هل يوجد اضرار { تنظيف البشره }

[سهام11]

السلام عليكم ​

ارجو من الاخوات الي عندها معلومات عن تنظيف البشره سوا كانت حلوه اوشينه تفيدني فيها لاني ولا مره سويت تنظيف وافكر اسويه وخايفه من اضراره ارجو انكم تفيدوني
واذا كان ماله اضرار اي صالون تنصحون فيه لتنظيف البشره​

 

[سهام11]

رد: هل يوجد اضرار

ليش ماعبرتوني يالي دخلتو
ولا رد جاني اتمنى منكم الرد

 

[q9_meme]

رد: هل يوجد اضرار

السلام عليكم
انا انصحج اذا فيج احبووووب لا تسوين وذا بشرتج زيييينه مالا داعي اتخربينها شوفي صالوووونات لا تروحين واذا ما بذنج ماي روووحي عند دلال التركيت دكتوره انا جربتها
وشكرا

 

[موزة ام فارس]

رد: هل يوجد اضرار

اذا بشرتج زينه ومافيها شي نصيحة اختي لا تسوين
وايد بنات اختربت بشراتهم بسبب تنظيف البشرة

الحمدلله انا اسوي بروحي بالبيت كل اسبوع ومرتاحة


واذا كلش كلش تبين تسوين ..
سوي بنفسج بالبيت ولأن راح يكون تنظيف للبشرة لطيف مو مثل المراكز



والله يوفقج

 

[ranh]

رد: هل يوجد اضرار

حبيبتي نصحيه لا تسوي تنظيف بشره والسبب التالى
اولا البشرة مكون جميل وربنا خلق فيه اكثر من وظيفه ومنها مقاومة الظروف يعني لو الجو حار يعمل افراز العرق ليرطب البشرة وايضا يعمل على تغير اللون للاون الاسمر حتى لا تتضرر البشرة وفي نفس الوقت لو عملتى على تظيف البشره بمراكز التجميل ايش راح يصير
بشرتك راح تقاوم فتقوم تفرز افازات دهنيه اكثر في بعض الحالات فتحسي انك محتاجه لتنظيف باستمرار وهذا اكثر شئ ممكن يضايقك باتباع تنظيف البشرة
ولكن لو استعملتى التنظيف العادي والعنايه العاديه بالمنزل الوضع يكون مختلف لان الغسول بيكون مناسب وبتتحكمي في وقت وطريقة الغسل والاماكن المحتاجه لهذا التنظثف
لذلك انصحك بعدم اللجوء للمراكز لتنظيف البشره خاصه ان حاليا متوفر وسائل كثيره تعوض ذلك
والله اعلم
شكرا لك

 

[soo_soo]

رد: هل يوجد اضرار

هممممم ماادري هم اختي تقؤلي لا تسؤين عشان لا تخرب بشرتك

بس حبيت اسأل تنظيف يؤخر رؤس السؤده الي بالخشم ؤلا ؟؟

 

[موزة ام فارس]

رد: هل يوجد اضرار

بس حبيت اسأل تنظيف يؤخر رؤس السؤده الي بالخشم ؤلا ؟؟

للرؤوس السودة حبيبتي حلها بسيط

في لزقات يبيعونها بالصيدليات وبالجمعيات خاصة حق الرؤوس السودة اسمها Bioré

ممتازة جربيها

 

[عسولة ودلوعة]

رد: هل يوجد اضرار

اذا عندج رؤوس سوداء وبس هذي مشكلتج
تحطين زيت اللوز العادي على وجهك أو السمسم


وتحطين بجدر تخلين الماي يغلي ( ديري بالج خليه شويه يفتر )

