وعقبال ما نشوف عيالها
قصدي عدساتها وشغلها ههههههههههههههههههههههههههههه




بس بجم اشتريتها حبيبتي ؟؟؟
انا شفتها بالغانم 270 بروحها مع عدستها الستاندرد

 

[ShgRdeeYa]

لوووووووول مشكورين يا عسل انتوا :tek:
يا بنات الكامره عجيبه صج حلوه واااايد
والحين الكويت كلها هابين فيها
بس انا لي الحين ماتعرفت عليها و لا قعدت معاها و لا سولفت ولا خذيت و عطيت :dddds:
لوووول
شوي شوي انشالله اتطيح الميانه بيني و بينها :tomato2:
بس صورها حلوه و الكل نصحني فيها
و بعدين انا بالنسبه لي مو ثقيله لوول لان انا طولي 173 و ماله داعي اقول الوزن يعني لو اشيل سلندر غاز عادي
لوووووووووول


ثاااااااانكس

انزين عطوني مواقع يا المصورات وين اروح اصور لا تقولون لي المركز العلمي لان الاوادم هناك جنهم ذبان كل واحد ماسك كامره و يجكجك لوووول ماكو غير هالمكان !
مشالله علي مشالله علي

 

[Om eL-3a9aGeeL]

هذا فلكري : www.flickr.com/faro7

تحطينها على الأوتو اللي مع فلاش ؟!

إذا إي .. انصحج تحطينها على وضع الـ P .. الكاميرا على حسب الإضاءة تحدد فتحة العدسة والسرعة المناسبة =) !

:

شوفي ترى في وايد مواقع بس اذا لج خلق بهالصيف تروحين تصوريييين كيفج

عندج سوق المباركية والواجهات البحرية مثل مارينا كرسنت والبر ما البر عند جال الزور ومحطة أم العيش ومادري وين ماعرف اساميهم

انتي وشطارتج مو شرط المكان يكون حلو المهم انتي شلون تطلعين الصورة

:

والحين بما انه صيف وحر موت تقدرين تسويلج استوديو مصغر بالبيت بدزلج الطريقة بفلكر لأنها من منتدى ثاني اخاف ما يصير هني !

وجربي تصوير الأكل تصوير المايكرو والبورتريهات

وعالمواقع حاولي تكونين متابعة حق المناسبات والاشياء اللي تصير مثلا هلا فبراير والانتخابات كانت شغلات تستاهل انج تطلعين وتصويرنها

 

[الميــم]

الله ع الصوووووور

رووعه

انا ودي اخذ لي كاميرا بس محتاره بين الكينون والنيكون

 

[Stylista_Q8]

صوورج عجيبة مشالله ما يبين انج مبتدئة ^.^

وانا بعد ودي اتعلم واشتري كاميرا بس مادري شنو اختار فاذا زينه

بليز قوليلييي =$

 

[الشقردية المزيونة]

أولا على البركة

ثانيا ماشالله الصور روعهة روعة

انا نفس كاميرتج

بغيت اسال شنو الوضع اللي تستخدمينة؟؟ اوتو ؟ او p
أو شنو؟؟

ام العصاقيل دزي لي انا بعد بلييييييييييز ابي اتلعم داخل البيت اول قبل الفشيلة هههههههههه

 

[Miss 3asal]

عليج بالعافية و نفس الحالة شريت كاميرا و قاعدة اتدرب عليها بس انا كاميرتى نيكون 90d مادرى اشرايكم فيها؟