هل يوجد صداقه حقيقيه؟؟؟؟

[جاي مخدر]

في نظري المتواضع انه لا يوجد


صداقه حقيقه اليوم بل يوجد مصالح فقط


ولست متشائما في هذا القول


بل الواقع الذي نعيشه اليوم هو الذي يفرض


علينا ان نقول انه لا توجد صداقه حقيقه


واعتقد كثير من الناس مرو بتجارب من الصداقه


وتعرضوا لنوع من الخيانه



احبتي القراء هل توافقوني

الراي

ولكم تحياتي

 

[xxx]

رد : هل يوجد صداقه حقيقيه؟؟؟؟

والله وانتي الصاجه مافي صداقه حقيقيه

كل شي قام يخووووووووف

انا بالنسبه لي صديقاتي خواتي وبنات عمي وحماتي بسسسسسسس

ولا صديقات من بره مافي

 

[beauty]

رد : هل يوجد صداقه حقيقيه؟؟؟؟

ليش النظره التشاؤميه

الدنيا للحين فيها خير

بس احسنوا اختيار الصديق

وتذكروا

الصاحب ساحب

 

[جاي مخدر]

رد : هل يوجد صداقه حقيقيه؟؟؟؟

انا مثلك يا بنت الكويت ما عندي صديقات من بره كل صديقاتي من الاهل و مشكوره على المرور

 

[جاي مخدر]

رد : هل يوجد صداقه حقيقيه؟؟؟؟

مشكوره beautyعلى النصيحه و مشكوره على المرور

 

[BaiTotia]

رد : هل يوجد صداقه حقيقيه؟؟؟؟

الحمد لله عندي صديقات تعرفت عليهم من أيام المدرسة و الجامعة و أقرب لي من أختي

و في صديقات إنقطعت علاقتي فيهم

مو مني لا منهم

على قولتج مصالح!!

و هم الخسرانين ما أندم عليهم لأن مثل ما يقولون العشرة ما تهون إلا على عيال الحرام



و الدنيا بعدها بخير ليش متشائمين؟؟؟

و لو خليت خربت مثل ما يقولون

 

[جاي مخدر]

رد : هل يوجد صداقه حقيقيه؟؟؟؟

يارب انشاءالله ما تفرقون ولا تنقطع علاقتج بأحد ومشكوره حبيبتي BaiTotia على المرور

 

[نفنوف كشكش]

رد : هل يوجد صداقه حقيقيه؟؟؟؟

والله صاجه عن نفسي صار عندي تحفظ مع الصديقات.. ليش اني انصدمت اببنات كنت اتوقعهم اكثر من الخوات لاكن للاسف انهم بالويه منظره وبالقفا سجين !!بس شوفاي لوخليت خوربت في الزين وفي الشين

 

[كويتيه]

رد : هل يوجد صداقه حقيقيه؟؟؟؟

للاسف صارت الصداقه الحقيقيه ندره
ما ابي اقول انعدمت بس قابله للانقراض

 

[جاي مخدر]

رد : هل يوجد صداقه حقيقيه؟؟؟؟

ايه والله صاجه الصداقه صارت قابله للانقراض

 

[al7anona]

مشاركة: هل يوجد صداقه حقيقيه؟؟؟؟

انا اوافقج على رأيج
والله صج الحين الصداقة كلها مصلحة

 

[همس الروح]

مشاركة: هل يوجد صداقه حقيقيه؟؟؟؟

انا احس ان في وقتنا هذا ما في صداقات و اذا كانت في فتكون مؤقته و تنتهي بانتهاء المصلحه

و انا جربت هالشي يعني اكثر من وحده عرفتها بس تصادقني عشان مصلحتها .....

بس القلوب البيضاء موجوده و لو خليت لخربت ....

 

[موتي ولادمعه امي]

في هالزمن مافي صداقه حقيقيه واغلبها مبنيه على المصالح تنتهي متى ما انتهت المصلحه ,, وصدقيني ياختي صعب تلقين وحده على قلبج في ايامنا هذي!!!!
.........وبالنسبه لي(( اعتبر الصداقه عمله نادره))
وصديقاتي هم امي وخواتي واهلي بـــــــــــــــــــــــــــــــــــــــــــــــس
ومشكوره يالغاليه ويعطيج الف عافيه؛)

 

[فديتك والله]

برايي ان غلط الواحد يعمم بالمواضيع ،،، كل واحد وتجاربه بالحياة

يعني آنا مريت بصداقات توقعت انها صجيه لكن مع الوقت عرفت انها مؤقته

ومريت بصداقات لا والله انهم مثل خواتي وأكثر

ومثل ما آنا وانتي واهيا نعرف ان احنا ونعم الصديقات ترى في بنات مثلنا وأحسن

ومشكوره عالموضوع الحلو

فديتكم والله

 

[$الـــحـــلاوه$]

للأسف اقرب ثنتين على قلبي
مادري شصار وصارو بعاد عني
الله يعين .. بس مابي اظلمهم يمكن يكونون مشغولين لانه الدنيا تلهي الواحد
بس جد انا متضايقه لاني مشتاقتلهم ..

 

[أم حمني المزيون]

كانت أكثر من صديقة ويمكن أكثر من أخت بس المشكلة يوم انتقلت من الدوام وراحت مكان ثاني .......
ذهبت مع الرييييييح ...ليش ماادري؟؟؟هاذي صداقة؟؟؟كنت أحسبها جذيه بس للأسف طلعت صداقة يهال بالمدرسة...!!!!

 

[سبحان الله^الحمدلله]

بلى في صداقة حقيقية لكنها نااااااااااادرة

واحيانا تكون صداقة حقيقية بين طرفين فعلا وكلششش مافيها مصالح او غيرة او او او لكن النفوس احيانا تتغير فتقولين ماكانت صداقة حقيقية اهي ممكن كانت حدهااااااا معاج صادقة لكن سبحان الله تغيرت .....هالشي وارد مع الاسف

لكن فييييييي صداقات حقيقية تستمر العمر كلة

 

[ii DareeN ii]

صديقاتي امي واختي وخالتي ويدتي اهم شي يدتي صديقتي ويدتي وامي وكل شي :nbvppw:
عندي معارف اعزهم وخوش ناس بس صداقه صداقه للاسف ماعدت امن فيها

المستحيلات ثلاثه الغول والعنقاء والخل الوفي تحتها سبعين خط الزمن يغير الي مايتغير وتبقى للاسف مصالح لا اكثر ولا اقل