وحطي فوطة على راسج وشوي غطيه عشان البخار ما يطلع برة

وخمس دقايق

ارفعي عنج الفوطة وطبطبي وجهك بالمنشفة الناعمة

وجيبي كلينكس وضغطي على خسمج
وكل الرؤوس السواء تقولين لها باي باي

وكسري سبع أولل وراها
على قولة اخوانا المصريين

بلا عبث الصالونات ولاشيء

خلصتي
جيبي مكعبات ماء ورد مرريه على وجهك

النتيجة فورية : وجهك وما فيه احلى منه
وتنظيف البشرة سواء بالصالون أو ال عند دكتور لااااااااااااااااااااااااااا كلهم
لا تعودين نفسك على هذا الشي
انا من عمري 18 سنة وهذي طريقتي ومرتاحة عليها

 

[ذويقه و انيقه]

رد: هل يوجد اضرار

اسأل مجرب و لا تسأل طبيب . لا إتعبثين بويهج . نصيحة ، طريقة عسوله و دلوعة ما انصحج فيها لأنها بهالطريقه تفتح المسامات بس ما إتسكر بطريقه سليمه ومع المدة راح تلقين المسامات على الخشم كبيره و مفتوحه . آنا شخصيا أسوي تنظيف بشرة كل 6 شهور يدقون علي و يذكروني مع ان ويهي الحمد لله مافيه حبوب بس علشان ما إتراكم النقط السودة على الذقن و الخشم وتكبر وبعدين لما اشيلها تترك أثر .ونصيحه ثانية لا تسوين تنظيف في صالون روحي عيادة جلدية زينه ، وآنا اروح حق مركز شياتسو بالسرة نظافة وأمان .

 

[noty]

تم تعديل العنوان لتوضيح الاستفسار

لتسهيل عمليه البحث و الاجابه

ملاحظه يرجى الاطلاع على قوانين القسم :

http://www.q8yat.net/showthread.php?t=59999


نرجوا التعاون و شكرا :tek:

 

[noty]

هلا قلبي

كل شي اذا ساء استخدامه بكون له اضرار


اهم شي اللي اتسويلج تكون بروفيشسنال و المنتجات المستخدمه

و ما تستخدم اجهزه في التنظيف يكون التنظيف يدوي


و خري عن الصالونات

روحي اماكن متخصصه و معروفه


انا عن نفسي اسوي ب ايليزيوم


تنظيف الويه مهم و يكون على حسب البشره في ناس كل 3 اشهر و في ناس اقل و ناس اكثر


و سلامتج :tek:

 

[tulips2]

بنات الله يعافيكم انا كنت ناويه اسوي تنظيف لان عندي حبوب داخليه و نقط سودا و قلت يمكن يفيد وياي !! تتوقعون في حل لان كانت بشرتي فيها حبوب بس الحين خفت مو بارزين و آثار و مسامات .. ما أدري شلون اعالج ما بقى كريم ما حطيته ..!!
و اتهقون عادي اسوي تقشير كرستال و في ابويهي حبوب بسيطه ؟

 

[سهام11]

مشكورين يالغاليين ع هالردود
واخذت بشور الاغلبيه وبلا هالتنظيف لان بشرتي زينه والحمد لله
وأختي tulips2 تقشير الكرستال مايستخدم الا مره بالعمر فاخليه لبعدين اذا اطلعت التجاعيد

 

[6amni bs]

والله شوفي حبوبه انا كنت اقول شنو تنظيف بشره شهالخرابيط بس لما الرؤوس السودا كثرت بنخشمي قلت لازم اروح وخصوصا اني عروس ورحت ماتحسفت الروؤس السودا كلها راحت وحسيت بعوار واهيا تسويلي بس قالت لانه بشرتج حيل محتاجه تنظيف وطلعت دهن اسود من ويهي ....

 

['طبق حنا]

حبيبتي كثرته توسع مسامات الوجه

 

[6amni bs]

لا والله بالعكس اللزقات مالت الخشم اهيا الي تكبر وتوسع انا كنت استخدمهم مسامات خشمي شكبرها صارت جنها نقطة بلنتي بس والله لما سويت التنظيف صار نظيف طبعا مع الكريمات والغسولات يصير الشغل ميه ميه

 

[همس الهموسات]

زي ماقالو اذا بشرتك حلوة لا تتعبثي فيها ..