ويكون احسن تاخذينها صغيره وتربينها عشان تعلمينها عليج وتدربينها من صغر
واخذيها من محلات او ناس يبيعون اضمن وانظف
انصحج بفصيلة الهملايا وايد حلوه
اهني شلون تسبحينها ويكون احسن كل اسبوع مره
http://www.q8yat.net/showthread.php?t=166191
وتغيرين الرمل مالها كل اسبوع وحاولي تشيلين الوصخ كل يوم عشان لا تطلع ريحه
طبعا القطوه الصغيره تعطينها بسكوت الجاف خاص للصغار مكتوب عليه كيتينز وماي ما تشيلنه منها على طول موجود يمها
لما تكمل 3 شهور ابدي عطيها العلب الصغار فانسي فيست تدريجيا يعني كل يومين مره او يوم وترك بعدين يومي
لما تكمل سن البلوغ تعطينها الاكل للقطط البالغه
طبعا البسكوت على طول تعطينها لانه مفيد ومايضر وكل الفيتامينات فيه لا تقطيعنه عنها
الحليب انسيه لا تعطينها حليب نهائيا يضرها
وكل يوم مشطيها عشان لا يتشربك الشعر ويتساقط وايد ويأذيج
وانتضمي بمواعيد التطعيم عشان لا تمرض
اي شي يصير فيها وديها البيطري اول بأول عشان لا يصير فيها شي
اشريلها لعبه خليها تستانس لوووول
اذا شيطنت او سوت شي غلط لا تطقينها بس ناديها بصوت عالي عشان تخاف وذا ما فاد رشيها بخاخ الماي عشان لا تعيدها
