هو العيب بثلاجتي ولا العيب فيني ؟!

[قلبين وسهم]

صبحكم الله بالخير

يعطيكم العافيه خواتي
كل ما احاول امشي خطوه جدام احس اني ارجع 10خطوات ورى
انا وهالمطبخ اللي علاقتنا شكلها ماراح تتم على خير:eh_s(14)::eh_s(2)::eh_s(14):
​

سؤالي الحين عن ثلاجتي العزيزه اللي لي حطيت فيها الجماعه الخضرا
من خس وبقدونس وكزبره وطقتهم
تقلب اطرافهم سوده والجيس يصير كله ماي مادري ليش؟!

وفوق هذا احسهم بردانين يعني امسك الخسه اشوف جنه فيها ثلج شسوي احطهم برا الثلاجه ولا شنو


ابي الطريقه الصحيحه لحفظ الخضروات ؟؟؟

ولما احطهم بالثلاجه اخليهم بجيس ولا مكشوفين ؟؟؟









​

 

[جارة القمر]

هلا حبيبتي


http://www.q8yat.com/t90175.html



أهم شي تأكدي من درجة حراره الثلاجة اتحصلينه موجوده بالثلاجه ابين غذا درجة الحراره عاليه أومنخفضه

 

[أحلى همبه كويتية]

امي تلف الخضرا بجرايد او خيشة وبصراحة يظلون فترة ما فيهم شي

انا بعد ثلاجتي جذيه ، بس انتي خلي البرودة وسط
العيب مو من الثلاجة
الخضرا مالها عمر طويل

شكرااااااااااااااااا جارة

 

[Queen of love]

طريقتج غللللللط مفروض تغسلين الخضرا وتنشفينها عدل عدل وتحطينها فالصحون البلاستيك المشخله اما اذا خليتيها بالكيس راح تعفن بسرعه وتنزل ماي

 

[قلبين وسهم]

ماقصرتو خواتي رايتكم بيضه

اول خطوه سويتها غيرت درجة الحراره من ٣ الى ٢

وبأذن الله تضبط وتعيش هالعايله الجميله عمر طويل عندي


اما سالفة اغسلهم وانشفهم شهالعباله انا لاعندي شغاله ولا شي شغل الشقه كله على راسي
وينيمديني

ابي طريقه سهله وسريعه

وعساكم عالقوه

 

[^_^ حوراء ^_^]

خالتي اتلفهم بفوطه صغيرونه و اتكون راشه عليها شوية ماي قبلها .. << شويه ماي بس تخريعه ..،

 

[أنفاسي دخون]

مثل ما قالوا البنات اهم شي درجه البروده تكون متوسطه وتلفينهم بجرايد وهالورقيات عمرها قصير بالكثير 4 ايام وتغير

 

[بـ سـ كـ وتـ ة]

الفوط أفضل من الجرايد لأن الجريدة فيها حبر

بالنسبة لي أشتري الفوط ملوت المطبخ اللي تصير جنها جلد الغزال تمتص الرطوبة وألف فيها الخضرة

ومتى ما بغيت أستعملها طلعت الكمية اللي أحتاجها وغسلتها واستخدمتها

 

[قلبين وسهم]

ماقصرتو خواتي يعطيكم العافيه وفعلا المشكله طلعة بدرجة حرارة الثلاجه

لانها كانت بارده حيل

جد ياحرام الاسبوعين اللي فاتو كل ماشريت خضرا خربو وقطيتهم

عساها دفعة بلا

وماقصرتو وربي يوفقنا وياكم والجميع

 

[شذونه]

هههههههه نفس المشكله بنات الجرايد مو زينه ابداا ديري بالج اخت همبه

 

[سعوودية]

جيبيها ولفيها بفوط صغار مثل الرول. او لفيها بورق كلينكس السميك والمتين مال المطبخ مخصص للمطبخ
ومتين كنه فوطه لفيه فيهم وحطيها بالثلاجه تطول معاك
ترا تخزين الخضار سهل بس يبي له معرفه عشان يتم مده عندك