هو او هي ؟ رايكم ونصايحكم

[كنت احبه.اتوقع]

السلام عليكم والرحمه
بنات من غير تجريح بلييز
انا قبل جم يوم كنت كاتبه مو ضوع عن ان الي كنت احبه تركني على اساس انه تاب
المهم الحين يا يبي يخطبني من اهلي
المشكله تكمن في ان اختي الي اكبر مني ماتزوجت عمرها 21 وانا 19
واهي رافضه بتاتا اني اتزوج قبلها .... اتشوفون اهي معاها حق ؟
يعني ارفضه ؟
بس انا احبه وماابي ارفضه ... ونفس الوقت ماابي ازعل اختي
:eh_s(2): بنات بلييز ساعدوني مادري شلون اتصرف

 

[منو انت]

حلو ان يخطبج وليش اختج ترفض الحيين عادي الصغيره تتزوج قبل الكبيره كل واحد ونصيبه بعدين اذا اهو زين واهلج ماعندهم مانع انا اقول اخذيه واختج مالوقت راح تندم على قرارها بس اذا الولد مافيه عيب لاتردينه بس قبل كل هذا استخيري

 

[مس تسذآ]

كلمي اختج اذا اهيا رافضه تماما خلاص قوليله انطر سنتين ثلاث ليما تتزوج اختي و يجيها نصيبها

و متى ما تزوجت , هو راح يجي يخطبج اذا صج يحبج ؟

و توكم صغار مافيها شي ينطر جم سنه عشانج و عشان اختج ..

معنا في ناس يقربون لنا عادي اختها تزوجت قبلها و مستانسه و ترقص بعرس اختها

و الحين مشالله ملجت و عرسها شهر 10 ,

القصد
اني استغربت من رده فعل اختج يعني غريبه ما رضت ؟

بس ما تدرين شللي ببالها

 

[مس تسذآ]

الله يكتب لج اللي فيه الخير يارب

 

[كنت احبه.اتوقع]

مشكورين على الرد
اختي تقول ان اذا تزوجتي قبلي بعدين الناس عبالهم انا فيني شي ... شكو ؟؟؟
اهو صح اذا يحبني ينطرني بس لي متى ؟ واذا ماياها نصيب ؟لي متى ننطر ؟

 

[كايبه]

حبيبتى كل شى قسمة ونصيب وليش تزعل بدال لاتقول الله يوفقج حبيبتى لو بس ملجة وبعدين تزوجى وربى يكتبلج فية لخير.....

 

[ޢޢޢإيمانޢޢޢะۣۨ>]

حبيبتي لا ترفضين
اختج بالأخير بتفرح لج
لي متى بتظل زعلانة !
استخيري واذا ارتحتي وافقي
الله يكتب لج الخير ويرزق اختج ويهديها ​

 

[Tom ♥ Jerry]

.،


الصراحه لأ مآ معآهآ حق !
آمج و ابوج شرايهم ؟ شوفي رآيهم بالموضوع
آنتي مصيرج مآ يتحدد بـ مصير آختج
أوكي قدري مشاعرهآ .ّ! بس عآد مو مآ تتزوجين عشانهآ ,،
كل بنت لمآ آختهآ الصغيره تتزوج و آهيه لا
يصير بخآطرها بس بعدين ترضا خل يكلمونهآ آمج و ابوج بالعقل

يعني بالله مآ تزوجت الا لمآ يصير عمرها 28 ؟
شنو آنتي بتنطرينهآ مثلا !
كلموهآ و فهموهآ بالعقل و آن شاء الله تلين ؛)

 

[FeShinGoOo]

حبيبتي توكلي على الله ويمكن زواجج يكون سبب بزواج اختج يشوفونها بعرسج ان شاء الله وتملج عقبج

توكلي على الله وخنقول لاسمح الله اختج ماتزوجت انتي بعد ماتتزوجين ؟؟

لاتضيعين الفرصه من ايدج وهاذا قرارج انتي وحياتج انتي مو حيات اختج واهي توها صغيره مو عانس عشان تتظايق على زواجج

 

[كنت احبه.اتوقع]

انشالله ...
مشكورين على نصايحكم كلكم
وانشالله بكلم الوالده والوالد يتفاهمون معاها
بس المشكله اني انا واختي مانتوالم يعني كلش كلس مو مع بعض
اخاف اخسرها مره وحده اهئ اهئ

 

[أم توتو]

الله يوفقج ويختار لج ولاختج اللي فيه الخير

 

[الغلا كله لبوي]

الله يوفقج ويكتبلج الي فيه خير بس راعي مشاعرها صج مافيه شي اذا تزوجت الصغيره قبل الكبيره عادي
شكثر تصير والله يهدي اختج وان شاء الله تتزوج قبلج
وربي يوفقج

 

[هيبة ملك]

اذا الله قاسمة لج بتاخذينه

الله يتمم لج على خير

 

[الملتقي الجنه]

حركة اختج خاايسه
بصرراحه مب حلوووه ليش تسووي جذيه فيج؟؟

تيب الرجال يبي يتزوج تبي تطيره منج ؟؟؟
الي متي بينطر الرجال اختج؟؟
تيب واذا ماتزوجت الا وعمرها 30 او 28 بيصبر الرجال؟؟؟
اقووول توكلي علي الله وافقي واختج خلي احد يفهمها
او قوولي لها تدش تقرا هالموووضووع يمكن تغير رائها

الله يعينج معها

 

[عالمي انا غير]

والله عيب ع اختج شنو هل الحركة اقولج شغلة ترى اللي تحرم اختها الاصغر منها من الزواج ترى ربج غادر يعنسها طول عمرها عادي انا صج اكبر خواتي ودي اتزوج قبلهن بس ان جى نصيبهن لا والله عادي وربي يوفقهن مااعطل نصيبهن عشان ربي مااقسملي نصيبي ترى الارزاق بيد ربج وحرام عليها وقولي لامج وتوكلي ع الله وحطيها بالامر الواقع