اهم شي التوزيعات على الضيوف مو لازم تلتزمين باغنية الضيافه اللي يبتدون فيها عرض الصحون لان بصراحه الناس تجي مبجر ويظلون ينطررررررررررون لين الطقاقه تيي ويضيفونهم ... موضوع تكرر وانا اشوف انه عيب
كذا مره كنت ابي بس قلاص ماي اموت من العطش ولا احد
هذه شغله
شي ثاني بالضيافه كل ما كانت الاطباق متنوعه بتلفتين النظر انا اقولج شلون ؟
يعني وزعي حلو قهوه . فطاير تقديم ، عصاير ، برررد صغار ، في ناس وزعوا حتى ذره بقلاص ووايد سوالف كان شيييي صراحه
في عرس رحت له كان حيييييييييييييييل مرتب ومنظم يعني حتى تكرمين بالحمام حاطين سلة فيها بكرات خياطه كل الالوان وابر .
تنظييييييم لما دشت العروس الكل قعد علشان تبين جدام الناس
بنت وحده اللي تكلم الطقاقه بسسسسسسسسسس مو كل خوات المعرس يكلمونها وكل شوي جذي بتصير مشكككله ولو تتفقون على الشغلات الاساسيه والاغاني المطلوبه من اول وااااااايد احسن وارتب
في شغله حلوه سويناها بعرس عيال عمتي مع الضيافه ... طلعت وحده مشرفه كانت وظيفتها تشرف على الفلبينيات وانه توزيع الضيافه يوصل للكل بصراحه ارتحنا هي كفت ووفت وما نقص على الضيوف شي
نسقي الديكور بالاتفاق مع العروس لان في ناس مره حاطين ورد وردي والعروس دشت برتقالي وصار الشكل كوكتيلي !!!!
خلي معاج ظرف كل ظرف حطي فيه الفلوس المطلوبه ( للبوفيه - الطقاقه - و .. و .. ) طبعا انتي بتدفعين عرابين وتكملينها يوم العرس وهالشي متعارف عليه وافضل لخدمة افضل فحطي اظرف كل ظرف فيه المبلغ الباقي لكل شخص وسكريه وكتبي عليه الاسم
جذي ما راح تخربطين مع احد لا تزيدين ولا تنقصين لان بهذاك الوقت بيكون مخج عفففففففففففففففففففيسه
هذا اللي اذكره الحين .. هذه ملاحظات شفتها بعروسنا وعروس اهلنا
